حكايات شعبية من مدينة يثرب (48)

حسين سليم
(Hussain Saleem)

الحوار المتمدن-العدد: 8883 - 2026 / 11 / 8 - 13:39
المحور: الادب والفن
    

الذكاء الاصطناعي في يثرب!

وقَفَ (أبو مواطن) أمام باب المحل وهو يحمل هاتفه الذكي الجديد، يحكّ رأسه بحيرة ويدقق في الشاشة، ثم دخل وعلامات التعجب تتطاير من عينيه:
– سيد! البارحة ابني الصغير نزل لي برنامج بالموبايل يسمونه (الذكاء الاصطناعي).. تسأله أي سؤال يجاوبك برمشة عين!
– إي يا أبو مواطن.. التكنولوجيا شغلة عالمية اختصرت على البشرية مسافات. في الدول المتحضرة لا توجد وزارة خاصة به، بل هيئة ترتبط بوزارة الاتصالات أو مراكز بحثية للبحث العلمي، لكن في الدول المتخلفة تشكّل وزارات له!
– والله يا سيد جربته اليوم وگلت خليني أختبره بمدينتنا "يثرب"!
– وشسألته؟
– سألته: "شلون نحصل كهرباء 24 ساعة بالعراق؟" تدري شنو جاوبني؟
– شنو جاوبك؟
– الشاشة ظلت تفتر وتفتر.. وبعدين كتب لي: "خطأ في النظام.. يرجى طرح سؤال معقول ضمن قوانين الفيزياء والواقع!"
ضحكتُ وأنا أضع استكان الشاي أمامه:
– هذا الذكاء الاصطناعي مبني على قواعد منطقية وعلمية، وما يعرف يتأقلم ويه "الواقع" مال بلدنا!
أردف (أبو مواطن) وهو يرتشف الجغمة الأولى:
– مو بس هاي! جربت سألته سؤال ثاني؛ گلت له: "أكو أمل يتصلح الجسر والشارع العام مال مدينتنا هذا الشتاء؟"
– وشنو گال لك؟
– كتب لي: "حسب قواعد البيانات والتخصيصات المرفوعة، المشروع مُنجز منذ عام 2018!".. وهنا عرفت يا سيد إن هذا الذكاء الاصطناعي همين بايعينه حچي ومسجلين عليه "ملفك واصل"!
– يا أبو مواطن.. التكنولوجيا بالبلدان المتطورة تخدم الإنسان، بس من تطب عندنا تتحول إلى "حجة إلكترونية" علمود الرسوم والضرائب والتسويات!
نهض (أبو مواطن) وهو يمسح شاشته بذيل عباءته، وقال:
– أي والله صدقت.. هسه الذكاء الاصطناعي افتهمناه ورسمياته واصلة، بس شوكت يجينا "الضمير الاصطناعي" للبلدية والمسؤولين حتى ينظفون الزبالة براس الفرع؟!
————————
جغمة: رشفة صغيرة.

#حسين_سليم (هاشتاغ)       Hussain_Saleem#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل