احترنا يا قرعه من وين نبوسك

مرحبا عزيزي جان
اولا انا اقرع وبتقدر تبوسني من وين ما بدك !! بوسة زمالة يعني !!
ثانيا المفاوضات هي منشان تقوية التعارف والصداقة بين صائب وليفني
وبين عباس ونتانياهو
وعشان تزبط لازم يكون مرشد لمجموعة التعارف
والمرشد كيري
بس المشاريب عحساب المضيف !!
لك تحياتي

إرسال شكوى على هذا التعليق          105 أعجبنى             المزيد-الاشراك   

---

لازلت حتى اليوم اتذكر احدى لقاءتي مع الراحل المبدع الاديب اميل حبيبي في احدى شوارع مدينة براغ عندما قال لي:مشكلتنا ان الشعب الفلسطيني يحوي الكثير من المزاودين وعلقت في ذهني هذه المقوله وردها ايضا على مسامعي في القدس.لن ترى يوما اجماع فلسطيني على اي موضوع ايجابي يتعلق بقضيته دوما ستجد المعارضين ومزاودين وهات حيكها.
باختصار الاسرايلين يعرفون هذه الصفه لدينا ولهيك دايما بلعبوا على الوتر الحساس الا وهو عدم وحدة الفلسطينين. واحنا بدناش حدا يزقفلنا منرقص لحالنا
تحياتي عزيزي قاسم

إرسال شكوى على هذا التعليق          96 أعجبنى             المزيد-الاشراك   

---

تحيثة و سلام و محبة و احترام
يتردد ان العرب رفضوا قرار التقسيم ذيك السِنه
العميان و الاغبياء قالوا ان العرب رفضوا ذلك القرار رغم انه يحمل حل افضل مما هو اليوم
والصحيح ان العرب وقتها افهم من كل مدعي الفمانية اليوم
رفضوا القرار لان فيه دولة يهوديه
اي ما يرفضه ابو مازن اليوم كان قد رفضه العرب في تلك الظروف
خلي ابطنك بطيخه صيفي
لن تكون هناك دولة يهوديه مطلقاً
لن تكون هناك دولة اسرائيل و دولة فلسطين
سيبقى الاوربيين الاسرائيليين يحملون جوازين سفر احدهم لبلدهم الاصلي و الاخر لأسرائيل و هؤلاء اول الهاربين عندما تشتد الساحة حتى لو ارتفعت درجة الحرارة بشكل طبيعي....سيقضون اجازاتهم السنوية عند اهلهم في اوربا و يعودوا الى وظائفهم المؤقته في ارض الشام
لن تكون هناك قدس عاصمة لدولة مهاجرين مطلقاً
ان ما يدمر بلدية اسرائيل انها ترغب ان تكون دولة و دولة يهودية و عاصمتها القدس
كل واحدة من تلك الثلاثة تكفي لتدمير دولة بحجم امريكا و ثقلها و ليس دولة مجموعة سياح وافدين للتمتع بشمس الشرق
الشعب الفلسطيني شعب مُقْلِقْ و السياح اليهود يريدون ان يكونوا شعب و مع كل ما يملكون فهم شعب قَلِقْ
اكرر التحية

إرسال شكوى على هذا التعليق          99 أعجبنى             المزيد-الاشراك   

---

اهلا بعودتك الينا شتقنالك اخر مره كان لقائنا في موضوع الطب البديل واحبتك على السؤال في الرد الثاني.
نعم يجب الاعتراف ان الشعب الفلسطيني عنده اصرار ولهذا فهو شعب مقلق وكل ما طال الحل سيزداد اصرارا واحنا مش هنود حمر يعني القضاء علينا صعب.لكن بالمقابل الظروف الحاليه مع الاسف لصالح اسرائيل ومع ذلك نهاية هذا المراتون السياسي لصالح الفلسطينين لكنه سيكون مارتون جدا طويل وصعب
تحياتي واهلا بك وبعودتك يا غالي

إرسال شكوى على هذا التعليق          126 أعجبنى             المزيد-الاشراك   

---

يا أخي هذول ولاد عمنا عاشقين مفاوضات، بالزمنات زمان زمان لما آجاهم موسى بإسم ياهو طلبوا من موسى يفاوضلهم ياهو على خروجهم، ولما زعل منهم ياهو وتوًهم في الصحراء ، جننوه لهاظ موسى لدرجة صراخه في وجه ياهو، كون بدكم إياهم اليوم يردوا على كيري زي ما بدهم الفلسطينيه، شوف إنت بس أجا كيري يحكي عن الفصل العنصري كيف بساعة واحدةغير كلامه ،ترى كيري خاف يصير فيه زي موسى لما ياهو حرمه يفوت الارض الموعودة، يا حرام خايف الزلمة يطير من الوزارة
أما حول الفلسطينيه ومزاودتهم ما إنت عارف كلهم روس بصل زنابيط ما فيهم قنارة
تحياتي للجميع

إرسال شكوى على هذا التعليق          104 أعجبنى             المزيد-الاشراك   

---

وين انت يا زلمي شو كنت مشغول ومتابع المفاوضات وقابدها جد ولهيك هسع تفضيت وين ايامك بشو مشغول وليش بطلت تكتب.
كيري لحس بزقته بس راحت عليه ولا يحلم يدخل سباق الرئيسي لانه هيلاري كلينتون بالمرصاد وعقابه عسير من الاسرائيلين واللوبي الصهيوني والايباك في امريكا غضب الرب نزل عليه كله مشان زلة هاللسان
مش مهم لانه كل زعماء امريكا فوتوكوبي واحد لو تغيرت الاسماء
تحياتي وابتساماتي وليراتي عفوا دولاراتي ويوروهاتي

إرسال شكوى على هذا التعليق          126 أعجبنى             المزيد-الاشراك   

---

الحل هو سياسة الزومبي.

و الزومبي للي ما بيعرفو يا جماعة هوي شخص بيموت، بيجي فيروس على جسمه بيرجع بيقوم و بيمشي و بيوكل الناس، و بيعيش و هوي ميت.

في أرض راحت و شعب راح و شعب إجا محله، و اللي راح بدو يرجع، و اللي إجا محله بدو يروح و ما بيدو يروح، و اللي بدو يرجع في منو ما بدو يرجع، و الموجود من اللي ضل و من اللي إجا مش طايق بعضه LOL

يعني سولافتكم بدها المفتش كولومبو يحلها، طيب ليش ما تعملو زي ما قال المجنون العاقل سيدنا و تاج راسنا المرحوم بإذن الجماهيرية القذافي و تسوو دولة: إسراطين من الجولان إلى سيناء مرورا ً بأوروبا؟ LOL

إرسال شكوى على هذا التعليق          89 أعجبنى             المزيد-الاشراك   

---

اعتقد ان اقتراحاتك هي الاقرب للحل يعني اسراطين القذافي مع شوية تعديلات منقص من هون شقفه ومن هناك قطعه وبزبط حكم .
احد اصدقائي الاردنين خلال دراستي قل 30 عام وهو من عائلة شويحات قال نكته عن جاره ابو فلان.
قال يا اخي صدعتولنا راسنا اسرائيل اسرائيل.شي ليلي بعد التعليلي منزل عليهم بالاباسي ومنضل على روسهم دق دق وخلصت الشغله.واذا احتجوا لهيئة الامم ,مخالفه نيره ونص سكر وعربدي.
اظن ما في انسب من هيك
تحياتي ومودتي لك

إرسال شكوى على هذا التعليق          84 أعجبنى             المزيد-الاشراك   

---

هذا الجار مزهزها معو كتير LOL
اباتشي
و ليرة و نص
و سكر
و عربدة
و أمم متحدة

يا سلام لو الأمر بهالبساطة يا معلم، كان من زمان ناسبنا اليهود و اليهود ناسبونا و بيصير كوهين خال الولاد و أنا خال موشي، و بالمرة بنزيح كل الحواجز اللي بلا معنى و و بصير أحمد خال ميشيل و الياس خال فاطمة، و بنلغي كل الأديان و الأعياد و بنحتفل بس بعيد الأم LOL و عيد إنشاء الدولة.

إرسال شكوى على هذا التعليق          115 أعجبنى             المزيد-الاشراك   

---