تبرعاتكم وتبرعاتكن المالية تحفظ استقلال الحوار المتمدن، فشاركونا في دعم استمرارية هذا الفضاء اليساري الحر

باسورد رقم الصادر.. ورجعت طاير من الفرح للبيت

زاهد الشرقي

الحوار المتمدن-العدد: 3654 - 2012 / 3 / 1 - 19:40
المحور: كتابات ساخرة

أستيقضت مثل المجنون من نومي هذا الصباح , وانطلقت مسرعاً إلى ( الصندقجة) الصغيرة التي أضع فيها كل الأوراق المهمة , وشعندي هو ( سند مال البيت وهويات الأحوال وياهن مبلغ من المال قدره(20.000) ألف دينار بس لا وراهن ولا جدامهن بعد ضامهن للمستقبل اشلون مستقبل هو عاد أيخبل. وصور الأطفال وصوري من جنت صغير وأيام الطربكة وعقد الزواج وصور أيكلك إذا ضامك الضيم أذكر أيام عرسك . المهم أخذت السند مال البيت وكتله للحجية أستكان جاي , ورثت الجكارة وكلت يالله إلى ( الطابو) يعني دائرة التسجيل العقاري. ركبت سيارة والحمد لله واحد كلي واصل كروتك , ربك ميكطع بعبده . وصلت للطابو , ولكيت الموظفة ..
كتله : السلام عليكم رحمة على والديج بلكي المعاملة مال هذا السند
كالت: أنتظر بالسرة انته شنو على راسك ريشة .
كتله : لا ماكو ريشة ولا هم يحزنون أفلاس وجع راس
كالت : شنو فلاس وجع راس قصدك رشوة مو عيب متستحي أصرخ وألم عليك الناس والدنيا والشرطة. أسكت .. أسكت
كتله : أصار شبيج عصبية لما راتبج خير من ألله وتعصبين لعد أني شكول كلشي ماكو .
كالت : شنو حضرتك جاي تحدسنه اوكف بالسرة احسلك ترى والله أتخذ اجراء بحقك .
كتله: لا ما أريد اجراء بحقي اريد اجراء الطلبي ألله يخلي جهالج .
كالت : جهالج شنو أنته متشوف ومنو كالك اني مزوجه. وشي ثاني أنته شعليك. أسكت ولا كلمه.
كلت: بصوت خافت . الحمد لله منو يتحملج جنج ( بومه) تارسة وجهج صبغ
المهم .. بعد الانتظار جاء دوري واخذت المعاملة , ورحت للمديرة
كتله : أستاذة ممكن طلب أريد أتأكد البيت بعده بأسمنه أ لو مبيوع ومندري ,, لانه احنه بالعراق وكلشي جائز .. الجماعة ما خلو ثقة بعد
كالت: يا جماعة تقصد
كتله : اكو غيرهم اهل المصفحات
كالت: شنو انته بيك شيء وشنو طلبك هذا الغريب
كتله : والله مومخبل . بس جائز اطلع مخبل وما أدري دفضيني مضل وكت اخاف البيعة صايرة ونديح ..
كالت: جيب معاملتك والله شكول وأفكار تجي غريبة عجيبة
كتله: أي والله شكول لانه ماكو ورايه حماية ولا لابس قاط ولا منتمي الحزب وماعندي بيع وشرة من جوه الجوة .. أكيد أشكولي غريبة
كالت: ألسانك طويل وتحجي اهواية شوف ماكو بي شيء السند والبيت ماعليه كلشي
كتله : اوكي طلب صغيروني ممكن .. أريد أغير رقم الصادرة مال السند . لانه مثل ( الباسورد) اكدر لو ما اكدر .
كالت: شنو باسورد شنو سند .. تالي وياك هاي بياوجه مصبحة أني .. روح بابا روح
كتله : أشطح يعني
كالت : اطلع بره
كتله : اي راح اطلع لانه أرتاحيت بس والله يومية اجي ماعندي لاشغل ولا عمل كاعد عطال بطال ,, لانه ماريد اتهجول باخر عمري بالخيم ..
رجعت مرتاح وباجر هم أروح .. احسن لانه ماكو ثقة .. خلوا بالكم ياعراقيين .. اـاكدوا من كلشي حتى غراض المطبخ .. اخاف واحد منهم أيدك الباب ويكلكم من رخصتكم انتوا متجاوزين على املاك الدولة ,,ورجعت واني طاير من الفرح للبيت ...
اخ منك يا لساني .. سلامات يا وطن

ترجم الموضوع إلى لغات أخرى - Translate the topic into other languages

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل