أخبار عامة - وكالة أنباء المرأة - اخبار الأدب والفن - وكالة أنباء اليسار - وكالة أنباء العلمانية - وكالة أنباء العمال - وكالة أنباء حقوق الإنسان - اخبار الرياضة - اخبار الاقتصاد - اخبار الطب والعلوم

الصفحة الرئيسية - كتابات ساخرة - حسن إسماعيل - أسباب نزول الإلحاد مصر














المزيد.....

أسباب نزول الإلحاد مصر


حسن إسماعيل

الحوار المتمدن-العدد: 4356 - 2014 / 2 / 5 - 12:51
المحور: كتابات ساخرة
    


الإهداء
للمواربين الأحرار .. والبيض النص سوى

طبيعي جداً الإلحاد ينزل مصر .. هيلاقي زي الطقس المصري فين ؟! ربيع طول السنة .. يعني معندناش صيف بجد ولا شتا بجد .. كله كده وكده ..
يعني مناخ جاذب للسياحة بس من غير سياح
وآثار مافيش زيها في العالم وعايز تتأكد روح متحف اللوفر في باريس والمتحف البريطاني في لندن .. وتاريخ أكتر من سبعة آلاف سنة بس محدش فاضي يقرا

- معلومة ملهاش مصدر - اللي بنى مصر ماكنش مهندس معماري ولا كان حلواني .. كان فهلوي -
ده غير إن الشعب المصري متدين بالفطرة
وطبيعي جداً الإلحاد لما يفكر ينزل مش هينزل لشعب مـُلحد لازم ينزل على شعب متدين .. شعب مضياف
والأرضية المصرية زي ما بتصدق بسهولة برضه بتسأل بسهولة .. متسامحة ومتعصبة في نفس ذات اللحظة .. تولد ضريح للحسين وتولد أيمن الظواهري .. بتكره النظام وبتكره الفوضى .. بتعشق المواربه .. والبيض النص سوى !

- معلومة مش محتاجهة مصدر .. المصري ابن نكتة -
يعني ساخر .. ناقد .. بيحب يكسر الإشارة الحمرا .. بس المهم ماياخدش مخالفة !
ساعة لربك احتمال يدخل بيها الجنة .. وساعة لقلبك لأن اللحظة الحلوة ما بتتعوضش !
كييف يمسك العصاية من النص .. مش بس كييف .. ده محترف

- معلومة مغلوطة .. إن المصريين القدماء كانوا حضارة موت علشان بنوا الأهرامات ..
مش حقيقي خالص .. ببساطة المصريين اتصدموا بحائط الموت وهما شعب بيعشق الحياة فآمن بالخلود لدرجة حطوله كل حاجة بيحتاجها الحي معاه .. علشان لما يعدي اليمة التانيه ويصحى يلاقي اللي ياكله ويشربه ويلبسه وميحتاجش لحد ومايشحتش في الأبدية -

كل ده أسباب تخلي الإلحاد ينزل مصر
وطبعاً مع العولمة وعصر المعلوماتية في لحظة في طرفة عين من غير ما تحك مصباح النت .. تلاقي الإلحاد بشحمه ولحمه قاعد معاك في الأوضة
بيسألك الأسئلة اللي كنت خايف تسألها زمان .. ويسيبك من غير إجابة عريان بردان حيران
ويفتح كل علب الإجابات والهدايا .. وفجأة تكتشف أن علبك فاضية مفهاش فيل
والعجب العجاب بدل ما تاخد موقف من فراغ نفسك ووعيك واستهبالك الذاتي .. تاخد موقف من الاجابات ومن هدايا الطفولة الوراثية !

الطبيعي إنك تكتشف إنك محتاج تبحث .. تقرا .. تصغي .. تسمع .. تسأل .. تتواضع .. لأنه في يوم من الأيام تخيلت أنك ممتلك الحقيقة المطلقة .. أنك حامل الصواب الوحيد .. أنك قادر على تقييم الكل .. أنك ديان الكل.

وفجأة أول ما قابلت الإلحاد اخدته بالحضن .. من اليمييييييين جداً لليسار جداً .. من مـُتعصب أعمى إلى حد التطرف .. لمُلحد مفتح إلى حد التعالي .. الإنسان المصري بندول بالفطرة .. متبستر بالفطرة !

اتغيرت في لحظة .. مولود جديد اتولد فجأة .. مخلوق عجيب .. بحثت لا .. قريت لا .. سمعت آه
البلد الوحيد في العالم اللي خلى الإلحاد شفهي .. قالوله .. Copy & Paste.

العالم بره ناس كتير فيه ألحدت .. تختلف معاها أو تتفق لكن لازم تحترم مجهودها المُضني .. كم وكيف من المعرفة والعلم مزعج .. لكنه دائماً متواضع ومـُصغي وباحث ومندهش ومغامر ومنتظر .
من شاء فليؤمن فليؤمن .. ومن شاء فليكفر فليكفر .. موضوع شخصي للغاية .. وحميمي إلى الدرجة القصوى
ولكن المدهش أن الرحم المصري لا يلد ولكنه يستنسخ .. المسلم والمسيحي العالم والجاهل والمؤمن والملحد يلدهم بالإستنساخ !!
تتغير العقائد والأيدلوجيات والصيحات ولكن الجينات واحدة .. الكل ألتراس !

رغم أن المصري يقول أن العمل عبادة .. ولكنه يعبد فقط أو لا يعبد فقط ( كمُلحد يعني )
يقول أن النظافة من الإيمان .. ولكنه يؤمن فقط أو يكفر فقط
يكرر كالببغاء .. أن الإختلاف لا يفسد للود قضية .. ولكنه يختلف فقط من أجل قضية أو رخامة .
يقول اطلبوا العلم ولو في الصين .. ولكنه لا يطلب غير بضاعة الصين فرز عاشر
يقول أن الإلحاد هو اعمال العقل .. وهو ماكينة فقط لغرائزه

والعجب العُجاب عندما يتحول إلى سفير لفكرة ما يدمرها .. تصبح أي رسالة بين يديه الكريمتين إلى شيئ مـُنفر .. قادر عندما يخلط الدين بالسياسة كالإخوان ويحكم .. يخليك تكفر
وقادر عندما يشعر أنه مش قصير أوزعه من القطيع وأنه طويل وأهبل من المستنيرين .. أنه يخليك تكره عنبر العقلاء .

المصري عنده إحساس دفين بالتميــُز غير المُبرر .. وأن مصر مذكورة في كتب الأديان وكتب الإلحاد .. وأن لولا ظروفه الإقتصادية كان زمان NASA في الوراق وما قلعتش علياء !

المصري اللي عمل ثورتين في تلت سنين أو تلت موجات من الثورة أو المؤامرة من الخارج وعملاء الداخل أو الفوضى الخلاقة أو الربيع العربي أو الحاجات اللي حصلت فينا الفترة اللي فاتت .. سميها زي ما تسممها .. المهم خلصونا
الشعب المصري بكل ألوان طيفه الأناركي والتروتسكي والوجودي واللاهوتي والفلولي والفنديتي .. زهقنا .

ولأننا مؤمنين بنظرية كده وكده .. وما بنعرفش نكمل طريق للآخر .. وبنحب نبوظ كل حاجة احتمال تكون جميلة .. احتياطي
- طبعا مش كل المصريين كده ومش كل المؤمنين كده ومش كل الملحدين كده .. لكن كتييييير جدا كده وكده -

فهل حان الوقت لنصغي .. لنبحث .. لنقرأ .. لنسأل .. لنتعلم .. لنبني .. لنبدع .. لنتواضع
أم سنظل نتخيل إننا مـُلاك الحقيقة الدينية والإلحادية .. نمسك بالقلم الأحمر .. بحجارة الرجم .. نصنع حوار لطرشان يتخيلوا أنهم مطربي العالم .. وأنهم خير من أنجبت الأمم .
أخيراً .. أحب اطمن القاريء المصري
إن المسيحية دخلت مصر .. اتمصرت
والإسلام دخل مصر .. اتمصر
والإلحاد نزل مصر .. اتمصر
وسؤالي ليك .. تحب تتمصر ؟؟!!





كيف تدعم-ين الحوار المتمدن واليسار والعلمانية على الانترنت؟



رأيكم مهم للجميع - شارك في الحوار والتعليق على الموضوع
للاطلاع وإضافة التعليقات من خلال الموقع نرجو النقر على - تعليقات الحوار المتمدن -
تعليقات الفيسبوك () تعليقات الحوار المتمدن (0)


| نسخة  قابلة  للطباعة | ارسل هذا الموضوع الى صديق | حفظ - ورد
| حفظ | بحث | إضافة إلى المفضلة | للاتصال بالكاتب-ة
    عدد الموضوعات  المقروءة في الموقع  الى الان : 3,556,880,828
- طوبى للمتألمين
- طوبى للمتأمين
- الآلام كالأحلام
- سر إغترابك
- الملحد والمؤمن إيد واحدة
- جُزر النفي
- سرائر
- قناع الحب
- جذب الإختلاء
- نصف معجزة .. ونصف ثورة
- نحن .. والمعجزة المصرية
- More of me
- زهرة بنت الصبح
- الغبي فيه سُم قاتل
- أهرول نحو الضوء
- في حضرة الآب
- الإلحاد الغرائزي والإختبار الإحتياجي
- حضور في اغترابك
- عنوة التوحيد
- نصف جلجثة الأحلام


المزيد.....




- بعد الخطاب الملكي.. مجلس النواب يعقد ندوة حول القطاع البنكي ...
- أسطورة أم بلطجي.. ما علاقة السينما المصرية بجرائم الشارع؟
- طبيح ينفي اقتراح لشكر اسمه كوزير للعدل في الحكومة
- FRIENDS : الأصدقاء وغسل اليدين !
- قريبا... تصوير أول فيلم لجاكي شان في السعودية
- متحف الأرميتاج- يحتضن الربيع القادم معرضا لآثار مدينة العُلا ...
- في واقعة نادرة.. فوز كاتبتين مناصفة بجائزة بوكر الأدبية
- نادي -ضاد- اللبناني.. فن الخطابة في خدمة العربية
- فنانة مصرية تكشف للمرة الأولى حالة عادل إمام الصحية (فيديو) ...
- صور لسعاد حسني وصباح وعمر الشريف وغيرهم تُعيد إحياء أجمل مشا ...


المزيد.....

- التقنية والحداثة من منظور مدرسة فرانكفو رت / محمد فشفاشي
- سَلَامُ ليَـــــالِيك / مزوار محمد سعيد
- سور الأزبكية : مقامة أدبية / ماجد هاشم كيلاني
- مقامات الكيلاني / ماجد هاشم كيلاني
- االمجد للأرانب : إشارات الإغراء بالثقافة العربية والإرهاب / سامي عبدالعال
- تخاريف / أيمن زهري
- البنطلون لأ / خالد ابوعليو
- مشاركة المرأة العراقية في سوق العمل / نبيل جعفر عبد الرضا و مروة عبد الرحيم
- التكوين المغترب الفاشل / فري دوم ايزابل
- رواية ساخرة عن التأقبط في مصر بعنوان - البابا / الصحفي الراحل في جريدة البديل اليسارية المصرية/ محمد ربيع


المزيد.....
الصفحة الرئيسية - كتابات ساخرة - حسن إسماعيل - أسباب نزول الإلحاد مصر