تنور أمي

سعدي جبار مكلف

الحوار المتمدن-العدد: 4377 - 2014 / 2 / 26 - 07:53
المحور: الادب والفن
    

التأريخ لا يعيد نفسه كما يشاع ولكن بعض البشر يكررون
غبائهم لأنهم يمنحون ثقتهم لشخص مرتين... إننا لا نستطيع أن نغيرهم دعونا نغير العيون التي تنظر أليهم ...
چّيمي التنور يمه
وجّري التنور يمه
ولا تخبزين الخبز
حطي أجروحي بدلها
چتلت أبنادم سببها
ألما شفاها كل خرز
ولاهي زفة عرس غبشه
منذور لعيونه شمع
عوذه وحرز
لا تخبزين الخبز
أبهيده يمه أجروحي تنزف
ولسعة التنور لسعة
مثل ليل الغربة هندس
عيوني ما بطلت دمعة
أشتاق يم گلب الحنين
حضنچ الطيب أشوسعة
أشلون بالطايح رچيچ
وعينه تربي الماي قداح النخل
ويتني أيده أتلوح طلعة
يتني هلهولة عمامه أتصير فزعة
آخ ياليل الرمادي
هم ألك ذكرى ورجعة
أشلون بالفارك حبيبه النگرة السلمان
يا رمز النشامة ونعم ربعة
أشلون تاليها يقلعة
يمه ذكريهم أبخبزچ
ذوله حفاي الشوارع
الوقعوا صك البراءة
وأعتراف
وطاحت الگطرة بدناءة
وهلهلو الليلة عيد
وشخطوا العنوان الأحمر
يا وطن حر وسعيد
لبسوا الخاكي وشدوه النطاق
وصاروا أزلام الزقاق
حملوا الرشاش الأرعن
ياعراق ...يا عراق
ضاگت الوسعه علينا
بتنا دنيا أبلا أشتياق
من أذكر التنور يمة
أتشوغ روحي
وأحلم أبليلة الزفة
أصبحت ذيچ الليالي حيل كلفة
كلفة منچ
كلفة من الناس
العشگت أدروب المنايا
وتحزن أيام الربيع
وليلهن هندس ويصفر
أنگول صدفة
هذا ليلك يا ربيع
وسفة...وسفة
نحلم أبليل الفخاتي
أتغني بأطراف السعف
لحن بصراوي وعزف
وخلي ناره أتشب محنة
زفه وبوسط السلف
چيمي التنور يمة
خل لهيبة أيصير عالي
حيل عالي بلكي يوعة
أنتظر يرحم أبحالي
يذكر أيام وليالي
يوم چنت أوساده لية
يوم گلي أعله الشريعة لا تبالي
والنهر موش الأعرفة
صار موحش ماله چالي
ومرت الروجه علينا
اتسوم غالي
وتحصد اليابس والاخضر
لاتبالي
ضاعت أدروب المحبة والمحنة
من جنوبي من شمالي
وصاحت أتنادي العواصف
بلكي أيموت العشگ
وينقفل باب المحنة
أبغير رجعة
ومحد أيذكره ويدگ
أرد أذب مفتاح گلبي بالبحر
كافي لوعات وقهر
كافي لوعات وسهر
كافي ...كافي

#سعدي_جبار_مكلف (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل