أجمل العيون تغمض برحيلك يا ود الامين

ايليا أرومي كوكو

الحوار المتمدن-العدد: 7795 - 2023 / 11 / 14 - 02:03
المحور: الادب والفن
    

أجمل العيون السودانية تذرف الدوع وتغمض برحيلك يا ود الامين
من أكثر الفنانين السودانيين تألقاً أناقةً و ابهاراً في جزالة الكلمة و الغناء
الثلاثة الكبار المخضرمين الذين تربعوا دفة الفن السوداني بأمتياز احد
أنت تحتار الاختيار ما بين محمد وردي ، عبدالكريم الكابلي ، وود الامين
كان عشقاً وطنياً جميلاً مشواره الحب في الفن و الغناء و الطرب الجميل
صاحب أغلي و وتر عود تطاوعه بدوذناتها المموسقة تسري في الوجدان
عشق طيبة العيون السود و ضحكة عيون نعسانين و خاف من شر العيون
تغني بلغة الكحيلة و أحب كل العيون و غرق حنيةً في الدموعها العسلية
كان قارئاً جيداً للعيون متماهي في تفاصيلها حذراً مفاتهنا مفتوناً بسحرها
اخر ما اتذكره غيرتة من جمهوره المليوني المجنون المفتون بفنه العبقري
محمد الأمين و "يا تغنوا أنتو يا أغني أنا"
رحلت لكنك باق بفنك بأدبك باق في القلوب في حدقات العيون التي أحبتك
فأنت أجمل العيون السودانية يا أجمل الحلوين .

محمد الأمين ولغة العيون
"أجمل عيون عندك يا أجمل الحلوين نجدة غريق ومنار بيرجع التايهين"
"وحياة ابتسامتك ياحبيبى وحياة عينيك قلبى حاذرك ومن زمان سائل عليك كلو لمسه فى خيالى عن جمالك هى فيك"
"عيونك ديل عيون أهلي حنان زي نغمة في مقطع"
"وراجي عينيك يجوني ويشيلوني وعذابي يروح"
"حروف إسمك وكت أشتاق وأرحل ليك وأسرح فى عسل عينيك بِتحضني قبل ألمس حرير إيديك"
"أقابلك وكلي حنيه وأخاف من نظرتك ليا وأخاف شوق العمر كلو يفاجأك يوم في عينيا"
" سوف يأتى باسم الثقر يلوح بالامانى طي عينيه بريق وغموض ومعانى يحمل الروح اليا"
"يا عيوناً كالغناء العذب في دفء العشية"
"يا عيوناً مثل صبح العيد في الدار الحفيه"
"بقرأ في عيونك حياتي و عاملة مشغولة بجريدة"
"أقول ليها عويناتك ديار وعدي مسوره بي جدار صمتك عذابي معاك بريدك قبل ما اعرفك"
"شايلك معاي وأدفى بي طيبة العيون وكتين أسير مشوار براي"
"عيون حبيبي ديار تستقبل السواح رموشه طول اليوم غرقانة في الأفراح"
"العيون النوركن بجهرا غير جمالكن من السهر"
"عيون حبيبي ديار ساحاتها حنية رساله من الروح انشودة صوفية"
"لوشوش صوت الريح فى الباب يسبقنا الشوق قبل العنينين ونعاين الشارع نلقاهو تايه بدموع المغلوبين"
"متين سهر عيونك ليل طويلة ساعاتو وحاتك لسه ما بتقدر تقاسم قلبي دقاتو"
"أسمر فى طبعه فريد فات حسنه كل حدود وسهام عيون السواد عليها مين يقدر"
"فى عيونو شوق انهتت لحب للناس للوطن ماغيرت ريدتو السنين ومابدل احساسو الزمن"
"وزي هلت فرح دفاق في ضحكة عيون ناعسين زي لهفة بعيد مشتاق يلاقي احبتة الغالين"
"فى عيونك شايله اكوان من براءة ومن محنه"
"يا روعة الليل البهيج نام في العيون الناعسة يا ضحكة الشوق المهيب نكتم مشاعره ونحبسها"
"يا كلمة بين شفتين حنان للمولى خشية بنهمسها يرعاكي من شر العيون يحفظ محاسنك ويحرسها"
"ملاك في شكل إنسان سبحان من صور عيونه نعسانه فتانه فتاكه وقامته كالبانه يتهادى لو يخطر أسمر"
"كم مرة رحنا وجينا لو بالعيون قول لينا انك يا جميل حابينا"
"يا عيوناً كالينابيع شروداَ وابتساماً وقواماً كالأهازيج تثنى وتسامى"
"جاني طيفو طايف لحاظه كالقذايف وأنا من عيونه خايف والله خايف"
"ولما لقيت عيونك ديل بديت أعشق عيون الدار"
"أقول ليها عويناتك ترع لولي وبحار ياقوت"
"عويناتك زي سواد قدري مكحله عمري من بدري"
"وابعث غناي مع كل آها و كل زفرة وكل ضحكة مونسة شان تمشي لعيونك تعيش وتونسا واتخيلك وكتين اشوف أُماً تهبب لعروس وقت الزفاف و ترقصا"
و ختاماً "ما هو باين في العيون وين حنهرب منه وين"

#ايليا_أرومي_كوكو (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل