شعارات وهتافات لمظاهرة في ذكرى حرب حزيران

خالد منصور
عضو المكتب السياسي لحزب الشعب الفلسطيني

الحوار المتمدن-العدد: 1939 - 2007 / 6 / 7 - 05:26
المحور: الادب والفن
    

ر
حزيران حزيران
ذكرى الحرب والعدوان
*******************
حزيران هزيمة
للعروش اللئيمة
******************
زعما العرب هالاقزام
فلوا انهزموا بسبع أيام
*******************
حزيران درس كبير
للفصائل والجماهير
*******************
رغم النكسة صامدين
بنحمي أرضك فلسطين
********************
اسمعونا يا يهود
خط الأخضر خط حدود
*******************
برة برة يا محتل
ايد الغاصب بدها شل
*******************
يا محتل برة برة
فلسطين حرة حرة
*****************
يا حكام اسرائيل
نرضخ الكم مستحيل
*******************
يا حكام تل ابيب
حلو عنا بعيد بعيد
******************
لا تعايش لا تطبيع
شبر بارضي ما ببيع
*******************
يا محتل اسمع اسمع
عن بلادي لازم تطلع
******************
حزيران ما بننساه
عار كبير راح نمحاه
*****************
ما بنتحول ما بنتحول
مهما الظلم طال وطول
والحرية هدف الأول
عنها أبدا ما بنتحول
******************
سنين بتيجي سنين تروح
والوطن زاد جروح
*********************
بدنا نخلص من هالهم
بدنا نوقف سفك الدم
*******************
بكفي بكفي احتلال
بدنا نحقق لاستقلال
*****************
حزيران صحانا
حتى نشدد خطانا
****************
يا حكام تل ابيب
شمس الحق ما بتغيب
******************
حلو عنا حلو عنا
هذا الوطن كله النا
****************
يا حكام اسرائيل
نقبل بيكم مستحيل
****************
حلو عنا وروحو بعيد
احتلال ما بنريد
الحرية احنا نريد
****************
انسحاب انسحاب
جيش الموت والإرهاب
**********************
جيش الغازي ارحل عنا
انت غريب في موطنا
******************
هذي البلد بلدنا
والصهيوني شردنا
****************
احنا بنعشق هذي الارض
هي الشرف هي العرض
*********************
الحرية جايي جايي
وليل الظلم الو نهاية
*******************
شعبي تحرك انهض سير
لاستيطان خطر كبير
*******************
مطالبنا شرعية
بدنا دولة وهوية
*********************
ارض القدس عربية
عاصمتنا الابدية
*****************
بيت المقدس في لعيون
ارحل عنا يا صهيون
*****************
شعبي واصل هالنضال
حتى دحر الاحتلال
********************
مطالبنا بالتحديد
دولة حرة وفجر جديد
********************
العزيمة من حديد
عن الدولة ما بنحيد
*******************
يا اولمرت يا مسعور
اسحب جيشك يالله غور
********************
يا جنود الاحتلال
قتلتو النسوة والاطفال
ليل الظلم مهما طال
بدو يزول لا محال
********************
قوى السلم والحرية
الكم منا الف تحية
قولو قولو للفاشية
هذي الارض عربية
********************
ثوابتنا بنعلنها
يا محتل اسمعها
الدولة اولها
لاستقلال اولها
دون القدس لا سلام
دون العودة لا سلام
كفاح الشعب لا استسلام
*********************
احنا بنسعى للسلام
سلام عادل لا استسلام
معنى واحد للسلام
انسحاب عالتمام
******************
ما في حل ما في حل
الا خروجك يا محتل
******************
احنا شعب جبارين
ما بنكل وما بنلين
ولا بنهادن محتلين
********************
بيت المقدس في لعيون
ارحل عنا يا صهيون
*********************
يا حكام اسرائيل
عن العودة لا بديل
******************
تحيتنا للاسير
للي ناضل للتحرير

#خالد_منصور (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل