علاء, علاء, علاء, والعراق!

ظافر شانو

الحوار المتمدن-العدد: 8600 - 2026 / 1 / 27 - 11:47
المحور: مواضيع وابحاث سياسية
    

تحية وبعد:

العراق كله من الأمس مشغول بالسيد "علاء"! فما هي قصة السيد علاء؟

حسب رؤيتي الخاصة للموضوع وتفسيري له أكلمكم سيداتي سادتي الكرام, بداية وكما يبدو للعيان المسألة تتعلق بثلاث شخصيات حسب تسلسل الأحداث! حيث أنتشر على مواقع التواصل الأجتماعي مادة صورية محتواها حسب ما ورد في المقطع المتداول, مشهد دخول الشخص الأول وهو زوجة علاء الى الدار التي يسكنها علاء وهي بالطبع بيت الزوجية لهما, لتجد الشخص الثاني علاء نائم على سرير الزوجية وبحافة السرير الشخصية الثالثة أو الطرف الثالث وهو "عابر السبيل"! وهذا الأخير واحد ماشي بطريقة وبقدرة قادر وجد نفسه على حافة سرير السيد علاء!!, لكن بالنسبة لي لم ينتهي الموضوع الى هنا, فالمسألة هذه لا تمثل ثلاثة أشخاص فقط, بل أجدها لسان حال بلد باكمله وما يحصل فيه والى أين وصلت المواصيل به!, لنجد أن كل شخصية من الشخصيات الثلاث لها مدلولها في العراق العظيم اليوم! بالعامية نقول طكوها بصفنة وشوفوا اليس هذا هو حال العراق والعراقي؟!

الشخصية الأولى زوجة علاء, تمثل حكومات العراق بعد 2003.

الشخصية الثانية علاء تمثل الشعب العراقي.

الشخصية الثالثة عابر سبيل تمثل بخدمة ياهو اليدفع.

بالطبع لكل منا نظرته الخاصة للأمور والأحداث, والكثير تعامل مع هذا المقطع الصوري بطريقة سطحية, وبالطبع هذا هو المتوقع من الغالبية! لكن من شاهد الفديو بتمعن سيجد أن باطن الفديو ليس كظاهره! وعن نفسي هذا ما وجدته جلياً في حال العراق اليوم للأسف الشديد, وتفسيري له:

الحكومة تمتلك زمام الأمور ولديها كل المفاتيح وتستطيع أقتحام أي مكان وبيت أي مواطن! والشعب دايخ سكران مايندل راسه من رجليه مايعرف يركض وره الماي لو وره الكهرباء لو وره الغاز لو وره العدس لو وره الإيجار لو وره فصل العشاير لو يركض وره نص كيلو عدس لو يركض وره الغرامات والطسات ولو ولو ولو ولو, والحكومة يومية دازتله عابر سبيل خاف بيها مجال يصحة من السكره! وبالطبع عابر السبيل واحد بايع ومخلص يهمه اليدفع! يگلك أني حاضر أنت بس أشر سيدي! ويروح ويطك علاء بالدهن بأن يطلعله سوالف من جوه الگاع حسب الأوامر!! الكارثة علاء يومية يفز من النوم يشوف نفسه بمصيبة نازله عليه ما يعرف منين؟ لا نهاره نهار ولا ليله ليل!! ومضيع صول چعابه! وصلت بيه المواصيل شكد ما دايخ وغاسل إيده بتيزاب من زوجته "الحكومة"! تشوف هوايه علاء يروح ينطي صوته لزوجته علمود خمسه وعشرين الف دينار!! ويگلك هيه خربانه خربانه,شو أصبح بوجهها وأنام على جهرتها! أربعة وعشرين ساعة گبالي! وطرگاعة وطاحت عليه! خلي أحصل خمسه وعشرين ألف أمشي بيها يومي أحسن من ماكو!! فتكوم زوجة علاء تدزله عابر سبيل لازمه عليه لزمة وبيش ما جان, خاطر يتأكدون أنه علاء راح يبقى مكبسل سكران وما يصحى!!. وبالنهايه الكل على الكل لازم أفلام !! شليله وضايع راسهه!!.

هاي أبوها وهاي أمها حسب ما أنا أستنتجت من هذه السالفة, وابوكم الله يرحمه.

كلمة أخيرة, خويه علاء, ما أوصيك أخوي أخوي, دير بالك تكعد من النوم, خليك سكران وكضيها أحلام بأحلام والله المستعان, والسلام عليكم ورحمة الله وبركاته.

#ظافر_شانو (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل