[اشترك في قناة ‫«الحوار المتمدن» على اليوتيوب]

وزير عراقي

عباس طريم
كاتب - وشاعر
(Abbas Trim)

الحوار المتمدن-العدد: 3015 - 2010 / 5 / 26 - 10:22
المحور: الادب والفن

ما اعوفنه الوزاره
_____
شعر: عباس طريم
_____________
لو حرب صفين ترجع

لو يصيح ابوق مرجع

لو إمام الكون يطلع

لو العتوي ايصير فاره

ما اعوفنه الوزاره

لو ابوي ايموت يمي

وتنشنق جدامي امي

ويندفن خالي وعمي

وجدي ايهـــدمون داره
ما اعوفنه الوزاره

جنت من الفكر تالف

عاللحم والتكه حالف

والسمج بس بالسوالف

ما شفت فد يوم ناره
شلون اعوفنه الوزاره

هسه اكلي كله تــُــكه

اليعترض حلكه اشـــُــكه

وعجل عالماشي اطِكه

واكسر ايمينه ويساره
شلون اعوفنه الوزاره

انه راضي وموش راضي

وابد ما انقل غراضي

ما اصيرن فعل ماضي

وانحسب ضمن الفقاره
ما اعوفنه الوزاره

عندي بس مليار واحد

ما اجذب الله شاهد

فدوه خلوني اجاهد

من اجل اهل الحجاره
شلون اعوفنه الوزاره

آنه والعباس أصلي
وما أحب سعدي الحلي

تريد أطلع وين أولي ؟

واللحم صعدت أسعاره
شلون أعوفنه الوزاره

ما اكول شكثر مالي

مبلغي مبلغ خيالي

موقع إبخطي الخالي

يقبض أوكاعد إبداره
شلون أعوفنه الوزاره

لايــِك الكرسي عليه

ولازمه باثنين إديه

حتى لو كرصتني حيّه

اوسمهه يوصل للمراره
والله ما اعوف الوزاره

عندي سوك اوصار باسمي

ومطعم امفتحينه رسمي

يغني بي دوما الجسمي

وبالرشيد املك عماره
والله ما اعوف الوزاره

الشغله مو شغلة عواطف

انه بالعباس حالف

ينسطر كلمن يخالف

وحده يصرخ طاره طاره
شلون اعوفنه الوزاره

لو يموت الشعب يمي

وينسفك من صدك دمي

ما اوخر هذا عمي

شافلي بالاستخاره
صعبه اتركه الوزاره

انه دوله ابوسط دوله

ومالي كل شهرين احوله

ارويضي ابلندن امخوله

منشلع اباول اشاره
شلون اعوفنه الوزاره

شعر
عباس طريم

#عباس_طريم (هاشتاغ) Abbas_Trim#

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل