رحمه لمك يالحرامي

عباس طريم
كاتب - وشاعر
(Abbas Trim)

الحوار المتمدن-العدد: 5067 - 2016 / 2 / 6 - 08:10
المحور: الادب والفن
    

رحمه لمك يالحرامي ... بعد ساعه اتموت مامي
_____________ عباس طريم___________________

بكت كلشي الظال عدنه
ليش خويه كشولتنه
بلا غده ولا عشه بتنه
جاينه ابهالليل حامي ... رحمه لمك يالحرامي
_

ليش حته التبسي شلته
وراضي من شافك كتلته
وكبل لا تطلع قفلته
الباب , وتأخر دوامي ... رحمه لمك يالحرامي
_
_
جدر باجه وما كفاكه
وخلصت كل الحكاكه
وفوكهه اتنادي اشلاكه
فد جدر ثاني المدامي ... رحمه لمك يالحرامي
_

اتصيح ما عدكم زلاطه
وانته تثرم بالطماطه
خابت اوياك الوساطه
يا طلي مع احترامي ... رحمه لمك يالحرامي

_

كعدتنه عالحصيره
وفوك هذه اتريد بيره
وتطلب الطلبه الاخيره
اتكول اريد خيار شامي ... رحمه لمك يالحرامي

_
هم بكتنه وركصتنه
بزخ كل الليل , متنه
الله واكبر زهكتنه
والردح عدك , الزامي ... رحمه لمك يالحرامي

__
ممكن اتعوف الكراسي
لا اتصير اهواي قاسي
ان جنت ياخويه ناسي
اسمك اترقم حمامي ... رحمه لمك يالحرامي
_

اتبوك بينه اوتشتكينه
وتكلب القصة علينه
بالسجن تالي صفينه
وانته ياخويه المحامي ... رحمه لمك يالحرامي

_

#عباس_طريم (هاشتاغ)       Abbas_Trim#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل