مقامة الخيبة والحوار.

صباح حزمي الزهيري

الحوار المتمدن-العدد: 8606 - 2026 / 2 / 2 - 09:57
المحور: الادب والفن
    

حدثنا الحارثُ بنُ خيبة , قال: بينما كنتُ أجوبُ في فيافي (( الفيسبوك )) الفسيحة , وفي حوارات النفس العفوية , ومن خلال التعبيرات التي ينفس بها الآخرون على صفحاتهم الفيسبوكية , وأتأملُ في أحوالِ الرعيةِ الشحيحة , عثرتُ على حوارٍ دارَ خلفَ حُجبِ الغيبِ المستور, قبلَ أن تتبدلَ الأزمانُ وتدور , كان الحلمُ حينها ناطحاً للسحاب , والوعودُ تُساقُ بلا حساب , فسمعتُ صديقينِ ينسجانِ من الوهمِ قصوراً , ويحسبانِ السرابَ ماءً طهوراً , فدارَ بينهما من القولِ أعجبُه , ومن التفاؤلِ أغربُه , إذ قال الأولُ لصاحبهِ وهو يمني النفسَ بالأماني :
(( سالفة قبل ٢٠٠٣ بين شخصين :
-الأول: أگٌلك تدري لو يطيح صدام شنو عدنه من كفاءات بالخارج؟
- الثاني: لابشرفك , تعرف واحد بيهم؟
- الأول: واحد شنو , دگول بالألاف , أكو واحد عالم ذرة اسمه الشهرستاني هذا إذا لزم النفط والصناعة والكهرباء يسوي العراق جنة , خو أكو واحد اسمه الجعفري فيلسوف بالسياسة الخارجية , حتى كيسنجر يتعلم منه , و واحد آخر اسمه خضير الخزاعي , هذا اذا لزم التعليم , يابووووية , دول المنطقة تروح بالطين , يا امارات يا قطر , خوب اذا اجة فلاح السوداني , هذا يسمونة راهب حزب الدعوة , هذا يبچي ويظل يلطم من يشوف فقير وماينام ليله ولا نهاره , بالمناسبة عدهم اقتصاديين يشگون الگاع , منهم واحد اسمه علي العلاق هذا يلزم التراب يحوله ذهب , عمي يعتمدون على كتاب (( اقتصادنا )) , شعبالك , وداعتك يسوون العراق أغنى من اليابان , حتى الدنمارك راح تحسدنا.
- عااااا لابشرفك .
- أي وداعت السيد.
- ولك يا سيد ؟
- هاي شبيك السيد الريس , أنت وين راح بالك ؟
- ونعيش برغيد وسعادة , اي كمل , وبعد أكو غيرهم؟
- أي يمعود اكو حزب الدعوة , ذول كلهم علماء وعباقرة مثل حسن السنيد وعباس البياتي وسامي العسكري , واكو واحد عبقري اسمه جواد المالكي , هذا فضيع شريف وصادق ويموت عل العراق , واكو هواي غيرهم , بلكي الله ويجون , صدگ چذب , راح تشوف بعينك شلون يقفز البلد للسمه , هاه نسيت , أكو علمانيين مثل واحد اسمه الدكتور أياد علاوي هذا لو يلزم الطب نصير إحنا نعالج العالم وحتى اوربا كلها تجيلنه , ايه وداعتك.
- أوووف يمتة يطيح صديم ونشوف العراق شلون يطگ , والعراقي راح يطب لاي مطار بالعالم بهيبة واحترام.
- خرب عرضك صدام هذول كلهم طاردهم وحارمنه من علومهم وخبرتهم؟
- چا نسيت أگلك أكو واحد مختص بالأمن القومي اسمه موفق الربيعي هذا راح يسوي العراق مثل جنيف , يصير النوم رغد , تشمر فلوسك بالگاع , وره يوم تجي تلگاها على حطتهه , عوف بيتك مفتوح عوف سيارتك مفتوحة وين ما كان .
- هاااا وبعد عدنا السادة يمعود بيت الحكيم هذول بعد من اسمهم لو يحكمونه يصير العراق دولة العدل الالهي , وبعد ماكو ظلم ولا اضطهاد , ناس بسيطة تگعد عل البساط وتاكل شوربة ماش وزاهدة بالدنيا , الكل ياخذ حقه وماكو اي فرق بين الناس , يمعود سادة يخافون الله .
- زين وكردستان شلون؟
- لا إذا طاح صدام نطب ونطلع عادي لان هسه مشكلتهم بس ويه صدام , ماراح يعوفون العراق ابد لان يموتون على العرب .
- زين ودول الجوار, راح تعوفنا بحالنا؟؟
- صدگ چذب , دول الجوار شنو , يمعود الراح يجونك علماء بالزراعة والصناعة والاقتصاد , وداعتك إلا نخليهم يركضون ورانا مثل الچلاب , بس اصبر, بعد كم سنة ونتلاگة انة وياك , وراح اذكرك بلقاءنا هذا .
- يمعود خاف يطيح وتطلع كلها كلاوات؟؟
- خاب گوووم ولك إذا على أهل الدين هذول يدورون الآخرة مايبوگون أبد , انسى , وإذا على اللي بالخارج فهذول شايفين وعايفين , ايه طبعا , ادعي وياي , وين الله ويجون ,
(( بعد 17 سنة تلاگوا الشباب وبدون كلام , واحد تفل بوجه الثاني)) .

عام 2026 وبعد ان وقع الفأس بالرأس , وكمقترح سوريالي للحل , نشر موقع (( كاروك قديم )) الآتي : ((صديقي يكول جيرانة مثقف (كلللللش) سمعتة يكول اتمنى أن يجيبون وزراء اختصاص ومن نفس القطاعات فمثلا يجيبون عامل وزير للصناعة وفلاح للزراعة وطبيب للصحة , حبيت اجاريه واصير مثقف مثله فقلت ويجيبون (رجل امي) لدائرة محو الأمية وأبو(الارو) وزير موارد مائية , ويجيبون للبيطرة (مطي) , قابل بس هو مثقف )) .

كتب جعفر المظفر حكاية قصيرة عن العَرَقِ والعِراق : أتذكر جيدا حكاية (( كونفوشيوس الجعفري )) عن التلوث السياسي والأخلاقي , يوم ذكر ان كل الذين ظلوا في العراق في زمن صدام حسين لم ينجُ من التلوث , واحد من جماعتنة المتلوثين تمنى لو أن الجعفري كان تلوث مثلنا لكان العراق اليوم بألف خير وليس بخير واحدة , هاي وهوة ما متلوث لعب هو وجماعتة بينة طوبة لعد (جا) لو متلوث جان شنو اللي سَوَّوْ بِينه ؟ ثم أعقب قائلا كنا نأمل منهم أن يمسحوا عن العراقيين عَرقَهُمْ , فإذا بهم يمسحون عن العراقيين عِراقَهُمْ ,ثم مسح صديقي عَرَقَهُ وألقاه بإتجاه السماء وكأنه أراد أن يقول شيئاً )) .

وكنتيجة لما حدث ويحدث , وفي مرسومٌ شعبي , ينبري الشاعر حيدر الخفاجي فيقول : (( سأُعَيِّنُ ( قَحْبَةَ) شارِعِنا بوَظيفَةِ خازِنِ بَيْتِ المالْ , واعيِّنُ أُخْتَ القَحْبَةِ , نائِبَةً في المجلسِ تُعنى بغَسيلِ الأموالْ , وسأُصْدِرُ مَرسوماً لأعيِّنَ إبْنَ( القَحْبَةِ) في جيشي ( جَنِرالْ) , بلدي يحتاجُ لعاهرةٍ أكثرَ شرفاً مِنْ رَجُلِ الدينِ الدجّالْ , القَحْبَةُ أكثَرُ طهراً في بلدي من ايِّ سياسيٍ محتالْ , ( القحبَةُ ) انزهُ من شيخٍ نَجِسٍ بعقالْ , يسرق ابناءَ عشيرتِهِ ليلاً وصباحاً يمدَحُهُ ( المِهوالْ) , حين يصير الخَمرُ حراماً لكنْ موتُ الناسِ حَلالْ , سوفَ يصيرُ غِطاءُ سريرِ( القَحْبَةِ )عَلَماً فوقَ دوائرِنا الرسميَّةِ والخَتمُ السرّيُّ نعالْ , هذا المرسومُ بإسْمِ الشَعبِ لعلّ ( القَحبَةَ) تنجحُ في تغييرِ الحالْ )) .

لعل .

صباح الزهيري .

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل