[اشترك في قناة ‫«الحوار المتمدن» على اليوتيوب]

إزاي نعمل البيرة في البيت ؟ (1)

أيمن غالى

الحوار المتمدن-العدد: 8334 - 2025 / 5 / 6 - 08:11
المحور: الطب , والعلوم

في البداية ضروري نفهم شوية كيميا ونعرف يعني إيه تخمير, وإيه إللي ممكن نستخدمه في عملية التخمير, وهل ضروري نستعمل خماير معينة وشوية حاجات مهمة ضروري نعرفها ونكمل تساؤلات في الحلقات القادمة ..

في البداية نعرف معني التخمير Fermentation
أي سكريات Saccharides + ماية Water؛ بيتم تفاعل إسمه التخمير، وده بيحصل بدون إضافة أية خمائر Yeasts
يعنى عملية التخمير عبارة عن نقع مادة سُكرية فى ماية (في معزل عن الهوا)

إزاي بيتم بدون خمائر وليه إسمه تخمير وهو بدون خمائر ؟
هو بيحصل بدون إضافة خمائر من ناحيتنا لكن ضروري يتم بوجود خمائر

والخمائر دي بتيجي منين ؟
حياتنا كلها خمائر، وعايشة معانا في كل شئ، وموجودة بصورة طبيعية في السطح الخارجى لقشور الفواكه وسطح الخضروات وعلي قشور الحبوب، وبمجرد إضافة الماية علي الحبوب أو الفواكه أو الخضروات بتبدأ عملية التخمير ولحظيا ..

إزاي الخضروات والفاكهة والحبوب بيتم تخميرها وهل كلها فيها سكريات للتخمير ؟
كل الفواكه فيها سكريات Saccharides (أنواع مختلفة من السكريات مع السكر الرئيسي فى كل أنواع الفواكه وإللي اسمه فركتوزFructose)، وكل الحبوب فيها نشويات Starch والنشويات عبارة عن سلسلة طويلة من سكر اسمه الجلوكوز Glucose، وكتير من الخضروات فيها سكر زي القصب والبنجر وغيرها، وكل نوع وفيه انواع سكريات مختلفة عن التاني وبنسب مختلفة وان كانت بتبقي مشتركة في انواع محددة زي الفركتوز Fructose والسكروز Sucrose والجلوكوز Glucose ..
إلى جانب إحتواء أنواع كتيرة من الخضروات علي سكريات وكمان الزهور.

ملاحظة مهمة:
لو حا اعمل تخمير لخضار او فاكهة او حبوب؛ ما اغسلهاش بالصابون؛ لان الصابون حا يقتل الخماير.

بمجرد اضافة الماية علي الحبوب أو الفاكهة او الخضار وحتي الزهور؛ بتبدأ عملية التخمر في جزء من الثانية، وبتبدأ الخماير تاكل السكريات وتتغذي عليها وتنتج: (كحول Alcohol, Ethanol وغاز ثاني اكسيد الكربون Carbon Di Oxide)

حاجة مهمة جداً:
ضروري الخليط اللي عندنا من مادة حا نعمل لها تخمير مع الماية؛ يكونوا في إناء محكم؛ ما يسمحش لدخول الهوا؛ لإن الهوا فيه أكسجين Oxygen وأنا مش عاوز الخماير تتنفس تنفس عادي Aerobic respiration، وانها تاخد الاكسجين وتطلع ثاني اكسيد الكربون زي البشر؛ وعاوزها تتنفس تنفس من نوع تاني اسمه تنفس لا هوائي؛ يعني تنفس بدون اكسجين Anaerobic respiration، وده اللي بيحصل لو الاناء عندي محكم؛ بتبدأ الخماير تتنفس وتستهلك الاكسجين المحبوس في الاناء وبعد ما يخلص بتبدأ تتنفس تنفس لا هوائي وتنتج الكحول إللي أنا عاوزه، ومع الوقت التفاعل بيقف بسبب موت الخماير لزيادة الكحول في المخلوط، وهنا بنصفي السائل الرايق وبنسميه (خمرا/ خمره) ومعني الكلمة حا أشرحه في مقال لغوي بعد كده .. ودي الفكرة والطريقة المتبعة فى صناعة البيرة وأي نوع من الخمور.
يتبع

المقال من سلسلة مقالات تحت عناوين وهاشتاجات:
#تبسيط_العلوم
#حصة_كيميا
#تمصير_العلوم

#أيمن_غالى (هاشتاغ)

ترجم الموضوع إلى لغات أخرى - Translate the topic into other languages

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل