قصيدة انته مثلي

سعدي جبار مكلف

الحوار المتمدن-العدد: 4730 - 2015 / 2 / 25 - 08:27
المحور: الادب والفن
    

انته مثلي
انا بين الحياة والموت ...الآلم يجتاحني من كل صوب حتى دمعي خانني ..لمأساتي ولغربتي ولفراقك انيي اعيش على امل لقياك في يوم ما ...اخ الخيانه .
انته مثلي
مسرى للتايه
وشكبان المحبه
هضم لوعات البعد بديار غربه
نسمة اعذيبي
عله اطروش المنايا
الوچرت اهروش گلبه
ياجناجل زفة الغبشه
ولهيف الطير لو صبح ابسربه
ضاع من عنده دليله
تاه ما يرجع الدربه
اجروحه ما تعشگ الذله
اجروحه سيف اجروحه حربه
لاقريب لا بعيد
دلهمت دنياه طاعون النهايه
اتعيش گربه
وين عشگ اصباه لو دلهمت ظلمه
صار قداح التفگ والماي تربه
موش عذبه
تربه تربه
اشرخصك شط الطويسه
الناس كلها اتريد شربه
انته مثلي
انا من مسراي ضيم
امگمط بلوعه وحزن
الزمن يردح عله امتوني
ولا چني اون
امعاتت النشغات وي الروح
صدمات ومحن
حتى عطاب الجرح بطل يحن
المطر شح من اديه
منهو ايگول الخطيه
خلي هاوناً يرن
وين دشات المضايف
سراجنا البدد الظلمه
ننتظر ايگول چلمه
بيرغ الربعه بكبرها
تحچي حلمه
اطالبه بربات امه
انته مثلي
شايل الريح اعله چتفك
مهرتك اذار
ماضيعت عرفك
المحطه والمواويل القديمه
ريلنا الماعرف ولفك
عافنا ما هاب طرفك
وي عمت عين الليالي
تايها من غير والي
امأ منه مثلوم سيفك
مالا تالي
انته مثلي
طلعتي ثوره وبركان وغضب
جوع اهلنا
ذل حبايبنا بباب السجن تنحب
وهضم امي وخواتي
اباب سجنك يالرمادي
خلي اترابچ ينگره
خله يحچي ايصير ذكره
سوط جلاد ونقوش اجروح تبچي
اخ يالسلمان ايام الربابه
ليل اظلم ريح تصفر
اخ يالضيع شبابه
انته مثلي
ادور بيك الاسطوانه
مثل ناعور الدمع
صرخة اجروح المحقق
كل سنه اتخضرطلع
صارت الدنيا حمامه
أخ من كسر الضلع
صاحت الوادم ملامه
انطفى موكد عشگنا
فاضت انهار الدمع
الربع اخ الربع
انته من وجهك ثريا
النجوم اتصلي لآجلك
اتصيح للغبشه تعالي
تسجد اتعد الليالي
تنتضر دشة الغالي
انته مثلي
عيونك الوسعه تضم تاريخ اسود
تشتهي اتنثره عله الحلوات زفه
ماكو وسفه
ماهي كلفه
تشتهي زواگة عروسه وثوب عفه
والگمر يضوي ابعرفه
يغني ويرگص ابچفه
ديرم الحلوات منشور ايتثاغب
ماهو صدفه
يرفض احجاية العطفه
انته من طبتك سفينه اشراع
وبحر الملامه
شوف يا سفان شوگي
هذا طوگي
ما تچل فد يوم نوگي
انته مثلي
اثنينا اتوضينا ادينا الصلاة
صلت النجمه ورانا
تنتظر صرخة اباة
شلهت بينا السفن
صاح درب الموت
ما الكم حياة
اسمع الواشي يهلهل
بخنجره وسيف الطغاة
انا اعرفك صاحبي وتظل تچيتي
چنت بالمحجروايام الرمادي
كلها خلصت بأنفرادي
المن اشكي حتى جلادك ينادي
خلها سنطه خلها سنطه
يابلادي....يابلادي
7-5-2014

#سعدي_جبار_مكلف (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل