مكة فى جبل الطور

حسن مدبولى

الحوار المتمدن-العدد: 7788 - 2023 / 11 / 7 - 10:43
المحور: كتابات ساخرة
    

الموضوع مش تهجير الفلسطينيين وتسكينهم فى سيناء ، الموضوع غير كده خالص ،
فسيناء بالأساس " أرض اليهود" ( دى الخرافة اللى جاية) والكتب المقدسة كلها بتقول كده ،
وجبل موسى أو جبل سيناء أو جبل الطور أو جبل حوريب (بالعبرية: חֹרֵב) وهو الجبل اللى أعطيت فيه الوصايا العشر لموسى من قبل الرب، وفقًا لكتاب تثنية التثنية في الكتاب المقدس العبري. هو وصفها في مكانين (في سفر الخروج وكتب الملوك) كمان يسمى «جبل الله» أو جبل يهوه.
حتى القرآن بتاعكم ، ورد فيه أن الرب كلم نبيه موسى تكليما من وراء جبل الطور، كمان التوراة نزلت فى نفس المكان ، يعنى ده المكان المقدس بتاعنا مش القدس وباعترافكم انتم وقرآنكم ،لكن القدس وبيت لحم وهيكل داوود دول يخصوا العالم المسيحى وهو مكلفنا ندافع عنهم، إنما مقدساتنا احنا فى سيناء ، وتحديدا فى جبل الطور. !!؟
( ملحوظة معتادة هتخرج ناس زى "ابراهام جوسيوس " و"جويش البحيرى" و" بائد متنصر" و" "تريزة طاغوت " ، و" داوود غطاس" و"داليا بيادة" ومعاهم الاعلام الغربى، يطبلوا ويزمروا من اجل السلام والحب والتعددية وضرورة قبول الآخر واعادة الحقوق ،
كمان واحد زى ( ميرزا أديب) هيجعر ويقول " احنا ليه مش بنحب غيرنا وطمعانين فى كل حاجة ؟ده الاسلام بيقولك حب لأخيك ماتحب لنفسك ،يعنى عاوزين تكوشوا لوحدكم على مكة والكعبة والقدس وجبل الطور ؟
، اما المندوب السامى ففى الغالب هيقول بصوت رخيم " هو احنا مش لازم نحب الناس التانية تعيش هي كمان ولا أيه ؟ يعنى عاوز تروح تحج وتصلى وتطوف وتعتمر ، وفى نفس الوقت مش قابل ولا طايق أمر إلهى أراد ان الناس دى تعبد زيك فى المكان ده ؟ انتو حاجة صعبة خالص، ماحدش يفتح الموضوع ده تانى لو سمحتم )

#حسن_مدبولى (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات