هذه عريان الهتف بسمه الفرات

عباس طريم
كاتب - وشاعر
(Abbas Trim)

الحوار المتمدن-العدد: 5281 - 2016 / 9 / 10 - 10:10
المحور: الادب والفن
    

يبقى الشاعر الكبير , عريان السيد خلف

المدرسة الحقيقية للشعر الشعبي , وثروة وطنية علينا الحفاظ عليها .. وعلى الزرازير ان تقف عند حدودها ..








هذه عريان الهتف بسمه الفرات




_________________________




عباس طريم

__




مدرسه [النواب] يشهدله العراق

وبعده [ابن سيد خلف] هم

مدرسه

+

[وكاظم الكاطع ] نعم , نبصم عليه

الشعر , ربانه وامينه

وحارسه

+


مات كاظم , رحمة الله عليه

واصبح مظفر كأرض

يابسه

+

وظل فقط عريان , بالملعب يجول

والشعر , عمره المحبيه

كرسه

+

تعلمت اجيال , من عده الكثير

واليريد اينال من عده

ايخسه

+

طيروا طير الشعر , فوك العباد

شاف عريان وعلى راسه

رسه

+

هذه بيت الشعر , بيمين العراق

رد عله العدوان بيه

وهوسه

+

صانع الابداع , من روح الجمال

والشعر هوه البناه

واسسه

+

الناس تتمنه , تجي اتسلم عليه

وحلم واحدهم يجيه

ويجالسه

+

ليش كل هذا الحقد , عالمبدعين

وليش كل مبدع اتريد

اتحسسه

+

راح وكته , وكلشي قدم للعراق

ضاع واتلاشه وتبخر

وانسه

+

هذه عريان , الهتف بسمه الفرات

وقلده باغله الجواهر

محبسه

+

هذه دهرك , شافه اهلا للبقاء

وشال ثوب الفخر بيده

ولبسه

+

كافي من النفخ , يااهل النفاق

شستفاد امحيسن امن

الغطرسه

+

كل شعركم , صارت اتحكمه الميول

وكل قصايدكم حبيبي

امسيسه

+

ما اطير اطيوركم , وسط الضباب

لو لعله ايصيح , وتوذن

عسه

+

قافلتكم خاويه , وبس الجلاب

بيهه تنبح , خاليه

ومستفلسه

+

ما اتسير اعلامكم , ياحاقدين

ترجع الاعلام كلهه

امنكسه

+

يبقه اصل الشيء , للعالم أساس

ومن كثر حبه الجموع

اتقدسه

+

يا صباح الخير , عاليعرف مداه

والعرف قدره وتراجع

يامسه

+

احنه شعب المايحب , اسم النجوم

ناس من كل مرتفع

متحسسه

+

وما تحب تصعد , عله ظهور الجبال

رغم كل الضيج والهم

والاسه

+

انخاف من جلمة [ تقدم للامام ]

ناسنه ابوسط الحفر

مستانسه

+

ابكل وسيله , انحاول انحجم النجوم

والنجم منهده , اله

انكسه

+


وبدل ما نفتخر , في رمز العراق

انحاول انشوهه ونقاطع

مجلسه

+

للأسف خربت , وكلمن كال بيت

نسه الأسس بيته هذه

وهندسه

+

صدك , كلمن كال : هذه اخر زمان

الناس , عالكال وكلت

متونسه

+

وصار يتميز , الزين امن الخبيث

مو ابميزان العطا, من

ملبسه

+

وكام كل زرزور , يتحده الصكور

رغم ان الوطن يعرف

فارسه

+

وصاح اني المدرسه , واني العميد

موش كلمن كتب , لا كلمن

[ فس]

+

#عباس_طريم (هاشتاغ)       Abbas_Trim#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل