عيون عميه ....

فاروق سلوم

الحوار المتمدن-العدد: 1977 - 2007 / 7 / 15 - 12:06
المحور: الادب والفن
    

غيم ..ومستحيل ..
وجن سمانه نجوم عمية..
والشمس متشوف
وجن كلوب اهلنة البيض ..
مثل طيور مذبوحة.. وترافس
والصديج يحوف ..
هيهوووه ... والف هيهووه ...
يل ضمّيت كل هذا السواد بكلبك مخاتل ..
رفوف رفوف
كلّي.. شجانت الدهله جذب .. والخبزة مسمومة
ولأمـــاّلح ..غدر..
اولليوم مو مكشوف
اشو .. آنه اشوفن من الف تالاف عام الرافدين الضيم..
نفس الضيم
والنهرين يشفطها البحر ..
والوادم مهالك .. و تزرع ديم
شدعوة نكلبت الدنية .... وتذابحنة
وجفت جدر لصخام...... بيوت
وصار الجار ..موش الجار ..
وهوّه.. يشوف دم الوادم ويمشي .. بسكوت ..سكوت
جن عمية لنجوم .. وعمت.. من.. كلوب اهلنة كلوب
وجن جلمة امير المومنين .. اليوم حكّت..
واليهال .. بزور واوية ...............
وعلينة .. تلوب
......................
...........................
اللللللللللللللللللللللللللله واكبر ..
هاي بلاد اهلنة موفطر حايط ...... وتخلّف .. هالحمايل دود
وكل لشّة .. يعلكهة الوكت .. بكراع اهلهة......
والوكت معدود
ويجي يوم آنتحاسب .. وانتحاسب ..
وانتحاجة ردود ..
ارسم كصبتين وصورة الكطانة والله .. معلكة والنار ..
مامش نار
بس رسم الوجوه السود .. مليانه حقد ..
لوجن .. من الشمر هالثار
شدعوة .. اووين زلم الحيرة .. لوزلم السماوة .. والدوانية
لو سوك الشيوخ .. وزينة مضيف لأرباب .. بديرة بصرية
لوناس الفرات و .. وآنة ادري ...من اعد كل لأسماء .. آنه اعد أفعال
ياذيج البيارغ ساعة عراضة ...
وتلمهة صيحة ........ المهوال
معقولة .. يجي اليحرك بيارغ ذوله .. اهلنة بثورة العشرين
لولا يتاجر بأسماء اهل البيت ..
و هيّة.. مفتشة الوادم....... وتعرف زين
اللللللللله واكبر
على اللي يسكت من الخوف لولا من التقيّة ..يظل خاتل ..وببطن هالحوت
وع اللي حلل الدم العراقي .. شيعة.. سنة .. ويفتي بيهة .. تموت
وأنّوب ارد ... اردّ الله واكبر ..
ع اللي .. ماعرف يغسل كلوب الوادم ويفتي عليهة.. تهيد
وع اللّى محزم ببارود ويريد المحبة بلبلاد تبيد
وعّ اللي من جهنم جاي ..
واعمامة نكير.. وفوك راسة .. تميد
وع اللّي يقبل بوردة جهنّم للعراقي .
لو هدية ..عيد
آنه ادري الغلط..... مومن سجايانة ..ولكنّ الغلط .. موجود
وآنه ادري انتهت قصة هوانا ..
وصارت السجّين .. مقياس الظلم ..والجود
واضحك ..بالبجة ..لمّن.. اشوف اوجوه .. موش وجوه
وابجي من الضحك لمن .. اشوف الدم ..
.. شربة ماي وبجرة قلم سووّه
وأشهك بالبجة وابني يكلي بابه مو جاهل وتبجي والدموع عروك
واكول الله واكبر
حتى الجاهل .... وعلموه ممنوع البجة.. بس لليهال يلوك
... خلاص قريت تاريخ البلاد ..
شلون ضاع الخير
ومرسوملنه نتذابح... ويتفرج.. علينه الغير!!!

#فاروق_سلوم (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل