خالي والانتخابات

احمد عناد

الحوار المتمدن-العدد: 5820 - 2018 / 3 / 19 - 20:20
المحور: كتابات ساخرة
    

سؤال وجهته الى خالي عن الانتخابات القادمة والكتل والمرشحين وكيف السبيل الى الانتخاب في ضَل تزاحم الكتل
هذا سوال وجهتة لخالي.
خالي الحجي طبعا هو عمرة تسعة وتسعين سنة وماشاء الله محلل سياسي ويفتهم بالنووي و بالواتر بمات المهم كلي شوف اي شغلة تريد تعرفه ابدي بيه من الجعب واصعد لفوك درجة درجة المهم كتلة نبدي باول وحدة كال شوف اول وحدة هاي الوادم كله صايرة مثل الغنم
كتلة اوكف بدء الغلط .
كال هاي شبيك نگزت خل ناكل خرة
الغنم بلشتة تطلع وبالصيف تطلع وهية بس شوفت صوفته تحمس الكلب مابيده شية مسيرة يخالي .
فهاي الوادم يخالي مسيرة موش بيده كله تركض ورة ابوعمامة ورة المسؤل وابو الفلوس
المهم الوادم ساكتة الجماعة استفحلوا مثل ذيج الايام اول مرة راشدي وثاني يوم اثنين وثالث يوم وياهن جلاق ورابع يوم بعد انتة تعرف يخالي ما اكدر اگولن .
وهاي سنين ساكتين ومستغليهم من ابو المولدة والوزارة والنفط والعقود وبيع الدولار كله مشتركة شبكة مال مافيات كفيلك العباس ابو اخو زينب وعدك هاي الحجي مال سين وسوف وسنعمل كله زراب بزراب وحجي بحجي ماچلة الثور ولا راح يسونً ولا راح يشتغلون
كتلة خالي هاي المؤتمرات والإعلان والحكومة جابت فلوس وقروض وراح يبنون غير ننتخبهم حتى يشتغلون .
گال اگلك انته مطي لو تريد تضحك علية
گوم من يمي ابن القندرة .
خالي احنة جاي نسولف على الانتخابات بس اصبرلي من طلعت الوادم وتظاهرت وگعدت گعود
هاي الوادم اهتزت كراسيهم وگام واحد يضرب براس الاخ وهاي سكتتكم يخالي ضيعتوا من عدكم هاي السنين گله
والسبب الاول انتوا لان ماعرفتوا تختارون
واذا تبقون راح يبقة الدك على عزوزتكم
وهاي المرة فرصتكم لاتضيعوهة على رواحكم .
مو ترحون تنتخبوهم ويرجعون وهم تشتغل عمك وخالك وابن عمك وتفرهدن فليساتكم موش هنة الف مليار دولار يؤ لاله كلي انته يالفهيمة يؤ أنة غلطان جا وينهن گلي لابشارع لا بمجاري لا بكهرباء كلشي ماكو واحنة عبالنة يطونة حبابي مالات الشسمه تعرفهن انتة يخالي ما ارد اكول وية حبوب السكر بالشعبية انوب ما حظينة حتى بحبابي السكر .
كتله خالي جا انتة تريد الحكومة تساهم وياك حتى بالمعاشرة الزوجية .
گلي گم شودگوم انعل ابوك لابو حتى خالك ابن القندر چا وين ننطي وجوهنة لابو رجلين لمطينة
عود هم انتخبوهم انوب همة يفيدوكم شاربين حبابي مال مغوي .
طبعا هاي وياه دفعة قوية .
حوار مع خالي شاهد على القرن العشرين والواحد والعشرين .

احمد عناد

#احمد_عناد (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الباحثة اللبنانية د. ريتا فرج حول الاسلام والجندر واتجاهاته الفكرية في التاريخ المعاصر	الموقف من الدين والاسلام السياسي، حوار مع د. صادق إطيمش حول الاوضاع السياسية والاجتماعية في العراق

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات