تبرعاتكم وتبرعاتكن المالية تحفظ استقلال الحوار المتمدن، فشاركونا في دعم استمرارية هذا الفضاء اليساري الحر

انبطاحي ... نعم انا انبطاحي

عباس طريم
كاتب - وشاعر
(Abbas Trim)

الحوار المتمدن-العدد: 5024 - 2015 / 12 / 25 - 21:09
المحور: الادب والفن

انبطاحي .. نعم انا انبطاحي
________________________
عباس طريم
____

يخيتي وداعتج صرت انبطاحي
لاني للاسف ما جنت
صاحي
+
جنت مشغول واجمع بالملايين
لهذه سلمت كامل
اسلاحي
+
ما اشوفن نجاحي ابدفع العداء
بنهب المال للخارج
نجاحي
+
اعيالي سفرتهم كبل سنتين
وكل اموالي صارت بسم
ضاحي
+
والبيوت , المزارع , والعمارات
بسم خالي صفن حجي
امناحي
+
ولدي ابلندن اوكل واحد ابيت
جبير , وعالبحر طلته
وسياحي
+
جنت مكصوص جنحي وعايش ابعوز
وهسه امنشنش وكامل
اجناحي
+
شكثر جرحني دهري انواع الهموم
اريد اليوم اضمدهن
جراحي
+
عمي ياعراق اتوزع وراح
سويناه ضحيه من
الاضاحي
+
العراق وداعتج مات ودفناه
واثر دفنه على اسنون
المساحي

+
ومن شفت العراق اتحيطه السيوف
نهبت المال كله وصحت
ياحي !
+
مو بس انه ابوك , الكل يبوكون
وليغالطني , اكولن موش
صاحي
+
لزموني لزم اسرق بالفلوس
وبعد ساعه فقط , طلقو
سراحي
+
بعد ما فاوضوني ادفع المقسوم
رجعت اشرف سياسي وبيضه
ساحي
+
ابصراحه البلد رجعناه قرنين
وفلشناه من كل
النواحي
+
شردنه الشعب في كل القطار
وخليناه لا ميت
ولاحي
+
وصفرنه الخزينه الحد الفلاس
ظلت تصفج , الراح ن
براحي
+
من شفت الوطن ناداني بالضيج
صحت لبيك هل تسمع
صياحي
+
وكلتله للاسف هديت الخيول
ودفنت اسيوفي بالصحره
ورماحي
+
لكن من اسافر وابعد ابعيد
انوح اعليك ما ابطل
نواحي
+
اعذرني ياوطن صاحب ملايين
شلون اتريدني احمل
اسلاحي
+
اوشاحي الجان درعي ابساعة الضيج
دفنته , وكلت اظن ضايع
وشاحي
+
مسافر ياوطن واحمل ملايين
واريد بطوكيو اعلن
افراحي
+
تركت الحرب للفقره المساكين
بزنز مان واحجز
بالسياحي
+
كافحت وشلت كل هالملايين
وربي بارك ابجدي
وكفاحي
+
عندي افلوس ما تاكلهن النار
ولكم وينهن , بيض
الملاحي
+

ومره اتحسفت ردت ارجع ارجوع
واعودن للوطن واطلب
سماحي
+
كمت والكضه من الياخه وياي
وكالو ها ولك شنهي
يناحي
+
بطحوني بطح كلولي لتكوم
ممنوع القيام انته
انبطاحي
+

Reply Reply to All Forward More

#عباس_طريم (هاشتاغ) Abbas_Trim#

ترجم الموضوع إلى لغات أخرى - Translate the topic into other languages

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.

اشترك في قناة ‫«الحوار المتمدن» على اليوتيوب
في رحيل شاكر الناصري، أحد مؤسسي الحوار المتمدن
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل