اليوم العالمي ضد الضوضاء

جان نصار

الحوار المتمدن-العدد: 4439 - 2014 / 4 / 30 - 12:35
المحور: كتابات ساخرة
    

.لما بقول ان العالم الغربي وهيئة الامم وهاي الشعوب اللي عاملي حالها متقدمه انهم فاضين اشغال ولا واحد بصدقني.
تفضلو يا جماعه قال يوم ال 30 من نيسان اللي هو اليوم هو اليوم العالمي ضد الضوضاء يعني الضجه والازعاج.على فكره انا لا اخترع هيك اعياد او ايام قبل مده كتبت عن يوم السعاده اللي هو عباده شوي وزياده والبعض سخر مني وما صدقني بس لما باسم يوسف بعد ايام اتحدث عن يوم السعاده الكل صدقني. ما علينا الحكومه الالمانيه بتشدد على هذا اليوم لان الدرسات تشير ان الضوضاء والضجه التي تثيرها حركة السير بشكل عام وما يصاحبها من ازعاج مع ما يقترفه الانسان من ضجه تجاه الاخرين ترفع نسبة الادرنالين في الجسم مما يسبب الامراض مثل ضغط الدم العالي وامراض القلب والسكتات الدماغيه والقلبيه. كل هذا الكلام في منه ومعقول وبدخل على الدماغ بس عندي ملحوظه كتير صغيري هادا الحكي بنطبق على الغرب المتأخر لكن عندنا في عالمنا العربي المتقدم ما في من هادا الحكي لان الهدوء شعارنا وعدم الازعاج هو مبدئنا واصلا كلمة ضوضاء ما منعرفها وما في الها معنى وتصريف لانها غير موجوده.
أي نعم كل صباح ابواق السيارات والباصات تصدح من الخامسه صباحا وحتى الواحده ليلا ويا دوب في سكينه وهدؤء3او4 ساعات من الاربع وعشرين ساعه لكن ذلك كله يعتبر فلوكلور شعبي مش ازعاج.
السؤال المطروح لشو في ابواق وزمامير في السيارات والباصات اكيد لكي نستعملها على الفاضي والمليان واذا كانت اصواتها مش قويه نبحث عن الاقوى.
عندكم مثلا في الصباح الاب يريد ان يأخذ الابناء الى المرسه يذهب الى السياره واول ما يجلس على المقعد هات يا زمامير وابواق ال شو الاولاد تأخروا بالنزول الى السياره .اذا كان العكس الاولاد في السياره قبل الاب او الام نفس العادي هات يا زمير.على فكره احنا العرب منشتري السيارات اكيد بس مشان البوق والزمور مش لاشي تاني.
على الطريق اذا خربت(تعطلت) السياره او لم تسير بسرعه زي ما بدو السائق اللي ورا هات يازمامير ومسبات وشتائم وبعدها نزول من السيارات وطوش ومشادات جماعيه يشترك بها كل المتواجدين وصراخ وعويل ووممكن اطلاق رصاص علشان السير البطئ ويشترك في هذه المشادات الجميع يعني عرس وطني برفع الراس.
معظم السائقين عندنا ملتزمين يعني ممكن بزحمة سير والشارع في طابور سيارات يوقف السياره في منتصف الشارع لانه يريد شراء علبةسجائر او كيلو لحمه او2 كيلو بندوره وخيار مشان السلطه وكله مش مهم مين واكم سياره موجوده بالخلف ولانه شعوبنا هادية الطباع وتمتاز بالصبر تشعر بهدؤ وراحه وسكينه لدرجة انك بتنام بالسياره من الطمئنينه والارتياح من دماثة اخلاق شعوبنا.
يعني عندنا ما في فوضه وبالغرب عندهم كتير فوضه بالغرب يخالف كل من يستعمل البوق والزمور اذا استعمل بغير مكانه اما في بلادنا يخالف السائق اذا لم يستعمله .
خذوا هذا المثال من الانضباط في شوارعنا .بالامس وبعد مباراة البايرن المانيا وريال اسبانيا هات يا احتفالات بفوز الريال وابواق السيارات تلعلع بمنتصف الليل والاطفال والشيوخ والكثيرين نيام صدقوني حتى الاسبان نفسهم ما بحتفلوا زينا بفوضه وضجيج. وفي خضم الاحتفالات والازعاج والسير في منصف الليل حتى الشرطي يستوقف سياره وطابور من ورائها ال بدو سيجاره, وبقولك: والله بدعوا هالريال بس ليش ميسي ما دخل ولا غول.هات فهمو انو ميس بلعب مع برشلونه مش مع الريال واذا فهم بقولك طب ابراهموفيش اكيد رفع راسنا يا مسلمين رغم انه بلعب مع سان جيرمان بس لو شوي كان دخل غول.يعني الدنيا مولعه وشرطي سير مولعها اكتر في احلى من هيك.
أي عرس (زواج)في الشارع او الحي لازم تسمع صوت الزغاريد والرصاص والغناء المدن المجاوره مش بس المدينه اللي فيها العرس .
حتى العزا والحزن فيه ضوضاء وازعاج بصراحه احنا العرب شعوب انفعاليه وعاطفيه يعني الفوضى والضوضاء هي عباره عن فلوكلور ولهيك امرض ضغط وسكتات قلبيه يعني يا دوب في عندنا وكل مايقال عنا غير ذلك هو من باب التشفي والغيري أي نعم عزيزي القارئ الغرب يغار ويحسدنا على هدؤنا وانضباطنا وتحلينا بالصبر.اصلا النبي ايوب من عنا مش بقولك صبر ايوب.
اذا كان الغرب بدو يحتفل بيوم عالمي ضد الضوضاء تتهدا اعصابه هاي مشكلته بس احنا العرب بدون ضوضاء وضجه وازعاج ما منقدر نعيش. في شعب ممكن يتخلى عن تراثه وقيمه وعاداته. وهاي احنا الشعوب العربيه اذا تخلنا عن الضوضاء والضجه والازعاج كيف راح نتميز عن شعوب العالم.
ختاما حلة(انصراف)المدارس والجامعات اسواق الباعه والشوارع والبيوت هدؤ فوق العاده ولا يوجد عندنا ضوضاء ولا ما يحزنون يعني هيك يوم عالمي ضد الضوضاء مابلزمناش .
اي طوشه او مساده بين زوجين بسمعوا الجيران والشارع والحي وكل المدينه ال ضوضاء الل

#جان_نصار (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل