نصف معجزة .. ونصف ثورة

حسن إسماعيل

الحوار المتمدن-العدد: 4192 - 2013 / 8 / 22 - 11:57
المحور: الثورات والانتفاضات الجماهيرية
    

25 يناير نصف معجزة .. ونصف ثورة
وتم سرقتها من أعلى كوبري المرحلة الانتقالية للمجلس العسكري
على يد قاطعي الطرق والثوارت والأوطان الأخوان المسلمين
ودخلنا النفق المظلم الواصل بين إخوان مصر وحماس - إخوان فلسطين - الواصل بإخوان تركيا
بإخوان تونس بإخوان السودان بالمحلل لأمريكا قطر اللي معاها شهادة مزورة إنها شقيقة وهي بنت تيت
وكنا على وشك التمكين لأمريكا حيث الشرق الأوسط الجديد
من خلال سارق الفرح ومغتال الأحلام ومغير الفصول وبالذات فصل الربيع العربي لربيع إخواني قطري أمريكي
ولتحويل الطقس على الشعوب بخريفي مزعج إلى درجة الكآبة والمستقبل المتنيل المجهول
ولكن لأن لينا رب اسمه الكريم
ولأن مصر وشعبها فعلاً في حدقة عينه
كانت المعجزة الثانية يوم تلاتين يونيو
وكان رد الفعل الشمشوني العصري الإرهابي عليه وعلى أعدائي ومحاولة لهدم مصر على رؤوسنا جمعاء
ولأن المعجزة نصفها إلهي والنصف الآخر مفروض يكون بشري
يعني البشر لأنهم أحرار يكملوا المشوار
ويكونوا مسئولين
ولأننا شعب طيب كل ما نيجي نكحلها نعميها
معرفش ليه مش عايزين نسيب العيش لخبازه
ونبطل نكحل حد
كل ضحايانا أقوياء
المهم ..
اللي كان متخيل أنه هيتحكم من الإخوان خمسين سنة
ومش هيطلعوا ولا بالطبل البلدي ولا الأفرنجي
بعد حدوث المعجزة وحبس مرسي
فجأة أصبح يمتلك ذاكرة السمكة
ونسى وتناسى أنه كان محبط ومكتئب وهينفجر من اليأس في وجود الإخوان
الآن عمال بيتخانق برفاهية عجيبة وبيوتوبيا أعجب على تفاصيل المعركة الدائرة ليس فقط على أرض مصر
لكن على كوكب الارض
لأننا اكتشفنا فجأة كمصريين قيمة مصر للعالم الأمريكي
وقيمة الإخوان للعالم الغربي
وقيمة قناة الجزيرة في الدش بتاع الشرق الأوسط الجديد
وفجأة الكل الثوري بياكل في الكل الثوري
والمطلق الديني والمطلق الثوري على المطلق الوطني
كله بيتناحر دون شفقة ولا تواضع النسبي الجميل
وكما تعلمون فحرب المطلقات لا تنتهي
من البدء إذا بدأت والى الأبد لو في دماغه أن تنتهي
وكل نتائجها صفرية بعمق
وتفوق هيروشيما ونجازاكي بمراحل
وهنا مكمن الخطر
إن المصريين لا يقدروا على الصمود لاكتمال معجزة واحده
فما بالك بمعجزتين في تلات سنين

ولأن نصف الغطاء لا يواجه الصقيع
وأنصاف الإجابات لا تجلط نزيف الأسئلة
وعجيب من يتعبد لأنصاف الآلهة

علشان كده ربنا يستر
ولأن ربنا عارف المصريين وفعلاً طول تاريخنا ساترها معانا
ومرمم ثغراتنا
لسه في بصيص إعجازي شغال
رغم أن المصريين بيحبوا بصيص الليزر أكتر .. معلش
لسه في أمل
لسه السما فيها حتة غمام
لسه بعيد الطوفان والهلاك
ولسه في قلبنا ذرة إيمان

علشان كده محتاجين نرجع تاني
نشوف من أين سقطنا
نزرع نصنع نبني ونتفطم على التبعية
اللي بيمنحنا بيشترينا .. واللي بيشترينا هيقدر يبيعنا
لأن على رأي المثل المانح مانع
علشان كده
حان وقت استرداد السيادة الوطنية
قرارك في إيدك
أكلك معاك
شربك معاك
حلمك معاك
أخيراً الحاجه أم الإختراع
والأزمة مخاض الحلول
وطبيعي المعجزة بتعمل ذهول

#حسن_إسماعيل (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل