رشة اخبار

جان نصار

الحوار المتمدن-العدد: 4454 - 2014 / 5 / 15 - 12:55
المحور: كتابات ساخرة
    

بقولك اجتمع الرئيس الفلسطيني ابو مازن مع جون كيري وزير خارجية امريكا لاول مره تصوروا لأول مره منذ انهيار مفاوضات السلام بين اسرائيل والفلسطينين الشهر الماضي يعني اواخر نيسان واحنا اليوم اواسط ايار,اللي مش مفهوم ان كل الصحافي والاخبار بتشدد على كلمة لاول مره وكانه لقاء كيري ميري كل الاشهر الماضي ولا كان, وبعدين صدقوني انو ابو مازن بيشوف الوزير كيري اكثر من عيلتو واولادوه . وخبرونا يا جماعه شو المستجدات الجديده على الساحه الفلسطينيه خلال الاسبوعين اللي بستدعي الرئيس ابو مازن بطوطه الذهاب الى لندن لالتقاء بوزير الخارجيه هناك غير الاستجداك والشوبنغ اكيد مش شوبينغ شخصي كله للقضيه.
ابو مازن قال لكيري:هينا يا خوي اصتلحنا مع حماس شو رأيك.
مستر كيري يجيب: ات اذ او كي مستر ابومازن المهم انكم تعترفوا بأسرائيل وكل المعاهدات معها واذا اتفقتوا او ما اتفقتوا انتو والاسرائيلين الله لا يردكو قصرتولي عمري وخسرت صحتي وانا دير وراكوا. ودعم ال 500 مليون دولار السنوي صار في مهب الريح.
الوزير كيري ماسك بس 3 ملفات ومش ماخد منهم لا حق ولا باطل.
الملف الفلسطيني الاسرائيلي والملف السوري واليوم الملف الروسي الاوكراني .

معركة الحمص وحقوق الملكيه الاكليه بين اسرائيل وفلسطين في اوجها لان اسرائيل بتدعي ان الحمص هو اسرائيلي المنشئ ومع هيك حمصهم بنعمل بطريقه نوويه وخلطه سحريه ونكهه اسرائيليه.الموضوع واضح حتى الانتاج الاسرائيلي للحمص واللي ببعد عنه الشبهات انو عربي واضح من اسماء الشركات اللي بتنتجه بأسمائه:حمص على كيفك ,وحمص صبار ,وحمص احلا.اسرائيل تعلن ان الحمص احسن وافضل من حماس شو الصله بالموضوع الله اعلم.
اخوتنا اللبنانين دخلين على الخط لانهم دخلو موسوعة جنيس باكبر صحن حمص فكيف يا جماعه الحمص اسرائيلي الموضوع بدو حل.
احنا العرب في موسوعة جنيس مشاركين بالاكل وهذا انجاز نحسد عليه ,اكبر صحن حمص,اكبر صحن تبولي,اكبر سدر كنافي,اكبر حبة فلافل,اكبر منسف ,اكبر كبسي واكيد في كتير اكلات نسينها غير اكبر اكلة كسكوس.

رئيس بلدية القدس السابق ورئيس وزراء اسرائيل السابق ايهود اولمرت المسكين متهم بتلقي الرشوي وهاي القاضي روزين طسو 6 سنوات سجن فعلي واتهم بالخياني يعني خيانة الجماهير والدوله والوظيفه مع انو المسكين كلهم شي اكم مليون بنعدو على اصابع الايد الوحدي مش محرزي سجن وبهدله مشان هيك مبلغ تافه..احنا زعمائنا وملوكنا ووزائنا العرب نهبوا دولهم ويا دوب حد سائل ومعظم نهبهم ورشاويهم كلها في البنوك السويسريه.
اصلا النهب والسرقه والرشاوي لدى زعمائنا له جذور وهو اصيل .
قبل سنوات طويله عندما لم اكن كاتب ساخر وكنت كاتب حائر وصابر وناطر وطاير.كتبت في احدى المقالات عن عجز الموازنه في المملكه المغربيه ايام المرحوم الملك الحسن الثاني وكانت في ذلك الوقت 9 مليار دولار وثروة الملك انذاك كانت تقدر بحوالي 16 مليار يعني ممكن يسد العجز دون اللجوء الى القروض والبنوك وكله من اموال الشعب الفقير.واليوم مع الملك محمد السادس البلاد تمر بأزمات ماليه رغم الثروات الطائله في البنوك وبذخ السلطه الحاكمه.واكيد الاردن والسعوديه والخليج و بقية الحكام لاهطين الاخضر واليابس وبعدين بقولك قدم الملك او الرئيس الفلاني مكرمه ملكيه او رئاسيه وكانهم دافعين من جيوبيهم مش مسروق من الشعب ومدخرات ومداخيل الدوله.
رئيس الارغواي راتبه 12500 دولار شهريا لكنه يتقاضى منه فعليا فقط 1250 دولار والباقي يوزعه على الجمعيات الخيريه ويسكن في بيته القديم ويرفض البيت الرأسي .تقريبا بذكرنا بملوكنا ورئسائنا العرب الملك السعودي والمغربي والاردني وامير الكويت ومثل ايام القذافي وزين العابدين اللي حتى طائرة الهيلكوبتر لم تستطع التحليق من ثقل سبائك الذهب التي سرقت ايام الاطاحه به واكيد المرحوم صدام وابنائه كانوا يناموا على الجوع تلك الايام واليوم المالكي واللي حواليه رمز الاستقامه, ولا يذكر النهب واللهط في قاموس العراق الجديد.

رئيس وزراء اسرائيل نتنياهو بعد ما وصل المفاوضات الى طريق مسدود والاخ ابو مازن بغني اغنية موعود واغنية على الله تعود... نتنياهو مشغول بمسئلتين الاولى رحله الى اليابان راح تكلف مليون دولار ومش فاهم شو اللي مزعج الصحافه الاسرائليه بكل تفاصيل هالمسخم نتنياهو يوم بكتبوا عن حبه وفواتيروا اثمان البوظه ويوم عن زوجتو ساره وضربها لخادمتها او تغيرها وشو المسكين لبس وشو اكل وصرف أي حاجي يا جماعه خففوا الضغط شوي.
الموضوع الثاني اللي شاغل تفكير نتنياهو هو الغاء منصب رئيس الدوله على اساس انه صوري وما في منه فايده وكمان كل ما ترشح لهالمنصب شي شخصيه سياسيه بفتشوا عن ماضيه وبفضحوا بالاعلام.مثل الوزير سلفان شالوم وتحرشاته الجنسيه قبل عشرين سنه والوزير دفيد بن اليعيزر كمان كان قبل سنوات يلعب قمار في لندن بالمختصر كل مرشح بلبسوه اذا مش لابس شي تهمي. بقولك حتى لو جابوا واحد ماضي ابيض زي الثلج ممكن يقولوا انه بشبابه كان يمارس العاده السريه وهاي شهوات غرائزيه ممكن بعد الانتخابات تؤدي الى تحرشات جنسيه فمن الافضل فض هالقضيه.

تغريم 3 ايطاليات مبلغ 10500 دولار يعني كل وحدي 3500 دولار لانهم سبحوا في البكيني في احد شواطئ ايطاليا المخصصه لاستجمام العرب والخليجين لانهم جرحوا واسأوا لمشاعر اخوتنا العرب والمسلمين هناك.
نعم نحن مع محاسبة المواطن الغربي في بلاده الذي لا يراعي احاسيسنا وشعورنا طالما ان امولنا استطاعت ان تشتري حتى شواطئهم .لان رجالنا هناك بتسله ونسائنا بتتقله.يعني الرجال بالمايوهات والنسوان بالبرقعات تحت الشمس .المهم راحة رجالنا ونسوانا مش مهم يكفي ان لديهم هواء للتنفس.
الغريب ان نساء الخليج والعرب في لندن وباريس واثينا ومدريد ونيورك غير اللي منشوفهم عندنا يمكن بتنفك عقدهم وازرار عبايتهم هناك لوحدها او حرمان الاوطان يقابله راحة الابدان عند الغرب والامريكان.

#جان_نصار (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل