بالك ياشعب تنْسَه وتعيد الراح

حذام الحداد

الحوار المتمدن-العدد: 4379 - 2014 / 2 / 28 - 08:36
المحور: الادب والفن
    

الى كل الشرفاء في وطني الحبيب أهدي قصيدتي "بالك ياشعب تنسه وتعيد الراح"

بالك ياشعب تنْسَه وتعيد الراح
ولا تنتخب اللي ماوفَه بـــوَعدَه
عانيت أشكثُر من چذب الوعود
وأظن جرحك چبير ويلگچمك بعده
لاتنطي صوتَك للي ضامَك سنين
وإحذرْ للـغِدَرْ چفَّـــك تــــــمدّه
ولتصَدْگ الإجَه ورافع شِعارات
وكل همَّه عله الكرسي تگعدَه
ولتغرّك صورهم تارسه الحيطان
من سببهم الوطن وضعَهْ تردَّه
بيتَك مهدَّم وهُو يعمر قصور
وبلع مال الشَعب ونهَب كدَّه
وفوگ الفقر يوميَّه إنفجارات
دگلّي أشفت من عمرك العدَّه
انتخب إبن الفرات ودجلة والأهوار
وإبن بغداد والرمادي والسدَّه
والشريف العدَّه غيره عالوطن
وللخير يشْمر ساعده وزندَه
إنت ابن البطل الذاد بالجبهات
المادنَّگ الهامه وما وطَه مجده
جوز منهم يكفي شبَعْت هموم
وباب اليجيـب الريح ســــدَّه
بيدَك ياعراقي تقلَع الصبّيـــر
وبيدَك جَرحَك تعالِجه وتضَمدَه

#حذام_الحداد (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل شاكر الناصري، أحد مؤسسي الحوار المتمدن	حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل