الى مسلول

حسين جهيد الحافظ

الحوار المتمدن-العدد: 2391 - 2008 / 9 / 1 - 06:34
المحور: الادب والفن
    

الى مسلول

مهداة الى أول من علمني أبجدية حب الوطن أستاذي الفاضل العزيز الأستاذ
مهدي عبد الغفور الراوي مع ودي وجل اِحترامي
أواسط آب 1968

المقدمة... گمت أحسد المسلول من مرضي آنه
بيه الطبيب اِحتــار ضيع مچـــانـــه
القصيدة
تون مسلول
هنيالك وألف هنيال كل مسلول
مرض عندك تعرفه انته
وهم يشفه الطبيب اِيگول
لچن آنه ....ولك يانه
حرت مرضي شوصفنه
على كل حال آنه معلول
أنه الميت......
أنه المصيوب ....والمچتول
أنه ويا ويل فجّاري....
اِشيظن ضايع ..
چذب ما ضاع أعرفنه
تدور الدنيه.... يا دنيه وأگضنه
أحطن طينته ابِخده ...أميزنه
أمد اِبساط لحسابه...وأفل حزنه
وأكشف ظيم ..ظيم .... اِسنين گتلنه
راواني الوكت بيهه چثير أشكال للونه
أسولف كلشي اِببالي
أفگك عن الگلب سجنه
وأگله الثار عندك ثا ر أريدنه
ثار اِدموع.....
ما نشفت تكت اِدموع
ثار اِدموم.....
ما جفت تنث اِدموم
ثاري وثار.... كل مهضوم
كل مصيوب
كل مچتول
كل محروم
ثار أطفال لوعهه الدهر منك
غده الواحد ألف مسلول
غده ويا وحشة اسنينه
على المدري تمر بينه
تمر وتمر لوين ....اِتمر
يمر بيهه الوكت ......مسلول
وانته اِتون ....... يفشله اِتون ..ولك مسلول
دبطل الون يكافي الون يهل المسلول
هنيالك ...وألف هنيال كل مسلول
هنيالك وأل هنيال كل مسسسسسسلوووووول

#حسين_جهيد_الحافظ (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل