محاكمة أشباط

سعدي جبار مكلف

الحوار المتمدن-العدد: 4714 - 2015 / 2 / 8 - 08:55
المحور: الادب والفن
    

محاكمة أشباط

في مثل هذا اليوم هجم الذئاب التتار الجدد على العراق ، وما زالت أعمالهم وجرائمهم الوحشية في ذاكرة كل العراقين الذين تعرضوا الى تلك المأسي والأعمال الأجرامية، أباحت وشجعت القتل أنه التأريخ الأسود لعصابات شباط الموت ....

شلون دنيا الغدرت بلمة زلمنا
شلون دنيا وراح مشراگ الوكت ظلم دربنا
چانت الدنيا عشگنا
دلته هودج عرسنا
چان نور الشمس ألنا
الگمر حط أبسلفنا
النجم ضوه وكتنا
عثگ البريم وطلع نخلات جدي
كلها عندي
كلها تتنومس أبسدي
الوكت ساعاته وردي
الشعارات النخطها ألها رنة
جنة جنة
چنة چنة
أشباط يشهد چم شهيد الطاح منا
يشهد الدم يالشوارع
صار حنة
بيرغ العز والبطولة أيصيح أحنا
كلها ألنا
شباط يشهد عن زلمنا
عن نسور الشاكرية
عن أسود الكاظمية
الزوية نار تلهب
ما تخاف أمن المنية
صاحت الثورة قيامة
وينكم أهل الحمية
اليوم يومك يل تجية
حطني طلقة
حطني فشگة
خوية لا تسأل علية
أنا ذاك أنا
شبل كانون معروف الهوية
اليوم يومك بس توكل
گول حيهم
نخلي دباباتهم خرسة أبخيمهم
نخلي طياراتهم عمية أبسربهم
الناس تصرخ الشعب يهتف
چانت الدنيا كرستال وذهب
العتب
بعد شيفيد العتب
صرنة سالوفة أبحلگ قصر النهاية
ومكتب التحقيق أبفضوة عرب
راح عادل والعبلي
راحت آلاف الزلم
وحنا نهتف يا وطن حر وسعيد
بالحلم بالحلم
صارت أسطور وقلم
صارت أسطور وقلم

سعدي جبار مكلف
1-2-2015
سيدني استراليا

#سعدي_جبار_مكلف (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل