عتاب للسبعين

سعدي جبار مكلف

الحوار المتمدن-العدد: 4638 - 2014 / 11 / 19 - 08:38
المحور: الادب والفن
    

«««« عتاب للسبعين »»»»

متى تهـدأ الروح وغيوم السراب لا تمطـر ..لن أنسى تعذيب السجان الذي يحمل شارة تعترف به إنسان .. لن أنسى الضلوع التي كسرت وشفت لحالها ..كيف تهدأ الروح إن وجدت روح,,,!
هيـــدي يـا روحي ولـچ بس إستراحـي
والوفـه سـولـه حـزينــه
كـافي أطشـّن بيـه بدروب المدينه
وتدري كلهه الناس گالت وش علينـه
والـوجوه إتبيع بيـّه بس تعـالو
ها ولك والله إبرخص من يشترينه
حتـه صوت البلبل الطيّـب
صبـح أخرس حنينــه
كــافي ....يا روحي العِتـب أعمـه
وكل ساعه توج النارما يخمد حچينه
البينــــه.....بينــــــه
ضمـّي ضيمچ حتى صندوگ
العِـرسْ خلـّه يجينه
وأنتطـر ساعة السـوريـن 1 تعلن
رگصـة الهيوه ..2 إعله صوت الناي
من تـومـان ..3 وينــه
وصوت مهدي..4 إيـروح
والهيعـه..5 تطگ نوحه ونينه
يــا حسافه روحـي التاهت
عله البيبان بالشرجي.... إلتقينـه
هيدي روحي وخلي كـل الفات فات
ولا تشمتي الليالي السيفهه يگطع إدينه
مـاكو واحـد صاح يالعشار
يا ناس إنسبينه
شنهي هل النومه ألفت كل الطوايف
هـّوه چـا هــّوه الشرف يوليدي وينه
هـّوه گـولة مستحه إبلحظه إستحينه
لا...ولك يبني عمـت عين الوكت
المــّا عـرف قيمـة وِلينـه
وصرنـه سالوفه إبحلگ خِرگه وعجينه
لا...ولك يبني وأگول الگاع گاعي
وحته ماي الهور والچولان تذكر ما نسينه
نــذكر إعثـوگ النخـل
إبـريم ...برحي...ردنـه بس إتصيح
هلـولـة عـراضه إتـّوچـي..... لينـه
المـات أبـوه .....إيصيـح بويـه
المات أخـوه ........إيصيح أخوي
والبيـارغ شيلهـه لحّـد السمـّه
إتصيح عونه...
وينه...وينه
وينه هـّوه أول بيـان الصاح بالغبشـه
وذكـر يـومـه وسنينه
وينه هـّوه هيدي يا روحي الگباحه
أدري حقــچ
وأدري هِدمْ الذل ماهو عله گدچ
وأدري ذاکه المات منه
إتلوگ إلـّه زفة عرس..... والزفه زينه
ماكو كافي إنگـول عنـه إهوه شهيد
انخلي كل إحروف إسمه سنديانه
وي عمـّت عين الوكت الما حفظ تفاگ ربعه
والوطن حتـه الوطن غـافي ونسانه
يــا حسافه إشموع زفتك تنطفي
والياس إيجـّف إبمچانه
هيدي يا روحي إشكثـر لچمات بيچ
والگلب حتى الگلب عطـّب مچانه
واصفنـت ............شنهـو آنــه
آخ يـا روحي إشكثـر وكحــه
؟؟؟؟ بالسراب المـا لفانه
ونهـدي تـرچيـه محبـّه لكل شهيد
الطاح منه وصاح يا ضيم الولانه
مـدري إحنـّه إنودعه ..لو ودعانه
مـدري هــّوه الشهيـد
مدري إحنه من زمان الوكت
موتنـه وخـذانه


1 ....ساعة السورين ساعه قديمه في البصره هدمت
2 ....هيوه رقصه بصراويه
3 .... تومان فنان شعبي يعزف الناي في الشوارع
4 ....مهدي مجنون يطلق صرخات مميزه يعرفها اهل البصره

سعدي مكلف / سدني
1 / 12 / 2013

#سعدي_جبار_مكلف (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل شاكر الناصري، أحد مؤسسي الحوار المتمدن	حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل