الترنيمة رقم 74

حسين جهيد الحافظ

الحوار المتمدن-العدد: 2236 - 2008 / 3 / 30 - 10:23
المحور: الادب والفن
    

إلى الحزب الشيوعي العراقي في عيده الرابع والسبعين
آذار /2008
عشگ الفخاتي نده
باذار خضر گمر
طرز اِخدود الورد
والبوسه فاضت نهر
متباهي شوگ الورد
وحد التباهي عبر
شال الفرح للغوه
چفيه ساعة مهر
مجنون رگص العرس
يرگص فرح مجنون
واِعيونه تجدح وفه
كحله وغنج واِجفون
والليل خضر صبح
شگ الظلام وجزه
اِمهامس وگمره وضوه
واِعيون موش اِعيون
حضنن الدنيه فرح
اِتوسدن شوگ الليل
فصلن خد الشمس
للقادم اِمواويل
سفره وأغاني وصور
حس الأغاني عبر
تسيوره ضمت سمر
اِمن آذار ماخذ طبع
عشگ الفخاتي گمر
فريال عشگ اِبدوي
حضنت نجيه وسحر
وحريه كافي الاِسم
بيرغ نشامه ونعم
طرز اِمتون الزمن
فوگ الثريه نجم
واِخياله فتح رسم
يرسم طريق المجد
للجاي شايل أمل
متباهي شوگه أغنيه
التايه اِتدليه
( محله شهرآذار *** وآخره اِمحليه
مثله أبد ما صار *** حزبي اِنولد بيه )
نسغ الصدگ وسده
عشگ الفخاتي نده
شگ الأرض برعمه
( واِبهاي الولايه *** حزبي رفع رايه )
عالدنيه شوگه عبر
خنيب اِبعمره الفرح
واِدموعه فاضن نهر
بيه المونليزه اِشراع
من دمهه نگط نده
نومس اِتراب الگاع
التفگه اِبمتنهه أغنيه
وعطر العشگ نعناع
وخط النطاق اِنرسم
دنيه ومحنه ودرب
عانگ أجدام الزلم
شد رسمه نسغ العشب
من دمهه خضر وتر
شايل أغاني الحزب
(اِمگبعه ورحت أمشي يمه
بالدرابين القديمه )
واللحن خضر عزيمه
صاغ الأمل بالشوگ ترنيمه
وردات حب ووفه
شوگ ونده وگمره
ورده بيضه
وورده حمره
ورده وردي
وورده سمره
ورده ماروني وبنفسج
ورده صفره
لمن الحب مزهريه
ضمت ابشوگ العراق
وحضنت اِبفرحه الرفاق
ضحكه ونده وقداح
وطگ الوفه نهرين
برعم اِبجرحه الأمل
رغم الوكت سچين
ورغم السنين اِمسودنهه
ما چنهه تمشي اِسنين
خضر اِسمهن نبع
شمعه وضوه وعيدين
واِهلال شايل كحل
طرز جفن كل عين
وهلهوله بيه الوطن
صفگه وأغاني ورگص
وي فرحة اِمعرسين
( ستار شدة ورد محمد بيابي العين
وجرحي العليهم جرح)
ينزف ضوه اِهلالين
واِشموع حد البصر
اِتكحل اِعيون الگلب
صورة حبيب ومحب
وبين الشموع الوفه
اِيطرز صواني العمر
قداح واِرياحين
وشاب اِبربيع العمر
تتبختر اِظنونه عرس
واِعيونه تنثر ونس
رغم العمر .. .. يا عمر
بيه الشمع يفتخر
طرز اِسنينه وفه
ترنيمة وفه بالوفه
.. .. لل – 74 –

#حسين_جهيد_الحافظ (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل