هتافات لمظاهرة عمالية في رام الله أمام رئاسة الوزراء 29/5/2007

خالد منصور
عضو المكتب السياسي لحزب الشعب الفلسطيني

الحوار المتمدن-العدد: 1942 - 2007 / 6 / 10 - 05:29
المحور: الادب والفن
    

للحكومة جينا نقول
للمشاكل حطي حلول
للبطالة حطي حلول
************
جينا نوصل رسالة
لاصحاب المعالي
************
يا اخوانا الوزراء
شوفو احوال الفقراء
************
يا عباس ويا حماس
خبز الناس وامن الناس
هو الاصل والاساس
**************
صوت الشعب هادر هادر
يسقط يسقط جوع الكافر
***************
يا اصحاب الفخامة
بدنا نعيش بكرامة
*************
فقر وجوع وبطالة
والله ساءت هالحالة
*************
احنا جموع الكادحين
بالبطالة مكبلين
************
حالتنا ما بتنطاق
بالحصار والاغلاق
***************
يا عباس ويا هنية
بدنا سياسة تنموية
بدنا برامج تطويرية
*****************

يا رئيس الحكومة
حقوق العامل مهضومة
*******************
يا عباس ويا حماس
تعو شوفو احوال الناس
قبل وقوع الفاس بالراس
الاساس حقوق الناس
*******************
يا عامل سير سير
قود الحركة للتغيير
****************
يا اخوانا المسئولين
شوفو احوال الكادحين
******************
احنا دعامة لاقتصاد
كفو عنا الاضطهاد
****************
احنا بناة الاستقلال
كفو عنا الاستغلال
****************
مصيبتنا البطالة
سحقت جيش العمال
*****************
بدنا قنون للعمال
يرفع عنا الاستغلال
****************
بدنا برامج للتشغيل
حتى الفقر عنا نزيل
*****************
بدنا نثبت قوانين
تحمي حقوق العاملين
******************
بدنا رعاية صحية
بدنا سلامة مهنية
بدنا ضمانة للعمال
قنون يحرم لاستغلال
*****************
يا زعامة هالبلاد
وين الدعم والاسناد
****************
شبعتونا بالوعود
وصار الفقر بلا حدود
******************
يا عباس ويا زهار
لاقتصاد عم ينهار
***************
بدنا خطة للانعاش
وحكي كثير ما بدناش
******************
الحرمية الهباشين
جرح بظهرك يفلسطين
*******************
للحكومة بدنا نقول
اللي بصير مش معقول
*******************
بدنا نقول بعالي الصوت
البطالة تعني الموت
*******************
يا وزارة ما بيصير
قعدتونا عالحصير
وفقر الشعب زاد كثير
*******************
يا زعامة هالبلاد
انتو بواد واحنا بواد
*****************
احنا شعب محاصرين
وانتو عنا مش سائلين
******************
يا زعامة هالقضية
بدها روح مسئولية
******************
بكفي بكفي استهتار
والاوضاع عم تنهار
*****************
يا عمال يا عمال
حقوق العامل بدها نضال
********************
لاتحاد لاتحاد
يا عمال البلاد
***************
بدنا نقوي النقابات
حتى نخوض النضالات
******************
نقابات للعمال
عن السلطة استقلال
*****************
شوفو شوفو المسئولين
على السلطة مختلفين
وهم الشعب نسيانين
*******************
يا بو مازن شعبك بغرق
بدنا مخرج من هالمازق
********************
بدنا حكومة نظيفة
مش تقاسم وظيفي
*****************
انتبهو انتبهو يا حكام
عرش الحكم عمرو ما دام
*********************
اسمع اسمع يا وزير
كرسي تحتك بكرة بطير
احنا بنسعى للتغيير
وغضب العامل والله كبير
********************
يا حكومة طلي وشوفي
جينا نحكي عالمكشوف
********************

يا حكومة وينك وينك
لازم تخجل منا عينك
*****************
وينك وينك يا سلطة
حطيتينا بورطة
******************
فوضى وجوع وفلتان
وحرب الاخوة والاخوان
*********************
يا وزير شعبك بسال
ضد الفقر شو راح تعمل
*********************
غول الفقر عم يزداد
وانتو عنا والله بعاد
*****************
طل وشوف يا وزير
اسمع صوت الجماهير
*******************
اسمع صوت المهملين
صوت الشعب الطفرانين
********************
بدنا حكومة لكل الناس
مش حكومة لناس وناس
**********************
يا اصحاب المعالي
الكم منا رسالة
****************
سلطة بتبني بالفوضى
عنها الشعب ما برضى
**********************
يا وزير المالية
حال العامل مهرية
****************
بدنا عدالة بالتوزيع
وحق العامل اوعى يضيع
*******************

يلي وضعتو الميزانية
بدها روح مسئولية
العمال أولوية
الزراعة أولوية
**************
مجتمعنا قسمتوه
فوق وتحت رتبتوه
لاقتصاد خربتوه
ومال الشعب اهدرتوه
******************
سلطة وفيها الف مدير
مستقبلها عالحصير
الله يعينك يا فقير
بكرة العيشة كيف بتصير
*********************
المسئول كرشه بكبر
ووضع الشعب عم يتدهور
*********************
شكرا شكرا يا وزراء
عا افقار الفقراء
عا تهميش الضعفاء
شكرا شكرا للوزراء
عالانجاز والاداء
******************
يا حكومة شوفي الحال
بدنا شغل للعمال
********************
صاح العامل صاح صاح
وينو وينو هالاصلاح
*******************
الاصلاح والتغيير
شعارات للتخدير
******************
بدنا عدالة بالتوزيع
حقوق العامل ليش تضيع
*********************


لا لا للاجحاف
بدنا العدل والإنصاف
********************
ياستونا من الإصلاح
مجلس اجا ومجلس راح
وزير اجا ووزير راح
والفساد ما بينزاح
****************
احنا احنا المنتجين
منا خيرك يفلسطين
احنا احنا المظلومين
بالبطالة مكبلين
*****************
احنا جموع الكادحين
جينا اليوم محتجين
يا اخوانا المسئولين
شوفو احوال العاملين
******************
العامل يا وزير
ما بستاهل هالتقصير
******************
يا عامل سير سير
قود الحركة للتغيير
******************
لا للجوع والحصار
شعبي صامد ما بنهار
******************
وضع الشعب والله تدهور
جوع الناس هو الاخطر
********************

خالد منصور
29/5/2007

#خالد_منصور (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل