ياعراق شوكت تنعم بالسلام

عباس طريم
كاتب - وشاعر
(Abbas Trim)

الحوار المتمدن-العدد: 5185 - 2016 / 6 / 6 - 01:56
المحور: الادب والفن
    

ياعراق شوكت تنعم بالسلام ؟
____________________

عباس طريم
_

ياعراق اشوكت تنعم بالسلام
وتنفض امن ثيابك , اتراب
الحرب؟
+
وترجع اعله ابيوتك اتحوم , الحمام
ويرجع امعزز البيته
المغترب؟
+
شوكت تشعر , مثل كل هاي الانام
ابكعده وي محبوب , يم ماي
العذب
+
كل شعوب العالم , اتعيش ابوئام
واحنه عالكصه [الى الحرب]
انكتب
+

وقصة اكليب انتهت , رغم العوام
الاربعين , ودرس صارت
للعرب
+

واحنه احنه, اسلاحنه وسر للامام
واليظل ايموت , ويموت
الهرب
+
ياعراق ..

حته شعبك يبقه حر , ولا يضام
اتوحد , ابراي وعزيمه وفد
كلب
+
صير مثل الصخر , واتوحد تمام
صعبه جدا ينكسر عود
الصلب
+

ياحكومة اللي تجيك , ويا نظام
ياخذك للشرك , ويردك
غرب
+
انته جندي امكلف ابعدة مهام
بالف عام , الكلك اتخلص
جذب
+
اتعود كلهه البيتهه , الوادم اتنام
وانته وسط الدان والدك
والضرب
+
عمر السود , خلصيناه ابظلام
هم عمر هذه وعلينه
ينحسب
+
ياعراق ..

الناس طاب الهه , التبرك بالحرام
مثل دود , وللفضاله
ينجذب
+
ناس صارت صدك , بياعت كلام
اتعاهد , وتنسه العهود
وتنكلب
+
وطبع بيهه , اتجل اليحب الخصام
الشرس , وايدور طلايب
والصعب
+
والشريف المنصف , اليحفظ ذمام
الناس , مذموم وابد ما
ينجهب
+
هذه حال الناس صار , ولا ملام
ويبقه هذه الحال مزري
ومضطرب
+


وارد اكلك , ياعراقي في الختام
انته ارضك طاهره وانته الك
رب
+

وانته هيبه , والك بالعالم مقام
وبيت ما ينطال , في قلب
المحب
+
واحنه كلما يمر عام ن , بعد عام
ايظل دمعنه اعليك يالغالي
يصب
+

#عباس_طريم (هاشتاغ)       Abbas_Trim#          

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات