يالبواك وين اتريد اوديك

عباس طريم
كاتب - وشاعر
(Abbas Trim)

الحوار المتمدن-العدد: 5616 - 2017 / 8 / 21 - 01:25
المحور: الادب والفن
    

الى حرامية بغداد .. الذين لا يستحون ولا يخجلون لا من الله ! ولا من البشر [وكل يوم حرامي بايكنه
وشالع , والربع يصعدونه بديهم للطائرة ]

[يالبواك وين اتريد اوديك ]

عباس طريم
اريزونا
________________

يالبواك .. وين اتريد اوديك
واسفرك وين ؟ امر
ياضوه العين
+
لأوربه العزيزه , للبرازيل
لرومه, للمجر , لورايد
الصين
+
انجازك عظيم .. انذكره كل يوم
اوسالفتك اترددهه
الدواوين
+

وسام الحرمنه , ابصدرك يمهيوب
حرام انصير عن شوفك
بعيدين
+

يكانس جيب شعبي , الشايف الضيم
وامام الناس بايك
هالملايين
+
اتفضل .. هاي مفتوحه المطارات
وين اتريد تشرد؟ , كول
يازين
+
حجزنالك سياحي , ابأول الدور
لجهودك يا حرامي البلد
تثمين
+
وبعد نشكر , السهل سفرتك هاي
حراس الوطن .. والله
طيبين
+

بالنص , انته والفتحولك الباب
الك خمسين , والسفرك
خمسين
+
يحرسك ربي , ويحقق امانيك
اوعسانه انشوفك امنشنش
ابكين
+
حبيبي امودع الله , اوتوصل ابخير
اوسلم لي , اعله مادوني
اوهيلين
+
لا تهتم , بلدنه ابغير قانون
الحراميه .. بلدنه اليوم
مالين
+
ما دامك حرامي .. اوعدك افلوس
الربع كلهم يصيرولك
محامين
+
الف رحمه اعله ابوه الباكنه اوراح
اورحمه الوالديكم , صيحو
امين
+
عدنه ارجال , كل الزاد ثردوه
ولحسوهه لحس , كل
المواعين
+
ابشرك ياشعب , نبقه اعله هالحال
ناس ابوسط جنه , اوناس
حافين
+
جا وين العداله , والمساواة
وين الشرع , والاخلاق
والدين
+
وين اوعودكم , وين الخطابات
وبعد , وين الضمائر , واللبك
وين
+
من اجل الوطن , والصالح الناس
كل واحد اجانه ابهل
عناوين
+
ومن مطرت الدنيه اوفاضت الكاع
طلعت من مجاحرهه
الثعابين
+
بعد ما اتشككت كل الشعارات
انكشف زيف الحرامية
الملاعين
+
الدول , كل الدول يضبطهه قانون
وعراق اليوم خالي امن
القوانين

روح اتمتع اوزور
الامارات
واتصيف برومه اوزور
برلين
+
روح , امودع الله الباب مفتوح
ايحرسك ربي من الحسد
والعين
+
ضحيه الوطن صار الكم , يحراس
وابناء الشعب صارو
قرابين
+
اذكركم .. بان الله موجود
وهوه الياخذ , ابحك
المساكين

#عباس_طريم (هاشتاغ)       Abbas_Trim#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل شاكر الناصري، أحد مؤسسي الحوار المتمدن	حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل