شيوعيون

حسين جهيد الحافظ

الحوار المتمدن-العدد: 2199 - 2008 / 2 / 22 - 09:18
المحور: الادب والفن
    

المتون الما تشيل اِهمومكم مأظن اِمتون
والعيون الما تضم اِطيوفكم ما هن اِعيون
يالرسمتو اِبدمكم الغالي خريطه
للبشر وأجمل طريق
ويلي بيكم ... بيكم أوراق الحدائق تستفيق
ويلي .. يلي ما تلوگ الغيركم چلمة رفيق
وكل شي كلشي لأجل اِعيونكم لازم يهون
العيون الما تضم اِطيوفكم ما هن اِعيون
بيكم ... بيكم الدنيه صبح واِتصير دنيه
وعلم ترفع فوگ هامات الثريه
وبيه نجمه .. اِتصير نجمه الشيوعيه
اِتصير سلم للمجد واِنتم تصعدون
العيون الما تضم اِطيوفكم ما هن اِعيون
والشفالف الما تديرمهه دماكم مو اِشفاف
يلي بيكم لبست الدنيه اِبفخر ثوب العفاف
والعرايس فصلن بدلة عملكم للزفاف
ومن تعبكم كحلن أحله الجفون
والمتون الما تشيل اِهمومكم ماظن اِمتون
بيكم معجزة مريم وبيكم كل حزن يعگوب
عشك قيس وكرم حاتم وأكثر من صبر أيوب
انچّان حبكم ذنب مقبول مو واحد أشيل اِذنوب
لأن الناس بيكم ناس وأبد مو ناس من تجفون
والمتون الما تشيل اِهمومكم ماظن اِمتون
ممحله الكاع
من دمكم ربيع وطگت اِبساتين
تدوس اِعله المنيه وتسحگ
......... اعله الموت خطوات الشيوعيين
نصبت للمجد تمثال تفخر بيه وهاي اِسنين
فهد دگ الأساس اِبحازم وصارم
بنه ستّار ومحمد بعد عادل
كبرت وصلت السعدون
العيون الما تضم اِطيوفكم ما هن اِعيون
يالكتب دمكم قصيده بالمجد وأعظم روايه
حرز دمكم اِيأمن اِبعمره اليشيله وأكرم مآيه
لون الأيام حمره وصار رايه
كبرت الأيام بيهه اِتجاوزت كل الظنون
المتوت الما تشيل اِهمومكم ما هن اِمتون
والعيون الما نضم اِطيوفكم ما ظن اِعيون
وين أضمكم ما أوفي حنه
لو أشرگ اِضلوعي
وما يكفن سيل من يجرن اِدموعي
الشيوعي الما نكل جدمه اِبدربكم
..............مو شيوعي
يالسجنكم بيه تتباهه السجون
المتون الما تشيلن اِهمومكم ما ظن اِمتون
والعيون الما تضم اِطيوفكم ما هن اِعيون
والله أبد ما هن اِعيون
الناصرية
حسين جهيد الحافظ
[email protected]
أيلول / 2000

#حسين_جهيد_الحافظ (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل