تبرعاتكم وتبرعاتكن المالية تحفظ استقلال الحوار المتمدن، فشاركونا في دعم استمرارية هذا الفضاء اليساري الحر

قاضم الشعير

هيثم ضمره

الحوار المتمدن-العدد: 8812 - 2026 / 8 / 29 - 15:38
المحور: كتابات ساخرة

قبل يومين، الدكتور يوسف الربابعة نزل على صفحته على الفيسبوك صورة حمار.

أنا بصراحة ما بعرف شو المناسبة، ولا شو قصة الحمار.

لكن الصورة شدتني.

أنا بحب البيزنس، وعندي عين على الفرص الاستثمارية، فدققت بالحمار منيح.

واقف بشموخ.

راسه مرفوع.

وأذنيه مشدودات.

مش زي حمير زمان.

الحمار العادي أول ما ترفع الكاميرا قدامه، بنزل راسه، وأذنيه بدندلن.

هذا لا.

راسه مرفوع، وبتطلع عليك بعين وحدة.

وقفة مؤثر.

أنا بصراحة، وبالفم المليان، أرى في هذا الحمار مشروعًا استثماريًا.

وعشان هيك بوجه كلامي للدكتور يوسف الربابعة:

إذا إنت مش مهتم تشتري الحمار، أنا مهتم أشتريه.

ومش عشان يشتغل.

أنا بدي إياه مؤثر على السوشال ميديا.

الدكتور يوسف عمل أهم خطوة، وسوّق للحمار بدون ما ينتبه.

نزله على الفيسبوك.

خلص.

هسا بدنا صحفي محترم يعمل معه بودكاست، ويقعد قباله بكل جدية ويقول:

— معنا اليوم المؤثر قاضم الشعير.

وطبعًا بالبداية ما بدنا نطلعه عن تخصصه.

أول بودكاست عن الشعير.

تجربته مع الشعير.

مستقبل الشعير.

والتحديات اللي بتواجه قطاع الشعير.

وقاضم الشعير بجاوب بكل بسالة.

هذا مجاله.

الناس بتتقبله.

ممتاز.

بعدها بنعمل معه حلقة عن الاقتصاد.

بعدين السياسة.

بعدين العلاقات الدولية.

شوي شوي.

وبعد شهر بصير قاضم الشعير عنده رأي بكل إشي.

والناس بتصير تستشهد فيه.

تحكي بالاقتصاد:

— والله قاضم الشعير حكى غير هيك.

تحكي بالتعليم:

— واضح إنك ما سمعت حلقته الأخيرة.

مين قاضم الشعير؟

الحمار نفسه.

اللي قبل شهر كان كل تخصصه بالحياة الشعير.

عشان هيك يا دكتور يوسف، إذا إنت مش ناوي تشتريه، دلني على صاحبه.

لأنه اليوم ممكن نشتريه بسعر حمار.

بكرة ما بنقدر.

بكرة بصير عنده مدير أعمال، ومصور خاص، ومدير مواقع تواصل، وإعلانات، ورعايات، وبودكاستات.

وبصير يصور كل إشي.

شو أكل.

وين راح.

وين قعد.

حتى أجراباته بصورها قبل ما يلبسها.

والمشكلة إنه حتى الشعير ما بعود يمشي معه.

زمان بتحط له شوية شعير وبتقله:

— تعال.

بيجي.

بعد الشهرة لا.

بدك تتواصل مع مدير أعماله.

وتدفع مبلغ محترم.

وتأمّن سيارة.

ورايح جاي.

وكل هذا مقابل جلسة ساعة يحكي لك فيها عن الاقتصاد العالمي.

وبعدها إذا بدك تتصور معه…

إنت اللي بتدفع.

#هيثم_ضمره (هاشتاغ)

ترجم الموضوع إلى لغات أخرى - Translate the topic into other languages

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن
في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل