يوميات مشجع- القسم الثاني

صوت الانتفاضة

الحوار المتمدن-العدد: 7487 - 2023 / 1 / 10 - 18:36
المحور: مواضيع وابحاث سياسية
    

فلنعلن حربا على الأوضاع الألمانية! فهي دون مستوى التاريخ، دون مستوى أي نقد، ولكنها تبقى موضوع نقد، كالمجرم الذي هو دون مستوى الإنسانية، ولكنه مع ذلك يبقى موضوع اهتمام الجلاد......ماركس.

دخل البصري وضيفه الخليجي الى الحيانية، بقي الخليجي فاغرا فمه، فالشوارع متهالكة، والمدينة خربة، أوضاعها مزرية جدا؛ رأى سيارات تبيع الماء، وأسلاك الكهرباء ممدودة في كل مكان؛ رأى مولدات الطاقة الكهربائية في الجزرات الوسطية وفي الساحات؛ رأى الأغنام وهي تأكل من مكبات النفاية المنتشرة في الشوارع، رأى نساء وأطفال وشباب يعتاشون على حاويات الازبال؛ هالته تلك المشاهد المؤلمة، حسب ان المنظر العام هو ما رآه في الملعب وتلك الألعاب النارية والهولوكرام؛ ظل مصدوما، دارت في نفسه أسئلة كثيرة؛ صديقه البصري احس بتلك الحيرة والدهشة، فاراد ان يهون عليه قائلا له: هسه نوصل للبيت ونسوي استكان چاي من هذا اليعدل الراس وبعدين نحچي كلشي.

الخليجي: شنو هذا، غير واقع مؤلم وبشع، البصرة ام الثروة النفطية هذا واقعها.

البصري: انت بعدك ما شفت شي، احنا وصلنا الساعة 9 بالليل خلي تطلع الشمس باجر وشوف الوضع، وهاي مو بس الحيانية، هاي اغلب مناطق البصرة هيج، تريد الصدگ كل مناطق العراق تشبه البصرة، ويمكن البصرة احسن من غيرها، لو مسوين البطولة بالسماوة لو بالديوانية چان سالفتنا صارت فضيحة؛ مره سمعت واحد يردد جملة "يجب رسم ما هو رديء بشكل جيد"، وإعلام السلطة يمكن يمشون على هاي المقولة، لأن رسموا واقع بائس بشكل جيد؛ ومثل ما يگول احد علماء الاجتماع "الصحفيين يشبهون نظارات خاصة بواسطتها يرون أشياء معينة ولا يرون الأشياء الأخرى، كما انهم يرون هذه الأشياء بطريقة معينة. انهم يمارسون عملية اختيار ثم عملية إعادة تركيب لذلك الذي تم اختياره". وهاي مو بس اعلام السلطة، لا حتى هواي من "المثقفين" و "التشرينيين"، اشتغلوا –بوعي او دون وعي- لتلميع صورة سلطة الاسلاميين.

الخليجي: زين المحافظ، الدوائر البلدية والخدمية، بقية الأجهزة الحكومية وين؟

البصري: شوف يا عزيزي البصرة مثل ما گلت انت ام الثروة النفطية، لهذا هي مدينة منكوبة، الإسلاميين تصارعوا بيناتهم عليها، واخر شي وصلوا لاتفاق بينهم على تقاسم المدينة، يعني ما يستحوذ عليها واحد منهم، فتشوف الشركات النفطية تنطي حصه لهذا الفصيل، الموانئ لذاك الفصيل، المحافظ لهذا الفصيل، قيادة الشرطة لذاك الفصيل، وهيج صايرة، بعد منو يسوي خدمات ويشوف حال الناس.

الخليجي: اني اسمع ان المحافظ زين وخوش يشتغل.

البصري: أكثر واحد قاسي على الحركات الاحتجاجية چان هو هذا المحافظ، وأكثر عمليات الاغتيال للناشطين والمعارضين صارت بوكته، وأكثر عمليات موت اشخاص تحت التحقيق صارت بوكته، ويمكن بعدين راح تطلع عمليات النهب والفساد اللي سواها، مثل ما صار ويه المحافظ القديم ماجد النصراوي، يا عزيزي الناس مو تشوف شارع اتبلط لو مدرسة او ملعب انبنى يگومون يهوسون ويصعد عدهم الهياج والحماس، ويصيحون "الوطن راح يرجع". شوف هالايام كلها تصيح وتگول "الراح راح خلي نبدي بداية جديدة"، زين شنو معناه هذا الكلام؟ اشو وجوه العملية السياسية هي هي، رجال الدين همه همه، قيادات الإسلام السياسي والقومي ما تغيروا ابد، على شنو بعد يگولون "الراح راح"، يعني قابل صارت ثورة أطاحت بالنظام القائم واجوا ناس جدد حتى نگول "الراح راح".

الخليجي: عوفك من هذا الكلام واحچيلي اگو بعد مثل الحيانية بالبصرة لو بس هاي المنطقة.

البصري: خلي نروح انام هسه وباجر الصبح نطلع اريكك بالعشار وبعدين اشوفك المناطق على حقيقتها أحسن ما أبقى اوصفلك.
للقصة بقية....
#طارق_فتحي

#صوت_الانتفاضة (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل