نزهة في شارع أبي نؤاس

علوان حسين

الحوار المتمدن-العدد: 7928 - 2024 / 3 / 26 - 12:17
المحور: الادب والفن
    

في بغداد يشعر الزائر بالضجر بعد أيام قليلة . وللهروب من صخب المدينة وفوضى شوارعها المزدحمة بالناس والسيارات والباعة الذين شغلوا الرصيف حيث لم يتركوا مساحةً للمشي ، قررت الذهاب إلى شارع أبي نؤاس والتنزه هناك قرب النهر وبين الأشجار . توغلت بين الأشجار القليلة الهرمة توصلت إلى شارع ترابي يتوسط المنتزه الذي بدا لي مهجوراً تماماً . كنت أبحث عن تمثال أبي نؤاس شاعر الخمرة والجنون العذب . لا أثر للسكارى أو العاشقين والوقت بعد منتصف الظهر . سرت بضع خطوات لمحت شابين رجل وامرأة مدا بساطاً على العشب وجلسا مقابل بعضهما يتهامسان . على بعد خطوات منهما جلس شاب بمفرده على مصطبة يرقب الشابين العاشقين . في تلك اللحظة برقت في خاطري فكرة مجنونة اندفعت حيث الشاب الجالس وحده ودون مقدمات أخذت بيده وسحبتها بحزم وقليل من العنف . بوغت الشاب وترك جسمه المتصلب ينقاد لي بإستسلام .
⁃ مبين وحدك أكيد شاعر بالوحشة . بادرته بالقول ..
⁃ صحيح أنا وحدي ولكن شتريد مني ؟ لا أعرفك ولا تعرفني شنو سالفتك ؟
⁃ بصراحة ما عندي سالفة أنا وحيد مثلك وضايج حبيت أدردش معك ..
⁃ يا أخي أنا مشغول مو فاضي أدردش معك عوفني الخاطر الله ..
⁃ آني أخوك ما صدكت لكيت رفيج شلون أعوفك ؟
⁃ هاي شلون طلابة عرفه ولفه ..
⁃ أكلك أنته جوعان نروح نتغدا ؟
⁃ الغده على حسابي لو على حسابك ؟
⁃ على حسابي وتدلل ..
⁃ منو كالك آني جوعان ؟
⁃ مبين من وجهك ..
⁃ شبيه وجهي ؟
⁃ وجهك أصفر مثل الكركم ..
⁃ فك ياخه مني وروح خليني أرجع لشغلي ..
⁃ ما تكلي شنو شغلك الله يخليك ؟
⁃ يا أخي أنا صاحب كيف أنته أخو مزاجي ؟
⁃ لا طبعأ بس لو تشوفلك بنية وتكعد وياها على العشب تدردشون مو أحسن من هاي الكنبصةوتلصص على العالم ؟
⁃ أنته أحد دازك عليه ، شتريد مني ؟
⁃ عازمك نروح على السينما ..
⁃ بغداد ما بيها سينمات هاي المودة بطلت ..
⁃ نروح نتفرج على مسرحية ..
⁃ هاي أنته غير بطران وين أكو مسرح ببغداد ؟
⁃ بار نشرب بيرة ونغير المزاج ..
⁃ أكيد أنته جاي من المحافظات عبالك بغداد مثل قبل ، البارات عزلوها الإسلاميين صرنا مثل قندهار ..
⁃ زين الشاب شيسوي حتى يتونس ؟
⁃ شيسوي غير يبصبص على العالم ! عندي جمارك كيف يعجبك تكيف ؟
⁃ آني ما أدخن علمود صدري ..
⁃ إذا تشم عندي شي يخليك تحلق فوق ..
⁃ لا مع الأسف ما أتعاطى هاي الأشياء ..
⁃ لا تكيف ولا تتعاطى هاي الأشياء ما لكيت غيري ؟
⁃ آني أحب قراءة الكتب ..
⁃ مثقف حضرتك عبالي بطلت مودة الكتب ..
⁃ القراءة متعة وفائدة وتخليك تحلق في الخيال ..
⁃ بس الكيف والنسوان تخليك تحلق تروح ندور على شي وحدة من الدايحات ..
⁃ آسف أريد علاقة رومانسية ..
⁃ شني يعني رومانسية ؟
⁃ يعني علاقة مبنية على عاطفة وحب ..
⁃ خوش جا درب العاطفة والحب عبور الشارع اطلع بيه كبل وآني أرجع أشوف شغلي ..
⁃ مع السلامة ودير بالك على حالك ..
⁃ مع ألف سلامة ..

#علوان_حسين (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل