يظل غربيلهه ايغربل

عباس طريم
كاتب - وشاعر
(Abbas Trim)

الحوار المتمدن-العدد: 5443 - 2017 / 2 / 26 - 10:44
المحور: الادب والفن
    

عباس طريم

[يظل غربيلهه ايغربل ]
عباس طريم
اريزونا
__
يظل غربيلهه ايغربل
___
الغثيث ايطيح , والحر الأصيل ايظل
هايه قاعده ومرهون بيهه
الكل
+
غزل واتخلبص وما ندري وين الراس
احنه اهل العقد , بس موش
اهل الحل
+
الايمانه قوي , ايظل ثوبه ابيض دوم
لتظن , مهما جار الوكت
يتبدل
+
والعركه ابجبينه اتلوح مثل اهلال
امسلح بالشرف والغيره
موش اعزل
+
والطاهر حليبه , وامه اخت ارجال
بالماي الوسخ والعفن
ما يبتل
+
وليحافظ عله اسمه , ايحاذر الزلات
صعبه اللي يراهن عالمعالي
ايزل
+
عشاير احنه , والسوده تظل عنوان
جيل الجيل , اب الابن
تتنقل
+
سواد الوجه , صعبه اتبيضه الكريشات
العالم فتحت , والكل
متتقبل
+
مثل واحد لئيم , وراد هسه ايجود
وابطبعه البخل , ثابت
ومتأصل
+

دنيه اتغيرت , والجان بيه لخير
والعز والكرم والطيب
يتأمل
+
هجر ارضه اوسكن , وي ديرة الكفار
من شاف النهب والبوك
صار اول
+
من تشرعن , سباق الهدم والتفليش
ومن البوك , عينك عينك
اتحلل
+
ومن شفنه الشعارات , العله الحيطان
كلهه اتشككت واتبره منهه
الكل
+
ومن شفنه الضحك عالناس , صار افنون
يتدرس دراسه , مو علن
بالظل
+
 ومن شفنه حجيهم , خالف  التطبيق
ميزان الثقه البي راهنونه
اختل
+

+
حرامية كبل , من الغني ايبوكون
والمحتاج .. ينطوه كبل
لا يسأل
+
وذوله امن الفقير , الحافي ايبوكون
سلبو عيشته , وكلوله
لا تزعل
+
شعبنه ايدور , اركان وسكف يحميه
موش امهجول ابكل
البلاد ايظل
+
اسأل  بالقصايد  ,  وانشد  العقال
البلد , ظل بس لطم واصريخ
شنهي الحل؟
+
وما عدهم جواب , اليشفي المعزبين
معناهه, الوضع باقي
وميتبدل
+
شكل , للعينه وكحه , وما يخاف الله
اذا ما يستحي امن الخالق
ويخجل
+
شكل للجان حافي , انعاله أبو الفلسين
باك افلوسنه ومن يحجي
يتحنجل
+
جثير الحجي , وما اريد اتعب القراء
ملينه العتب , والحجي
اهواي انمل
+
أبو الحسنين كال , اوسجل التاريخ
"خير القول ما قل, وبعد
ما دل"

#عباس_طريم (هاشتاغ)       Abbas_Trim#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل