وسيم بغداد

حذام الحداد

الحوار المتمدن-العدد: 4669 - 2014 / 12 / 22 - 00:00
المحور: الادب والفن
    

يلنورَك طغَه وطش علَه كل الكون
يعبعوب الوَسيم وساحر النسوان
يلحسنك أبد ماوصل يوسف ليه
وما يلحگك والله حته دون جــوان
مو حقّه الوطن لو يتفاخر بيــك
إذا صيتك وصل للصين وطهران
گمر انت وضوّه بسمه بغــــداد
بعد ماغاب عنهه الگمر من زمان
سبحان ربّي اللي تمعمَر بيـــك
وماخلق مثلك بين الإنس والجان
يمزَحزح الصخرة ومنهو غيرك
بطل مهيوب عدنَه ولا سوبرمان
أخاف عليك من عين اليحسدون
يبو چف الذهب وفارس الفرسان
خلْ بغـــداد كلهه تـغرگ تفيــض
المهم حسنك يظل ويقهر العدوان
ندري بالوطن هواي أبطال عنده
بس مثلك منوجد بيــهم ولا چان
أريد وياك صورة تــبقه تـــذكار
وللتـاريخ تروي همّة الشجعان

#حذام_الحداد (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل