الامبريالية الفلسطينية

خالد عبد القادر احمد

الحوار المتمدن-العدد: 2314 - 2008 / 6 / 16 - 10:51
المحور: القضية الفلسطينية
    

كانت بداية صيف
كنا قد انهينا تاديب المعلمين , ان يعودو الى التدريس قبل بدء العام الجديد , واجبرنا الحكومة على ان تقدم امتحانها النهائي , كنا قد انهينا تعذيب الشتاء حتى تخلى عن غيومه والمطر واجبرنا الربيع ان يكشف عما يخبئه من ثمر لاخر العمر, كنا قوة يحسب لها الف حساب , حتى اسرائيل اجبرناها على شن حرب 1967 واجبرناها على هزيمة (مجمع) الدول العربية , لقد انتصرنا على اسرائيل حتى اجبرنا اليهود اينما كانو على الفرح بانتصارنا في اجبار اسرائيل على هزيمة العرب , وليس ذلك بغريب علينا فنحن منا القائل ( انا ابن جلا وطلاع الثنايا .... متى اضع العمامة تعرفوني )....نعم.... ولا فخر .
لكن ربما هنالك من لا يعرفنا / واشك في ذلك / ولكن من باب الحرص والاحتياط العلمي ساذكر لمن لا يعرفنا يسيرا من تاريخنا العتيد ووقدرتنا المبهرة على اعادة رسم العالم ، مش بس محمود درويش الذي يستطيع ذلك , واصلا لانه منا اكتسب هذه المقدرة , طيب ما احمد رامي بقدر يخلي كل نار تصبح رماد , وفايزة احمد لاطعة القمر عالباب ولليوم وهو واقف مش راضية تاذن له يدخل , لكن لنعد الى موضوعنا
فنحن ولا فخر اللذين اجبرنا قبل ذلك اوروبا على معالجة الرجل المريض( دولة خلافة حزب التحرير ) بان تشن الحرب وتقضي على هذا المريض وتخلصه بكل انسانية من مرضه المزمن في طاعة الله والرسول , , بان اجبرنا شرفاء مكة ان يجبرو اوروبا على ان تتبع نزهتنا اليسيرة لمعالجة الرجل المريض , لكننا بكرمنا المعهود وبعلميتنا الحادة ونحن خير من علم , كافانا اوروبا على جهدها المشكور وسمحنا لهم اقتسام كل ما نملك , ورغم لؤمهم وخبثهم في محاولة رفض قبول هذا العطاء الكريم , خوفا من ان نطلب منهم مستقبلا , غداءا او عشاءا , الا اننا نجحنا بذلك , وسجلنا عليهم( وحدة) سيذكرها التاريخ دائما وستعلم في كل المعاهد في العالم على انها من ماثرنا . لكن تاريخنا المجيد المعبد بالانتصارات التي يعز ان تجد لها مثيلا, لا يقف عند ذلك , فنحن من قبل اجبرنا اوروبا ان تحضر كل شعوبها للحج الى القدس كسبا لمحبة الله عز وجل وتسجيلا لثواب لنا عند الله في طاعته وفي ذلك نسجل لطيب الذكر صلاح الدين ابن ايوب هذه المفخرة
لكن كيف ننسى ذكر اننا الوحيدين في العالم اللذين نجحو في اجبار الاسبان على ان يقبلو بلادهم , وبشق النفس حتى اقتنعو بذلك خصوصا بعد ما زبطناها الهم . اذن عن شو احنا ممكن نعجز؟ وهذا تاريخنا , اي والله لو بدنا لنخلي امريكا نفسها تيجي تحكمنا , والتجربة اكبر بهان , مش احنا اللي اجبرناهم يحكمو افغانستان والعراق والباكستان اجبرتهم تتخلى عن برنامجها النووي , وهينا بدها ايران تجبرهم تتخلى عن برنامجها النووي كمان , بس مبين ذاكرة بعض الناس بطيح منها العلم وما بتعرف كيف تحافظ عليه, اي اطلعو كيف طلعو على السما لما ازعلنا منهم وقلنالهم والله لو بتطلعو على السما اللي بدنا اياكم تعملوه لازم تعملوه , وبعد ما طلعو على السما سالونا شو بتامرو , قلنالهم اشي بسيط وما بدنا تكلفو خاطركم , بدنا اياكم تعملو الدولة العلمانية الديموقراطية الفلسطينية الاسرائيلية الشرق اوسطية لمحاربة الامبريالية في المستقبل
( طيب ما احنا الامبريالية ؟؟؟؟؟)
كيف المسالة صارت ؟
ولكم هذا ماركس اصله عربي مسلم وموحد وتهمة الالحاد اللي لزقتوها فيه باطلة اي مش هو اللي قال ( الحمد لله) ,لاحظ ,انني لست ماركسيا وابنه لينين ما بقل عنه عروبة وايمان ولا ستالين ولا ماو ولا عمهم انجلس بس مرات بطلع من ظهر العالم فاجر مثل غروتشوف ويلتسين . وهي عنا القيادة الفلسطينية اللي بتحاول تخريب العلاقة باليهود وبتحاول تسترد عطايا كرم الاجداد , يا عمي هاي اسالو كيدار ما حدا طلب من الفلسطينيين يتركو بيوتهم بس اجدادنا اللي بطيعو كبار العرب المسلمين ما فشلوهم لما اجبرو اليهود يقبلو ( قسم من فلسطين ) وهم اجو على نفسهم واخذو الباقي , والله محترمين وبرتفع الراس فيهم
وهسة بدكم ايانا نفشلهم وبتقولو( ثوابت ) اي ما هي الارض كلها وخلقة ربنا ومتحركة اي انتو يا قيادة فلسطينية ما بتقنعو , فعلا انكم بلاء الارض, والمفسدين فيها , ولكم يا عمي حسن الجوار مطلوب , بكرة بصير عندهم مناسبات ’ كيف بدنا نروح نبارك ولا نعزي , اتعلمو من غيركم وشوفو لانه حافظ على حسن الجوار بالفرح مدعويين وبالعزا مقبولين , لكن انت قطاعين نصيب اي اطلعو على حالنا وقارنو ايام ما كنا نبني( كيف بدي الفظها عجزت الكتابة ) اللي بتعرفوهن وقديش كنا متنغنغين , وهسة بعد ثوابتكم شو وضعنا اللي كيدار حزنان جدا عليه والله انسان كيدار مش مثلكم , ولكم يا عالم اتعلمو من اهل العلم والشهادات الدكاترة المحترمين الواحد منهم بعد ما كان وزير في السلطة ( انا عارف طمعكم بدكم كل الوظايف من حارس لرئيس) وطلع من الوزارة صار يطالب بالدولة العلمانية الديموقراطية الكيدارية , طيب لولا هو عارف اشي بطلب هالطلب , خليكم قانوعين مثلي , اي بعد كل هالتعب وانا اكتب الكم يا دوب حصلت ويبسايت في الحوار المتمدن وانا كنت حاطط عيني على اكثر رغم اني قومي فلسطيني ووطني فلسطيني وماركسي فلسطيني ولاجيء فلسطيني ونازح فلسطيني ومطرود من الخليج فلسطيني ومطرود من العراق فلسطيني ومواطن من الدرجة الثانية في الاردن فلسطيني ورافع شعار الاردن اولا فلسطيني والله اعلم اذا بروح على سوريا شو بصير في قلسطيني

#خالد_عبد_القادر_احمد (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل