كفى ياموت

حميد حران السعيدي

الحوار المتمدن-العدد: 4788 - 2015 / 4 / 26 - 09:32
المحور: الادب والفن
    

الى كل من غادرونا مضرجين بدم الشهاده ...
بسك يخايب ولك ياموت ... والله اكصيت
سنين بينه الذبح ... خلصت عمد البيت
من نهر جاسم ذبح للعبدلي لتكريت
وبعدك لهسه شره ياموت مامليت ؟
..........................................
ياموت عف عن هلي ... عن شيبهم والشاب
الناس تخسر زمن وعدنه الخساره أحباب
دارت علينه الرحي .. وجرح ألأمس ماطاب
وقسمتنه قادة ذبح من أرعن الجذاب
وموتانه رش المطر وحته العدل هم ميت
بسك يخايب ولك ياموت ....والله أكصيت
...............................................
ياموت شنه الذنب بينه اشتغل منجلك
وليش الشباب الحلو صايرلهو رحه الك ؟
وويانه عهدك ثبت كلما يدور الفلك
وفطمات تاخذ كمت وحده وره اخره تهلك
كلش علينه جرت للقسوه مابكيت
بسك يخايب ولك ياموت ... والله أكصيت
..............................................
ياموت مالك جرت واشعندك ويانه
بس ولك لو بس سنه من سنينه انسانه
احنه بكايه قهر وارواح تعبانه
ايتامنه بلا عدد واكثر ثكالانه
وموتانه ماتوجعك لاجبت لالوليت
بسك يخايب ولك ياموت... والله أكصيت

#حميد_حران_السعيدي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل