حيل واكثر بعد ويطبني مرض .. احمار لا اخذ حجي , ولا اتعظ .

عباس طريم
كاتب - وشاعر
(Abbas Trim)

الحوار المتمدن-العدد: 8114 - 2024 / 9 / 28 - 18:30
المحور: الادب والفن
    

حيل واكثر بعد ويطبني مرض .. احمار لا اخذ حجي , ولا اتعظ . اخر
___________________________________________________________________________________________________
اريزونا
_______________________

حيل واكثر بعد , ويطبني مرض
احمار, لا اخذ حجي ولا اتعظ
+

الناس تقنع بالوعظ , لو بالنصيح
ولا نصح نافع اوياي ولا
وعظ
+

واليحذرني ويكلي الدرب ذاك
اكله لا تدخل اومالك
غرض
+

جن عباد الله .. كلهم نايمين
ومن عباد الله بس انه
اليقظ
+

اذني طرشه وابد ما تسمع كلام
هسه بس اعرفت تسمع,
يفترض


+
بعد ما طيري عله , وهاجت الريح
وانلوت جنحانه واضطر
ينخفض
+
بعد ما خلصت مباراة الحياة
وتعب لاعبنه وثكل حمله
ونكظ
+

وبعد ما تقديري اتحده النزال
وعالجه الواقع ابلكمه وما
نهض
+

من يصول الردي , الناس ايغلسون
وجلمه بس من طيب , الكل
تنتفض
+
اتغيرت دنيانه , واليفرض اليوم
ما يراعي العدل والحك
لو فرض
+
الغرض , هوه المصلحه اليربط الناس
ولو اتدور , غيره ماتلكه
غرض
+

جنت اظن بالناس بس الطيبات
ماخذ الدنيه ابضحك , طول
ابعرض
+

ومن يجيني افلان ويذبني ابحريج
ما اكول افلان , اكولن مالي
حظ
+

صاحباني الزلك , من يوم الوعيت
عيني لا نامت ولا جفني
غمض
+
الزلك من يوصل , كرص يولي العباد
وانه ما يرتاح , اله يعضني
عض
+
ايدك عليه الباب , ياوكت اليريد
جنه بنك , ومنه ماخذلي
قرض
+

وفوكهه الحظ الردي الماله مثيل
اليشتغل وي العدو , كضيته
كظ
+

عمري ما عاتبت صاحب بالحياة
لني اشوف العتب , اسمى امن
البعض

+

الي ما يسوون جلمات العتاب
الراحه فركاهم , اوملكاهم
مرض
+

اوجوه صفره املونه ابمليون لون
ما يجونك , اله من عدهم
غرض
+

باقي متمسك ابجيل الاولين
وذاك جيل ,امن الحسابات
انقرض

+

احترم كل البشر .. حته الوضيع
وحته المبين عليه , خايس
وفظ

+

حاولت اتغير , اوعكس الرياح
امشي وي الناس , والمنبع
رفض
+

هذه وكت الردي , الكل اتشيد بيه
وبالمزاد , الخير - الزين
انعرض
+

اعرف الناس , واميز كل خبيث
درستني دنيتي , وخضتني
خض
+

واطي اذن الطرشه , للمايستحون
ذوله النفرضو ابمعشرهم
فرض
+

وما بقو , بس اليبيعون الكلام
واليقدمون الطلب , قبل
العرض
+
واللي يتعاتب سكن ارض الكبور
وكال : اريد ارتاح في هذي
الارض
+
لا نفاق ولا دجل , والكل سكوت
وكلمن ايفك حلكه ينرض ضلعه
رض
+
ربنه عادل , خلق موت اوي الحياة
وهذه امر الله , ياهو
اليعترض
+
اهناك يم الرب , يفتحون الكتاب
والشريط اليومي للكل
ينعرض
+
اهناك يتجازه النفل , وابن الحلال
والطلايب .. يم اله الحك
تفض
+

#عباس_طريم (هاشتاغ)       Abbas_Trim#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل