أغنية / لو بإيدى مكنتش أحبه


مصطفى راشد
الحوار المتمدن - العدد: 8559 - 2025 / 12 / 17 - 14:35
المحور: الادب والفن     

-------------------------
لو بإيدي مكنتش أحبه
ولا أستنا ابدا وده
لكن دا قدر الله
علشان أحبه وأهواه
وأتمنى فى كل يوم رضاه
مع إن عقلى
دايما عايز ينساه
من كتر قلة أصله وأساه
ولا بيعرف الوفا ومعناه
ولا السماح اللى بستناه
زى الطاووس جميل الشكل
فاضى واسود من جواه
بيعرف بس الشر وجفاه
والأنانية بالنسباله حياة
وفى حزنى رضاه
يارب ساعدنى أنساه
دنا لو بإيدى مكنتش أحبه
غبى وقلبى بإيده
بكانى فى يوم عيده
علشان هنيته فى مواعيده
يارب أكسر نفسه
زى مكسر قلبى معاه
وداس على وريده
وأنا بدعى كل يوم
واقول يارب زيده
واحمينى من شره
وابعد عنى تهديده
وتخطيطه ووعيده
ويشرب من كاس الألم
اللى صنعهولى بإيده
----------
كلمات مصطفى راشد