في العراق..عندما يتكلم السياسي بصراحة

امين يونس

الحوار المتمدن-العدد: 1993 - 2007 / 7 / 31 - 11:56
المحور: كتابات ساخرة
    

عبد العزيز الحكيم : انا مريض وتعبان ، لايستطيع احد ان ينتقدني فلقد اديت دوري على احسن وجه . وانا لازلت رئيس الكتلة الاكبر ، ابلغني الامريكان بان صلاحيتي انتهت(اكسباير) ، ولكن اطبائي في ايران قالوا بأنني استطيع الاستمرار لعدة سنوات اخرى . عمار الحكيم : انا المستقبل ، بل انا الحاضر ايضا لان مولاي عبد العزيز انتهى امره ! لن اسمح لحزب الدعوة ان يقوى على حسابي ، وبواسطة مؤسسة شهيد المحراب سوف اكسب المزيد – للمجلس وليس لي - . سوف اعلن اقليم الوسط والجنوب واذا كان ذلك صعبا فليكن اقليم الجنوب فقط ، واذا كلش كلش اقليم البصرة ! . هادي العامري : انا الذي ابقى المجلس قويا يهابه الجميع ، فلولا قوات بدر وسياستي الهادئة لاصبحنا مثل جيش المهدي .لكن من يقره من يكتب ؟! . عادل عبد المهدي : انا الوحيد المغبون ، فلو كنت من عائلة الحكيم لاصبحت اوتوماتيكيا خليفة له ، لا جعلوني رئيسا للوزراء ولا اعطوني منصبا ذو نفوذ حقيقي !. منهم لله .
ابراهيم الجعفري : انا واعوذ بالله من كلمة انا ، لولاي لما استتب الامر لنا نحن آل البيت ، وخصوصا في وزارة الداخلية ، والكل يعرف ذلك ، انا صاحب فكرة جيش المهدي . بيان صولاغ : هل هنالك شخص واحد يستطيع قيادة ثلاث وزارات مختلفة ، غيري انا ؟ انا المهندس وحامي الامن ورجل المال اذا خلعت نظاراتي تعرفوني !. نوري المالكي : كلهم اخطأوا ( وذبوها براسي ) ، من ناحية الامريكان مايخلوني اشتغل ، من ناحية هذي المحاصصة الجايفة متنطيني مجال اسوي اي شي ، وجماله نفس جماعتي بهدلوني ،الفضيلة طلعوا وفضحونا ، تيارين مدوخيني ، التيار الكهربائي والتيار الصدري يومية مسوين مشاكل ، مااكدر اكّمل هيج واستحي ابّطل ، والله ورطة !
حزب الفضيلة : ردنا وزارة النفط ما انطونا ، ردنا المالية ماكو ، كلهم جايين من الخارج ويه الامريكان واحنه وحدنا اللي بقينا وتحملنه كلشي ، وهاي النتيجة يريدون يبلعون الاول والتالي واحنه نطلع من المولد بلا حمص ! عدنه محافظ بالبصرة ويريدون يطلعونه ، بسيطة احنه الكم!
التيار الصدري : نحن ورثة الصدر الكبير ، نحن اساس قوة الائتلاف ، نحن المسيطرين على الشارع ، نحن الذين ابدلنا اسم مدينة صدام الى مدينة الصدر ، نحن ممثلي اوسع القطاعات الجماهيرية ، اذا ما نلعب بكيفنا راح نخربط الملعب !
جلال الطالباني : المهم صرت رئيس جمهورية غصبن علكل ، شلون ما يكون آني احسن من غازي الياور ولو هو طلع اشطر لان من صار رئيس تزوج وحده لُخ ! تره اتشاقه تعرفون آني ضد تعدد الزوجات !
بهرم صالح : والله آني استاهل اصير وزير خارجية ووزير تخطيط ، لان اعرف انكليزي زين وعلاقاتي جيدة ويه الكل وآني خوش ولد ! بس غير الحظ ما كعد ويايه !
عارف طيفور : آني مرتاح ، يوميه الظهر اصير رئيس مجلس النواب ، لان المشهداني والعطية يرحون يصّلون وآني مااصلي !
طارق الهاشمي : والله حيره ، اريد اطلع من التوافق بس اخاف ، من مصلحتي اطبك ويه الاربعه بس هم تخوف ، راح احاول العب علحبلين والله كريم !
خلف العليان : هسه لو هذا المشهداني يفك ياخه ويستقيل ، جان اصير رئيس مجلس واترس الكرسي ترس ، آني هيبه خو مو مثله !
حسين الفلوجي : ثبرونا علرواتب ، لو صاير لاعب طوبه احسنلي ، هذا نشأت اكرم حصَّله عقد بمليون دولار وكاعد مرتاح والكل تصّفكله !

#امين_يونس (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل