في ملعب لوسيل

صوت الانتفاضة

الحوار المتمدن-العدد: 7469 - 2022 / 12 / 21 - 17:46
المحور: عالم الرياضة
    

تجمع الاخوة في النهب والسلب والخراب في ملعب لوسيل في قطر، كانت مناسبة جميلة-كأس العالم- تجمعهم في هذه الدولة؛ لم يدعوهم الشاب تميم امير قطر الى هذه المناسبة، لقد أتوا بمحض ارادتهم، وبدون دعوة، تصنعوا "المدنية" و "التحضر"، مع انهم متخلفين ورجعيين وذكوريين جدا.

اجتمع الحلبوسي وشياع السوداني ونيجرفان بارزاني وفائق زيدان في ذلك الملعب، شاهدوا المباراة، استمتعوا كثيرا، فكل شيء على حساب "الدولة"، شاهدوا ميسي قبيل اعتزاله الكرة، شاهدوا امبابي وهو في قمة شبابه؛ جلسوا في مقصورة الرؤساء، غير مصدقين أنفسهم، فمن هم؟

الحلبوسي جاء مع زوجته الثانية او الثالثة او الرابعة، لا أحد يعلم؛ كانت السيدة انوار عاصم تمسك بحقيبة، يقال ان سعرها يتخطى الخمسة الاف دولار، لا بأس في ذلك، فالرقم لا يعني شيئا امام النهب والسرقات في هذا البلد.

ويقال ان حديثا قد دار بين هؤلاء، سمعه البعض، وقد نقلوه لعامة الناس، ولا يعلم أحد افيه مبالغة ام تجني، على العموم يجب ان يشاع هذا الحديث بين الناس:

الحلبوسي: شنو؟ اشو كلكم اجيتو، يمكن بقه بس رئيس الجمهورية ما حضر؟

السوداني: ما تحجي على روحك، جايب السيدة انوار وتاخذ صور، وبعدين رئيس الجمهورية زلمه ما يگدر يسافر، مو زين لگاله مكان وگعد بيه.

زيدان: وانت شنو خايف على البلد يضيع لو يحتلوه؟

الحلبوسي: والله يا رئيس مجلس القضاء البلد اللي بيه هيج قضاء ما ينخاف عليه.

زيدان: شنو گاعد تبسمر حضرتك؟ مو لوما هذا القضاء انت ما تصير رئيس برلمان، وهاي العملية السياسية ما توگف وتستمر، حكمنا على الناشطين والمعارضين والمنتفضين وحتى المغردين، سكتنا كل الأصوات المنتقدة للعملية السياسية، وأطلقنا سراح كل السراق والنهابين والقتلة، وتلاعبنا بمواد الدستور، اللي هو أصلا قبيح؛ وهسه تجي حضرت جنابك ال... تبسمر، لا تخلينا نطلع المضموم، خليها سكته.

الحلبوسي: يابه ما گلنا شي، على كيفك حضرت القاضي، وبعدين انت هم متصير بدون اتفاقات دولية وإقليمية ومحلية، والا شنو مخليك لحد هسه، قابل على نزاهتك، لو على علمك بالقانون.

السوداني: يا جماعه استهدوا بالرحمن، شبيكم، كلنا بمركب واحد، وكلنا اشتركنا بكل شي "قتل، سلب، نهب، تخريب"، ولحد هسه احنا ماشين على قاعدة "طمملي واطمطملك"؛ والا انت شنو رأيك نيجرفان، اشو ساكت؟

نيجرفان: والله يا جماعه ما اعرف شگول؟ على شنو هاي الأحاديث، أصلا ما الها داعي، احنا جايين نستمتع بكرة القدم، نشوف ميسي ودي ماريا وامبابي وهاي الحلوات الفرنسيات والارجنتينيات وكل الاجناس الباقية والأجواء النظيفة والشوارع الجميلة والفنادق الفخمة، وأنتم تتناكرون على يا هو الأسفل من الثاني، يا اعزائي "كلنا لصوص".

انبرى شخصا ما من الجمهور، يبدو انه كان يستمع لحديثهم، فقتله الغيض وانفجر بهم:

سفلة وراح تبقون سفلة، حثالة البشر، "بصقة على وجه الدنيا" اللي أنتم بيها، كل الناس متأكدة ان نهايتكم الخزي، ويوم ما راح التاريخ يسمركم على منصة العار، وما تفيدكم كل صلاة كهنتكم وتضرعاتهم.

في تلك اللحظة سجل ميسي هدفا، فاشتعلت مدرجات الملعب، وماكرون ابدى حزنه، واخوة النهب والسلب والخراب كأنهم لم يسمعوا شيئا من هذا المواطن، فقاموا بالتصفيق لميسي، فهم يدركون انهم محصنين ضد كل أنواع السباب والشتائم.
#طارق_فتحي

#صوت_الانتفاضة (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل