حيّو وياي هاذَ نايبنه السبع

حذام الحداد

الحوار المتمدن-العدد: 4451 - 2014 / 5 / 12 - 20:17
المحور: الادب والفن
    

حيّو ويــاي هــاذَ نــايـبنــه الســـبع
لو مشــه عالگاع يشــلـعهه شـــلع
بس حِظَه بمنصب تبــاهه على الربع
وتـشمخرعليهم ماندري شنو علومه


لاتســأل على شــهاداتـه الدراسـيَّه
گبل ســنتين چــان بمحو الأمـيــه
وعلى غفــلة صبح خــرّيــج كُلــيـَّه
من مريدي إشتره شهادة مختومه


لبس قاط الحريــر ومــاشي يـتبختر
وأفـواج الحـمـاية دايـره وعســكـر
عالخلگ يتمنظر وبسياره مصفحه
وشيشة عطر گالبهه على هدومه


نايبنه ترشح بس علمود النــفـط
لأنــه اســتاذ شاطر بالتفرهد واللفـط
ولو يـجي علي بابا يسمطه سمط
وبعز الظهر يشَوْفَه بالسمه نجومه


نسه من چان يتحسَّر على الـديـنـار
إترقه حضرته وگام يحچي بـالمليـار
وبلع حگ الشـعب ازغــار وكـبــار
جوعانة تــنام وبــطنـه مــتخومه


مســكين المــواطـن ينـطر الـحصه
حنطـة ملوثة يخــبزهه چـم گرصه
والتــمن گـمل يــســـفي ابـنـصــه
والأفندي قوزي مايــسـد زردومــه


لو نحچي كل العمر الحچي مـيفــيــد
جاز العراقي من العنب بس سلته يريد
كـل يــوم الـقـهـر بـگــليبه ايــزيــــد
وتبچي الــصخـر حــالـته الـمعـدومه



ستوكهولم
12.5.2014

#حذام_الحداد (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل