فلاح المحبة

حسين جهيد الحافظ

الحوار المتمدن-العدد: 2306 - 2008 / 6 / 8 - 05:21
المحور: الادب والفن
    

سيريت ابنظرة اعيونك قصيده
وكتبن ارموشك شعر
فزت اطيور الحدايق ..... مزهريه
وفرشن الجنحان فرحه ابكل كتر
طشن الريشات للملگه نذر
ريشه فرحه.....
وريشه قنديل ومحنه...وريشه فيّْ
واشحلاة النوم بالفيّ الظهر
يلي حبك وردة النعناع
والريحه جسر
فززوني.......هلبت ايبوگون طيفك
.........بس لكوني
كلي فلاح العشرتك
اسنين مسحاتي الصبر
حته يسكي الحب محنه
يعصر اسنينه عصر
ما غفل جفنه وغمض طول العمر
عمره خلص ما قبل أشكي وأون
واشكثر ما بي حيل اويه الحزن
گلبي شاتل غصن جوري
حبك ابگاع الجفن
نثر عطرك عالشوارع
والشوارع....زفه تتباهه العصر
كحله ورموش.... وتهاني
والسوالف ... حنه وزواگه وعطر
نزهي والحب كرنفال
ضويات ويگطر حنان
عالم آخر....لا زمان ولا مكان
بيه أغاني وشوشليه
ترگص التجليبه چوبي وأبوذيه
ترسم الضحكات ...قداح وحنين
الضحكه هيل ....
وهيل يحضن ياسمين
وتحضن البسمه الشفايف
والأمل بالملگه يكبر
ايطرز اسنين العمر
اَِيسير ابعينك قصيده
وتكتب ارموشك شعر

#حسين_جهيد_الحافظ (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات