إزاي نعمل البيرة في البيت ؟ (2)

أيمن غالي

الحوار المتمدن-العدد: 8335 - 2025 / 5 / 7 - 07:46
المحور: الطب , والعلوم
    

(ضرورى قراءة الحلقة السابقة قبل إستكمال قراءة الجزء التاني من الموضوع)

شوفنا في الحلقة إللي فاتت؛ عملية التخمير Fermentation بتتم بإضافة الماية Water لأيّ خضار أو فاكهة أو حبوب غنيّة بالسكريات Saccharides؛ زيّ السكريات الاحادية Mono Saccharides زيّ (الفركتوز Fructose) الموجود في الفاكهة أو سكر ثنائي Di Saccharide زىّ (السكروز Sucrose) زيّ إللي الموجود في القصب؛ أو سكر من سلاسل طويلة Poly Saccharides زيّ النشويات Starch (سلاسل من سكر الجلوكوز الأحادى Glucose).

البيرة Bear بتتعمل من تخمير حبوب الشعير Barley grains؛ لأنها وزيّ أي حبوب فيها نشا والنشا عبارة عن سلسلة طويلة من سكر الجلوكوز.

يبقي للتخمير حا نحط حبوب الشعير مع الماية .. طيب والخميرة Yeasts؟
قولنا إن الخماير بتبقى موجودة بصورة طبيعية في قشور الفاكهة والحبوب، وبالتالي مش محتاجين لخميرة.

بس أجدادنا عملوا البيرة بطريقة عبقرية؛ بتخمير مستنبت الشعير Hydroponic Barley مش حبوب الشعير Barley grains.

يعنى ايه مُستنبت الشعير ؟
نعمل في الشعير زي ما بنعمل في بذور الحلبة Fenugreek seeds في شم النسيم، ونحط حبوب الشعير فى مصفاة ونرشها بالماية مرتين في اليوم وخلال اسبوع حا تنَّبِّت ويبقي عندنا مُستنبت الشعير.

حا ناخد 100جم من حبوب الشعير ونضيف عليها 400 مل ماية (كوبايتين Two cups of water)، ونحطهم في إزازة بلاستيك Plastic Container (2 لتر)، ونفرغ اكبر كمية من الهوا (نفعصها؛ بالضغط عليها)، ونقفلها كويس وهى مفعوصه.

تاني يوم حا نلاقي الإزازة اتنفخت بسبب الغاز الناتج عن التخمير (اسمه ثاني اكسيد الكربون Carbon Di Oxide).

تاني يوم نهَّوِي غطا الازازة بحيث نسمح للغاز بالمرور بصعوبة بصوت مسموع (تفِس).

يومين تلاته ومع تكرار عملية تفريغ الغاز المتكوَّن, وبمجرد توقف خروج الغاز؛ حا تبقي عملية التخمير إنتهت والبيرة اكتملت.

نصفى المحلول Filtration ونحفظه فى ازايز مُحكمة فى التلاجة واشربوها في صحة اجدادنا - قدماء المصريين - اعظم شعوب التاريخ واصحاب اعظم صناعات التاريخ (صناعة البيرة؛ الجعة).

الحلقة الجاية حا نعرف ليه استعملنا مستنبت الشعير وحكاية عُشبة حشيشة الدينار Dinar grass وامور اخري.
يتبع

المقال من سلسلة مقالات تحت عناوين وهاشتاجات:
#تبسيط_العلوم
#حصة_كيميا
#تمصير_العلوم

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل