خواطر للعيد الرابع والسبعين

حسين جهيد الحافظ

الحوار المتمدن-العدد: 2241 - 2008 / 4 / 4 - 06:21
المحور: الادب والفن
    

إلى الحزب الشيوعي العراقي في عيد ميلاده
الرابع والسبعين
31/آذار/2008
(1)
عيد ميلادك حديقه
وبيه تتباهه الجميع
اِشما تمر بيك السنين
اِتخضر اِبحبك ربيع
(2)
ورده بيضه وغصن زيتون
..... وحمامه
ورايه حمره
ومنجل وچاكوچ ونشامه
لمه و فرحه وسلام
ويا سلام الفاض عالوادم سلامه
(3)
اِنته دنيه
وعمرك اسنينه اِشحلاته مزهريه
(4)
اِنته عيد
اِشما تمر اِسنينك
اِترد جديد
(5)
وحده .... وحده
اِسنين عمرك من يمرن
وحده .... وحده
طشن الدنيه محنه
وخضرن بالشوگ شده
ورده بيضه وورده حمره
وورده مدري
لمن ألوان الحياة
74 .. .. ورده
(6)
شوگ وفرحه
وكل مجروح اِتضمد جرحه
وحس ميلادك
شگ الليل ونبع صبحه
(7)
العين عميه
الما يضم طيفك جفنهه
وماهي عين
(8)
موش دنيه
الما يطرزهه اِبفخر واِبشوگ
دخان المعامل
والحضاره مو حضاره
الما تجي اِمن اِچفوف عامل
(9)
المنجل + الچاكوچ = الدنيه
(10)
تعب العامل والفلاح
اِيخضر طيب ..
اِيورد جوري وحب واِصلاح
(11)
يا حوبه وبخت واِتعثر اللاواك
منذوره السنين الخطوتك سچه
ومنذور العمر
بيرغ وفه اِبسمناك
(12)
خطوه .. .. خطوه
الناس وي نگلة أجدامك
خطوه .. .. خطوه
ويا حلاة اليمشي واثق
خطوه .. .. خطوه
(13)
بينك وبين الناس
تسيوره وسمر
وبين عينك والجفن
صفنة بحر
ومن يطگ بارح عطش
اِعيونك اِيفيضن نهر
(14)
جوريه اِنته ووردة نرجس
طاسة حنه وشدة ياس
وبين اِعيونك
خضر مشتل حب الناس

#حسين_جهيد_الحافظ (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل