إختيار...بٍــ آطار...

مكارم المختار

الحوار المتمدن-العدد: 8788 - 2026 / 8 / 5 - 22:20
المحور: الادب والفن
    

إِختِيار بِــ إطار.....
الإختيار بينما تريد و بين ما المقابل يريد...!؟

ما تخلة البيوت من ضيوف و خطاطير،
و تبدي مراسيم الضيافة و التقديم،
و هنا مرات تصير مثل شغلة ترغيب الضيوف و شيعجبك ما يعجبك!؟
يعني إ تخيرين الخطار شتقدميلهه و شنو يعجبه،
و ما يعني تقصرين وياهم بأصول الضيافة،
لا بس يعني من باب إذا يعجبهم شي غير اللي أنت مممن تقدميه،!
و خل ناخذ مثل ؛
جوج خطار و كلتيلهم شتشربون جاي لو كهوة،؟
وإختاروا الكهوة...،
و أكيد لان الكل تشرب جاي وية الريوك و بعد الغدة و ممكن وية العشة، فَــ يختارون كهوة..؛
هنا شنو صار...؛
منو اللي إختار إنتِ لو همة..؟
حَ تكولين ؛ أكيد همة،
هنا صح الخطار عبالهم هم الي إختاروا بس بالحقيقة انت آختاريتي،
حَ تسأليني ؛ شلون يعني...!؟
خل أكولج :
هذا يسموه إسلوب التأطير،
يعني تخلين المقابل داخل إطار انت تختاري و بنفس الوقت تحسسيه أنه هو صاحب القرار،
بس بالحقيقة هو دة يسوي الي إنت تريدي،
حَ تكوليلي ؛
فهميني بعد..؛
راح انطيج مثال ؛
عاجبج تخلين زوجج يطلعج،
متكوليله طلعني انا ضايجة،
تكوليله هاي مو أول مرة تتأخر و ما تطلعني!
هَم راح تتاخر بعد لو نطلع هاليومين،
تدرين شنو حَ يكون جوابه...؟
" راح نطلع هاليومين "
مو هسة نطلع نتأخر...،
يعني..؛ هو مبدئيا وافق عالطلعة بدون ميدري،
أنطيج مثل لاخ...؛
كلتي لجهالج حَ تنامون هسة لو فد نص ساعة؟
و لأن ما يردون هسة ينامون...،
أكيد راح يكلولج فد نص ساعة،
ومن راح يصير الوكت راح ينامون راسا،
و هيج عبالهم همة اختاروا الوكت مو حسب ما كلتيلهم و ردتي إنتِ...
و هواية أمثال ممكن نضربهه علة هيج سالفة،
و تصير ويانة هواية ببيوتنة و بين عوائلنة،
مثلا ..؛ مرات تحيرين شتطبخين للغدة،
و تجيين تسأليهم شتردون؟
و انت يجوز ببالج تسوين دولمة مثلا،
و همة يكولولج بكيفج تشريب آذا مو دولمة..؛
و هيج كلشي تأطر بِــ إختيار...

ي لو موو...؟؟
أسمع منكم و بكيفكم...!؟

#مكارم_المختار (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل