خالد محمد جوشن
محامى= سياسى = كاتب
(Khalid Goshan)
الحوار المتمدن-العدد: 7750 - 2023 / 9 / 30 - 01:15
المحور:
الادب والفن
الحلم
كان الحلم عجيب للغاية ، كنت اصلح سيارتى الفلوكس واجن وادخلتها الى الورشة وذهبت لبعض شانى ،وعدت وجدت الورشة وقد تحولت الى شقة.
دخلت الشقة والتى كانت ورشة وجدت عمال يقومون بدهان بعض الغرف ، دخلت غرفة توقعت ان السيارة بها، وفعلا وجدتها ، سالت الصنايعى خلصت العربية ؟
قال لسه اندهشت للغاية ليه انا جايبها من وقت طويل . رد عليا الصنايعى انا ممكن اقلك خدها بس لسه اللحامات طرية ، ولو انت فولتها دلوقتى ممكن تسرب بنزين .
قلت له ماشى عموما انا منتظرك فى الاوضة التانية ، وجدت بابها مواربا و رجل وامراة عاريان فى وضع رومانسى ، خرجت مسرعا .
صاحب الورشة نادنى استاذ يا استاذ ، انت يا استاذ ينفع كده متنساش انك فى بيت ، والبيوت لها حرمات ، قلت متاسف حاضر انا هنتظر بره .
خرجت الشارع وجدتى سيارتى الفلوكس كما هى بذات اللون والارقام ، قلت متعجبا ازاى العربية موجودة جوه مفككة وموجودة برة كاملة ، رحت راكبها وفتحت الباب وادرتها وانطلقت بها مسرعا .
الواقع
اننى فعلا كان عندى سيارة فلوكس واجن حمراء اللون ، كانت اول سيارة اشتريها ، كنت احبها للغاية وكانت سيارة قوية وجميلة ، ولكن للاسف كثيرة الاعطال ، موجة راديو الاف ام فيها كانت قوية للغاية وكانت عاشق للموسيقى الكلاسيكية المنبعثة منها .
فى يوم رحت اصلحها ، وعرض عليا صاحب الورشة ان يشتريها قمت ببيعها له فورا وقبضت عربون وانهيت له كل الاجراءات .
الغريب ان هذه السيارة تاتى لى كثيرا فى الاحلام ، واعجب للغاية عندما اجدها ، واقول فى الحلم وكانه واقع غريبة جدا ، ان العربية الفلوكس دى لسه معايا ، ده انا كنت فاكر ان انا بعتها من زمان ، واصحو من الحلم للواقع واكتشف ان ما أعتقدته واقع هو حلم ولكن داخل فى واقع .
ترى ماسبب عودة هذه السيارة الفلوكس لى فى احلامى ؟ واعتقادى الدفين اننى لم اقم ببيعها ولكن فى الحلم ، واقعيا انا متاكد اننى قمت ببيع هذه السيارة الفلوكس واجن ( الخنفسة ).
#خالد_محمد_جوشن (هاشتاغ)
Khalid_Goshan#
كيف تدعم-ين الحوار المتمدن واليسار والعلمانية
على الانترنت؟