واحد ياعراق ..

حميد حران السعيدي

الحوار المتمدن-العدد: 4792 - 2015 / 4 / 30 - 20:15
المحور: الادب والفن
    

شعبنه وجيشنه ودمعات الايتام
ودعوات الارامل والثكاله
كلها تريده واحد وطن مهيوب
ومُصان االشرف باهواره وجباله
تطيب أجروحه ويرد _كمر مكسوف_
ولو زال الكسوف يرد ضواله
عنقاء العراق وأسمه تاريخ
وأم النخل فشله تصير تاله
يضل واحد بلدنه اشما تسوون
وعلى الله وعلى الشجعان اتكاله
كبل مرت عليه أيام صعبات
وصُبَرْ وانتفض شعبه ابكل بساله
حبيب أهله بلدنه ومايه سر بيه
وخبطة دهلته تصفي زلاله
اليبيعه برخص بيه دم خيانات
الوفي ما يرتضي بموطن بداله
عراق .. اشما تشب نيران الاحقاد
تطفه وماتمس أهلك جهاله
بعون الله يظل لاحفاد الاحفاد
واحد من جنوبه الحد شماله
تعز واهل البغض باحقادها تموت
وتذل أهل الدجل واهل العماله
يظل يزهي بفراته ودجلته أسوار
وكلايد نخله والكل سر جماله
تنصف كل محب وتذكره بالخير
يهنياله اليحبك يهنياله
لليريدك مجد ... صاحب مسلات
واليريدك رطب تنملي سلاله
واليريدك شرف كل الشرف بيك
بجفك نيشنت بالطوب فاله
عراق وتاج راس اليعرف التوج
واليكرهه رضع ديس النذاله

#حميد_حران_السعيدي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل