مشاهد من سيناريو

أحمد غانم عبد الجليل

الحوار المتمدن-العدد: 8868 - 2026 / 10 / 24 - 23:57
المحور: الادب والفن
    

مشهد 1 خارجي - شارع فرعي – فجر

صوت إقامة الصلاة.
حسين رجل سبعيني. ملامح مجهدة، تعبيرات ذهول، نظرات زائغة، شعر أشعث، اللحية غير مشذبة. يرتدي جلباب. رجفة في إحدى يديه.
الباب الخارجي للبيت مبرقش بالصدأ.
البيت بناء قديم، الصبغ حائل اللون، صدع واضح في الواجهة.
يقف حسين عند عتبة الباب. ينظر يمنة ويسرة.
يخطو ببطء. نظرات قلق وريبة.
يمشي من أمام البيوت. ينظر نحو الأبواب والشبابيك المظلمة.
حسين بصوت قريب من الهمس: الحمد لله ما حد شافني. الحراس بعدهم نايمين.
مها o.s: حسين... وين رايح؟ ارجع الله يخليك.
مها شابة ثلاثينية. على وجهها أثار النعاس. ترتدي معطف فوق جلباب.
تتقدم نحوه وتقف أمامه.
مها (متذمرة): وتالي!... ما رح نخلص!... يعني لازم أزنجلك.
حسين (يتوسل): لا الله يخليج… بلا زناجايل ولا ضرب. جسمي بعد ما يتحمل.
مها: آني اللي بعد ما اتحمل… تعال كبل ما تلم علينا الجيران. وما أخلص من حجيهم.
تمسكه من يده ويعودان نحو البيت.

*

مشهد 2 داخلي - بيت حسين - فجر

إضاءة خفيفة. أثاث قديم. جدران حائلة اللون مثخنة بالرطوبة، مقشرة.
صحون صغيرة عليها بقايا شمع ذائب.
حسين ومها يدخلان… مها تنزع المعطف.
تجلس على كرسي بقوة. تنظر نحو حسين. نظرات مقهورة.
حسين ينظر نحو الأثاث والصور والثريا والتحف القديمة. نظرات تستغرب المكان.
مها تتنهد وتنهض. تمشي نحو حسين.
مها (في نبرة حنو): تعال أدخلك لغرفتك. نام شويه. وآني من اسوي الريوك اكعدك.
يدخلان غرفة حسين.
سرير وخزانة ملابس بطراز قديم.
تساعده مها على الاستلقاء وتغطيه.
قبل أن تخرج.
حسين: لا تتركيني… أخاف يجون يضربوني.
مها: محد يكدر يجي ويأذيك، انت هسه ببيتك، وماكو أي خطر عليك… شكال الدكتور؟
حسين: الدكتور ينطي أبر تموت المساجين.
مها: أويلي عليا… واويلي على السجن اللي ما ناوي تطلع منه.
حسين (في حذر): اششش... اسكتي لا يجون ياخذوج. تره آني من هسه ما أعرفج.
مها (في سخرية مريرة): والنعم منك ومن شهامتك.
حسين (يضحك): وكت الشهامة راح من أول راشدي وأول كيبل. مجربة ضربة الكيبل؟
مها: لا... بس هذا بقى ما جربته... نام عيني وارتاح.
تخرج وتغلق الباب وراءها
*

مشهد 3 داخلي - غرفة نوم مها - أول النهار

مها تدخل غرفتها. تغلق الباب وتستند إليه. تنظر نحو الشباك.
تتنهد… ثم تنظر نحو مرآة التسريحة.
تجلس أمامها وتمشط شعرها.
Cut to:
*
مشهد )فلاش باك(
داخلي - بيت شقيقة عزيز – ليل

بيت جيد الأثاث. مها وسندس تجلسان في الصالة.
سندس امرأة ستينية العمر.
مها ترتدي السواد. تعبيرات حزن في وجهها.
سندس: اسمعي حبيبتي، احنا رح نسافر. وانتي رح تبقين ويا حسين. آني ما رح ابيع بيت ابويه لخاطره… ورح اخليه يسويلج وكالة حتى…
مها: على كيفيج أم ياسر. شويه شويه عليا. ما دا افتهم.
سندس: المسألة واضحة… حسين رح يبقى وحده. وانتي بعد ما مات رجليج ما يصير تبقين عايشة وحدج. ووضعج المادي صعب.
*
Action on: (عودة)
مها: صرت مثل حراس البيوت القديمة لما أهلها يسافرون… ويا ريته يباوعلي أو حتى يفكر بيا مثل ما تجي على باله، حتى بعد ما تركته وسافرت.
تخرج صورة من جارور في التسريحة.
Close up
نحو صورة قديمة لامرأة جميلة في الثلاثينات من عمرها.
تنظر مها نحو الصورة في امتعاض.
تنظر إلى المرآة.
مها v.o: مع اني تمنيت…
تعبير خجل في وجهها.
تخفض رأسها.

*

مشهد 4 خارجي - حديقة بيت حسين - نهار

حسين يجلس على كرسي وسط الحديقة.
مها تخرج من باب البيت.
مها: حسين.
حسين تضطرب تعبيرات وجهه. تزداد رجفة يده.
مها: شبيك يا عيني. لا تفز…
تقترب منه. تحاول تهدئته.
مها: إهدى الله يخليك…
تنظر نحوه بتعاطف.
مها: صديق ابن اختك رح يجي هسه.
حسين: شنو. ضابط نقلوه جديد للسجن!
مها: اوففف… اسمه سعد، ابوه جان صديقك.
حسين: شيريد؟
مها: يريد يشوفك.
مها (بصوت خفيض): ولو ما ادري شرح يفتهم من واحد ذاكرته مثل الكهرباء الوطنية.
مها (بصوت معتدل): كوم هسه البس دشداشه لوخ.

*

مشهد 5 خارجي - شارع عام ‐ نهار

سيارة تمضي في شارع مزدحم.
حازم أمام المقود وإلى جانبه سعد في الأربعينات من العمر، يرتدي قميص وبنطلون وسترة جلدية.
سعد ينظر إلى المحلات والمارة على جانب الطريق.
حازم: شرح تسأله بالضبط؟
سعد: أريد اعرف تفاصيل اللي صار.
حازم: كأنك تريد تعذب نفسك… هذا شي فات عليه عمر.
سعد: كول فات عليه عمرين، كبل الاحتلال وبعد الاحتلال… خليني اسد هذا الباب حتى لا ياخذ الباقي من عمري.

#أحمد_غانم_عبد_الجليل (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل