أخبار عامة - وكالة أنباء المرأة - اخبار الأدب والفن - وكالة أنباء اليسار - وكالة أنباء العلمانية - وكالة أنباء العمال - وكالة أنباء حقوق الإنسان - اخبار الرياضة - اخبار الاقتصاد - اخبار الطب والعلوم

الصفحة الرئيسية - مواضيع وابحاث سياسية - ميمون الواليدي - شاهد على زمن الحسن الثاني. الحلقة 1: عيد العرش أحسن من العيد الوطني !















المزيد.....

شاهد على زمن الحسن الثاني. الحلقة 1: عيد العرش أحسن من العيد الوطني !


ميمون الواليدي

الحوار المتمدن-العدد: 6705 - 2020 / 10 / 16 - 11:25
المحور: مواضيع وابحاث سياسية
    


#سلسلة #شاهد_على_زمن_الحسن٢
#الحلقة_1 : عيد العرش احسن من العيد الوطني!
من بين الأمور لي مكايعرفوهاش أغلبية المغاربة ديال اليوم، هو أن البلاد "خدات الاستقلال" رسميا بتاريخ 2 مارس 1956 يوم توقيع البكاي الهبيل وثيقة إنهاء "الحماية". ولكن الدولة المغربية كاتحتافل بالعيد الوطني لي سماتو عيد الاستقلال (حيت فاغلبية دول العالم ذكرى الاستقلال كايتسمى العيد الوطني) في 18 نونبر من كل سنة. علاش تغيير تاريخ الاحتفال بحدث بارز بحجم حدث "رحيل" الاستعمار ؟ السبب أسيادنا هو أن "لمعلم" (بتسكين كل الحروف) لي هو الحسن الثاني (هكا سمعنا الكبار كايسميو الملك حيت غير باش تذكر سميتو كانت شي حاجة كاتجيب التقفقيفة) وصل للحكم بتاريخ 3 مارس 1961. وبما أن المغرب كان كايحتافل فعهد محمد الخامس بعيد "الاستقلال" فتاريخ 2 مارس فكان عارف أن التاريخين 2 مارس و 3 مارس غايتخلطو، وغايغطي الاحتفال ب 2 مارس على الاحتفال ل 3 مارس وبالتالي غايغطي على "ذكرى تربع جلالته على عرش أسلافه الميامين" كيف سمعنا محمد المودن ومصطفى العلوي وكاع أوركسترا دار البريهي كايرددو طيلة سنوات. الحسن الثاني بغا يحتافل بذكرى الوصول للسلطة (لي هيا مناسبة فدول أخرى لتقديم الحصيلة والاستعداد للحساب والصناديق) بشكل مهيب ومسرف ويسر الناظرين ويدب الرعب في قلوب المشككين و"يقطر الشمع والسم معا" للحاسدين. كان عزيز عليه الحوايج الكبيرة والمضخمة، سدود كبيرة وقصور كبيرة ومعتقلات كبيرة فعلاش لا احتفالات كبيرة. قرر مع الوصول للحكم تغيير تاريخ الاحتفال بالعيد الوطني واختار ليه 18 نونبر، لي كان تاريخ وصول محمد الخامس للعرش سنة 1927 وأيضا تاريخ أول خطاب له بعد الرجوع من مدغشقر سنة 1955. مع توالي السنوات ومع سياسة لي دوا يرعف والنار والحديد ولجم الأفواه، نساو المغاربة 2 مارس وتنسا معاه نشيد "دولة المغرب" (النشيد حتى هو حكاية). الأجيال لي جات من بعد تربات على كذبة ماقدوش جدودهوم إواجهوها، أوماقدوش والديهوم اخبروهوم بها، حيت الأسوار والديور والحيوط كانون عندهوم وذنين أكبر من الاقمار الصناعية.
كانذكر، كيف كايذكرو أولاد جيلي والناس لي سبقونا، كيفاش كانت البلاد كاتوقف بحلول فبراير من كل عام، كيفاش كانت المدن والقرى كاتولي بحال ريو دي جانيرو مصبوغة بالحمر ولخضر. كولشي كان كايبدا مع البراح لي كايدور: لا إله إلا الله، ماتسمعو غير الخير إنشاء الله، كالكوم القايد، جمعو الحجر وجيرو الشجر ...... منصات فالساحات والميادين، والخيام فجناب ديال الطرقان والأسواق، وحتى فجناب الويدان فبعض المدن والبلدات. ولائم باذخة والزرود صباح مساء ولي كان فيها الطبق الرئيسي والضروري هو الشوى، الغنا والشطيح طوال أسابيع، وطبعا كاتوقف القراية بشكل غير رسمي تقريبا بين شهر ونص وشهرين باش التلاميذ استعدوا للحفلات والاستعراضات بحال إلى غايشاركو فالالعاب الاولمبية. الاستعراضات لي كانت كاتهلكهوم وتسخسخهوم خصوصا أن الاغلبية كانت عايشة بالخبز واتاي والعظام ديال الأطفال مكايتحملوش هذاك الضغط ديال الوقوف النهار وما طال.
أنا كبرت فواحد الفيلاج وسط الأطلس المتوسط، ومن بين الحوايج لي عاقل عليها أن السكان ديال المنطقة كان بزز عليهوم اخليوم الفلاحة ديالهوم واخليو البهايم ديالهوم واخليو ديورهوم باش ادوزو تقريبا 3 د السيمانات فالخيام التقليدية السوداء لي كانت كاتحط فالبلاصة فين كايكون عادة السوق الأسبوعي. كان مفروض على كل قبيلة تجيب خيمة مصاوبة باتقان (عادة كل عامين كايخص العيالات انسجو خيمة جديدة حيت القديمة مغاتعجبش المخزن). هاذ الخيام كايتفرشو بأجود أنواع زرابي الأطلس (إلى شي رجل سلطة عجباتو شي زربية مشات الضبابة على عينين مولاها)، ومجهزة بالاواني ديال الفضة، مكاين غا الصواني والبرارد والمقارش من داك الطرز، أواني كاتخزنها العائلات خصيصا لهاذ المناسبة (عاوتاني كايسرقوهوم الخوت). كانوا كاينظمو الخيام على شكل حرف U باش تبقا غير البلاصة من ادخلو الناس ومنين ادخلو الخيل للتبوريدة. مايقارب 40 خيمة كاتمثل قبائل اشقيرن (لي كاتعرفوها جميع بجماعة تيغسالين، جماعة تيغسالين ديال معركة لهري ومعركة تازيزاوت وأحداث 3 مارس 1973 ماشي تيغسالين لي كايسوقها المخزن والإعلام ديالو). هاذ الخيام كانت كاتغطي واحد المستطيل الطول ديالو تقريبا 500 متر (وهادشي لي كان فجميع مناطق المغرب). أكبر خيمة، كانت فملكية الجماعة القروية (مصاوبة بمساهمة من جميع القبائل)، كانوا السكان كايسميوها بالشلحة "أخام لقروية". طيلة 3 د السيمانات كانت العائلات مجبرة دير بيرمانوص فالخيام بالتناوب، بمعنى خصهوم اطيبو الماكلة يوميا باش اعلفو المسؤولين واستقبلو الضيوف مقابل "استمتعوا" بجولات ديال التبوريدة والسهرات بالليل على نغمات أحيدوس ديال المايسترو موحى الشهير (ابن البلدة بالمناسبة) والصدى ديال مواويل (ثماوايث) الشيخات كايردوه جبال لي دايرين بالفيلاج. من كثرة الإسراف فالطياب والماكلة، فاش كنا صغار كنا كانسميو عيد العرش "عيد الكرش"، حيت بنادم كايجلس غير على الماكلة وشريب أتاي (وطبعا الشراب من مورا الخيام بالنسبة لعشاق الماحيا وعيشة الطويلة). هاذيك 3 د الأسابيع كانت فرصة لينا فاش كنا أطفال باش نلعبو ونجريو وانقزو بلا حسيب ولا رقيب. وفديك المدة كنا كانستافدو من السخاوة ديال للآباء والاقارب والضيوف، بمعنى كاندورو الحركة وكانسخنو جياب. هكا كنا كانتزاحمو عند مالين الكلية ومالين طايب وهواري ومالين الزريعة. هاذوك لي والديهوم لاباس عليهوم أولا والديهوم سخيين لي كانوا كايبانو من لباسهوم كانت الهواية ديالهوم فعيد العرش هي اشريو النفاخات بكل الأشكال والألوان. كاينفخوها واربطو بخيط واضلو يجيرو فجميع الاتجاهات. ولكن واخا داكشي حنا أولاد الفقراء والبخلاء كنا كانستمتعو بدوك النفاخات أكثر منهوم. فالليل أغلبية الخيام كاضوي بالفتيلة والشمع، داكشي علاش فينما مشيتي تلقا داك لاستيك الصفر باش كايشدو الشمع، كنا كاندورو ونجمعوه، كانصاوبو مقلاع صغير وندبرو على طروفة صغار ديال السلك، وكانبداو ننتاقمو من اصحاب النفاخات، وكانت هاذيك ربما بداية تشكل الحقد الطبقي فريوسنا كانوقفو حدا مول النفاخات، لي جا شرا كانتبعوه حتى ينفخها ونصيفطو ليها صاروخ، ومع صوت الانفجار مع الغوتة ديال le fils à papa ، الغوتة لي مكاتحبس حتى يشري وحدة أخرى، ومكايحس عاود حتى يطرطقها شي "صعلوك" مخبي مورا الخيمة.
فداك الوقت كانو رؤساء الجماعات ومعاهوم العمال ورؤساء الدوائر كايصرفو على الاحتفالات ميزانيات كبيرة، وكانت هاذيك مناسبة للنهب والسرقة والاغتناء من أموال العامة، بحيث كاينفخو فالفاكتورات بحال شريب الما. الجماعة القروية ديالنا مثلا، كانت عندها مداخيل مهمة من الغابة، وطوال سنوات رئيس الجماعة لي كان جالس على الكرسي حتى ورثو ولدو، استنزفت الغابة ديال الأرز والبلوط وباعها بلا محاسبة. مئات الهكتارات من أجود أنواع الأشجار ثمنها تصرف على الحفلات وليالي لالة ومالي وتقرقيب السطالي. الوالد كان صديق حميم لهاذ الرئيس، كان ديما كايقول قدامنا مرارا وتكرارا بلي الرئيس كايخسر على الحفلات باش إلهي السكان وهكا غا يلقا الهوتة باش استمتع بالمغامرات ديالو الجنسية مع القاصرات والمتزوجات والمطلقات وكاع جمع المؤنث السالم الممكن . وكنا بعض المرات كانسولوه علاش كاينجح كل مرة فالانتخابات، كايقول لينا حيت أغلبية العيالات كايصوتو عليه بما في ذلك نساء المنافسين ديالو .
نهار 3 مارس، كان ديما نهار غير عادي بالنسبة للتلاميذ وخصوصا أطفال الابتدائي. كان ضروري يفيقو الصباح بكري والبسو ديك اللبسة لي شراوها والديهوم مكرهين للمناسبة، ولي كاتكون فالعادة لباس رياضي بالأحمر أو الأخضر مع سبرديلة أديداس. وخصهوم امشيو للمدرسة فين كادار آخر الاستعدادات قبل مايتنقلو فموكب شبه عسكري بحال داكشي ديال شباب هتلر للبلاصة فين غادار الاحتفالات والتدشينات الرسمية (تدشين شي زنقة ولا روبيني ولا مقر ديال القيادة ....). فالعادة، كايوقفو التلاميذ فصفوف من 9 دالصباح تال العشية لأن المسؤول لي غادي يدشن مكايفيقش بكري، وملي كايجي كايجلس فالخيمة، وخصو يتغدا بالشوا واتفرج فالشيخات عاد غايدشن مع العصر. ساعات ديال الوقوف فالشمس بالجوع والعطش، والمعلمين كايصيفطو كارو مورا كارو ومحاملينش الوضع ولكن مكره أخوك لا بطل. هادشي كولو كوم وإلى غايدوز الحسن الثاني كوم تاني خالص كيف كايقولو خوتنا ديال بلحة. القيامة كاتنوض من أجل بضع دقائق، وأسوء صورة كانتذكرها على حدث بحال هذا، (تكرر أكثر من مرة حيت جينا على الطريق الرئيسية فاس مراكش) هي حجم السبان والركولة لي كايفرقو المرود والقياد والمقدمين على عباد الله.
لابد مانذكر ان بعض الأساتذة والمعلمين كانوا كايستاغلو الفرصة باش احفظو للتلاميذ أغاني مارسيل خليفة وفيروز ومجموعة العاشقين، وشي وحدين كانو كايديرو المسرح ولا ورشات باش اصاوبو عربات خاصة للاستعراض، ولكن داكشي كان نادر وغالبا مكايفوتش أسوار المدارس، حيت المهم داك النهار هو نشيد : في 3 مارس فزنا ... ماعمري عرفت باش فزنا ؟!!
طبعا أهم نشاط نهار 3 مارس هو خطاب الملك. هاذيك الفرصة باش الوالد اشعل التلفزة، لي كانت ديما مغطية وكاتسنا الضياف . من بين الأسئلة الطفولية لي كنت كانطرحها فداك الوقت، علاش المذيع كايقول تربع على عرشه وهو جالس مكسل على الكرسي وشاد كارو (كارو لي كانو الكبار كايقولو لينا راه عطاه ليه الطبيب حيت فيه الضيقة). أغلب الخطابات ديالو كان كايساليها باية قرآنية وأكثر وحدة رددها هي "رجال صدقوا الله ما عاهدوا، منهم من قضى نحبه، ومنهم من ينتظر، وما بدلوا تبديلا". وحتى ملي كايفوت 3 مارس كاتستامر الاحتفالات وكاتجي نوبة الدكالي وبلخياط ونعيمة سميح.... والأسوء كاع هو قراءة برقيات التهاني من الملوك والأمراء والرؤساء وخصوصا داك ولد الذين ديال ملك بروناي لي عمرو فلت شي مناسبة .




لمعرفة اخر تطورات فيروس كرونا في بلدك وفي العالم كله انقر على هذا الرابط
https://ahewar.org/Corona.asp





كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل



رأيكم مهم للجميع - شارك في الحوار والتعليق على الموضوع
للاطلاع وإضافة التعليقات من خلال الموقع نرجو النقر على - تعليقات الحوار المتمدن -
تعليقات الفيسبوك () تعليقات الحوار المتمدن (0)


| نسخة  قابلة  للطباعة | ارسل هذا الموضوع الى صديق | حفظ - ورد
| حفظ | بحث | إضافة إلى المفضلة | للاتصال بالكاتب-ة
    عدد الموضوعات  المقروءة في الموقع  الى الان : 4,243,159,423
- فيروز ليست ألكسندرا كولونتاي !
- تعليم في الحضيض ومستشفيات كالمسالخ !
- المقامة الرمضانية
- المقامة الدافقرية
- عن بوتين وأردوغان !
- الجميع مطبع مع الصهيونية
- هيئة ضبط
- كوفيد 19، كاترينا والآخرون !
- تحليل ملموس، لا سفسطة برجوازية !
- لا أعرف عمر الراضي لكنني أعرف الدولة المغربية !
- عن الحكومة والعيد والعطلة وأشياء أخرى !
- الأمازونيات، أو جمهورية السحاقيات !
- سجل أنا لست عربيا، سجل أنا لست أمازيغيا!
- يوميات ساخرة 2 : كوبا أمريكا وكوبا مسلمين
- يوميات ساخرة 3 : صلاة الوزراء والقياد، صلاة التراويح والأعيا ...
- يوميات ساخرة 4 : القفة والجلالب والقوالب !
- يوميات ساخرة 5 : مغارة البغلمان والأربعون حرامي !
- يوميات ساخرة 6 : قنوات الصرف الصحي وعصير -الحامض- !
- يوميات ساخرة 1 : ليبرالي الليل وليبرالي النهار
- إنتقال


المزيد.....




- وزير دفاع تركيا يرحب بـ-تطور مهم- من جانب مصر.. وقناة تركية ...
- وزير دفاع تركيا يرحب بـ-تطور مهم- من جانب مصر.. وقناة تركية ...
- البابا: الهجوم على العراق استهداف للتاريخ
- فيديو: البابا فرنسيس يزور المرجع الشيعي علي السيستاني في الن ...
- دبلوماسية وكاتبة فرنسية تقول إن المملكة المتحدة ستفقد تأثيره ...
- دبلوماسية وكاتبة فرنسية تقول إن المملكة المتحدة ستفقد تأثيره ...
- روحاني يطالب الكاظمي بالإفراج الفوري عن مليارات الدولارات لص ...
- الذكاء الاصطناعي يعيد الحياة إلى الموتى
- روحاني يدعو العراق لتحرير أموال إيران المحتجزة.. وبغداد ترد ...
- دراسة إسرائيلية تكشف عن -تأثير مخيف- يسببه -كورونا- للياقة ا ...


المزيد.....

- إقتراح بحزمة من الحوافز الدولية لدفع عملية السلام الإسرائيلى ... / عبدالجواد سيد
- مقالات ودراسات ومحاضرات في الفكر والسياسة والاقتصاد والمجتمع ... / غازي الصوراني
- استفحال الأزمة في تونس/ جائحة كورونا وجائحة التّرويكا / الطايع الهراغي
- مزيفو التاريخ (المذكرة التاريخية لعام 1948) – الجزء 2 / ترجم ... / جوزيف ستالين
- ستّ مجموعات شِعرية- الجزء الأول / مبارك وساط
- مسودات مدينة / عبداللطيف الحسيني
- اطفال الفلوجة: اللغز الطبي في خضم الحرب على العراق / قصي الصافي
- صفقة ترامب وضم الاراضى الفلسطينية لاسرائيل / جمال ابو لاشين
- “الرأسمالية التقليدية تحتضر”: كوفيد-19 والركود وعودة الدولة ... / سيد صديق
- المسار- العدد 48 / الحزب الشيوعي السوري - المكتب السياسي


المزيد.....
الصفحة الرئيسية - مواضيع وابحاث سياسية - ميمون الواليدي - شاهد على زمن الحسن الثاني. الحلقة 1: عيد العرش أحسن من العيد الوطني !